Sürünən mahoniya

Sürünən mahoniya (lat. Mahonia repens) — bitkilər aləminin qaymaqçiçəklilər dəstəsinin zirinckimilər fəsiləsinin mahoniya cinsinə aid bitki növü.

Sürünən mahoniya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Dəstə: Qaymaqçiçəklilər Fəsilə: Zirinckimilər Cins: Mahoniya Növ: Sürünən mahoniya
Beynəlxalq elmi adı
Mahonia repens G.Don, 1831
Şəkil axtarışı ITIS   195045

Təbii yayılması

Şimali Amerikada, Britaniyadan Yeni Meksika və Kaliforniyaya qədər yayılmışdır.

Botaniki təsviri

Sərilmiş budaqlara malik, hündürlüyü 0,25-0,5 m-ə qədər olan koldur. Yarpaqları 3-7 ədəd enli yumurtavari, 3-6 sm uzunluğunda, tutqun göyümsov yaşıl, dərivari, kənarları iti dişli yarpaqcıqdan ibarətdir. Çiçək saplaqları 2-3 sm uzunluğundadır. Çiçək salxımları uclarda yerləşib, 3-7 sm uzunluqdadır. Meyvələri qara, zəif tüklüdür, avqustun ortaları yetişir. Mahoniya toxumlarla, yarım-oduncaqlaşmış qələmlərlə, yarpaq tumurcuğu və kök zoğları ilə çoxalır.

Ekologiyası

Quraqlığa davamlıdır. Birillik zoğları donmağa meyillidir, soyuq qışda isə yaşlı zoğları da dona bilər.

Azərbaycanda yayılması

Cənub bölgəsində rast gəlinir.

İstifadəsi

Yaşıl fonda özünəməxsus gözəl görünüşü vardır. Daşlıq ərazilərdə, dağlarda və bordürlərdə torpaqqoruyucu bitki kimi yaxşıdır. Mahoniyanın bu növünü kölgəli yerlərdə qazon əvəzinə istifadə etmək olar. Həmişəyaşıl bordürlərdə salmaq üçün yararlıdır.