Maltanın türk xalqı üçün tarixi əhəmiyyəti var: Osmanlı donanmasının məşhur admiralı Turqut Rəis, 1565-ci ildə türklər üçün uğursuz olan Maltanın böyük mühasirəsi zamanı öldürülür. 1873-cü ildə Osmanlı Sultanı Əbdüləziz, Marsada bir Türk hərbi qəbiristanlığının açılmasına əmr verir. Malta ilə Türkiyə arasındakı diplomatik əlaqələr 1967-ci ildə qurulmuşdur.

Maltanın Türkiyədəki maraqları Vallettada iqamətgahı olan bir səfirlik və İstanbulda baş konsulluq vasitəsi ilə təmsil olunur. Maltadakı Türkiyə səfirliyi Florianadadır. Hər iki ölkə də Avropa Şurasının, Ümumdünya Ticarət Təşkilatının və Aralıq dənizi Birliyinin həqiqi üzvləridir. 1 may 2004-cü ildən Malta Avropa İttifaqının üzvüdür və Türkiyə bu quruma üzv olmaq üçün namizəddir.

2003-cü ilin oktyabr ayında Antalyada ölkələr, İnvestisiyaların Qarşılıqlı Həvəsləndirilməsi və Qorunması haqqında Sazişin yanında siyasi bir məşvərət mexanizminin qurulmasına dair Anlaşma Memorandumunu imzaladmışlar.

2008-ci ildə ölkələr arasındakı ticarət həcmi 1.124 milyard ABŞ dolları təşkil etmiş, keçən ilin eyni dövrü ilə müqayisədə 35% artım olmuşdur. 7 sentyabr 2007-ci ildən Türkiyə-Malta İş Şurası və digər hökumətlərarası təşkilatlar ticarət əlaqələrin inkişafına üstünlük verirmişlər.

2008-ci ildən etibarən Maltada, ümumi kapitalı 1,3 milyard ABŞ dolları olan 24 türk firması təmsil olunur. İki ölkə arasındakı əməkdaşlıq sahələrindən biri də su qaynaqlarıdır: Aralıq dənizindəki əsas gəmi təmiri müəssisələrindən biri Maltada yerləşir və Türkiyədə gəmiqayırma fəal inkişaf edir. 2008-ci ildə Air Malta və Türk Hava Yolları arasında bir kod paylaşma müqaviləsi imzalanmışdır.

19 sentyabr 1997-ci il tarixində ölkələr turizm sahəsində əməkdaşlıq haqqında bir saziş imzalamışlar. 2008-ci ildə 3058-dən çox maltalı turist Türkiyəni ziyarət etmişdir.