Hadisə 2023-cü ilin 14 avqust tarixində yerli vaxtla axşam saat 21:40 radələrində, şəhərin şimal hissəsində yerləşən köhnə yanacaqoldurma məntəqəsinin inzibati ərazisində baş verib. Partlayış nəticəsində yüzdən çox insanın xəsarət aldığı qeyd olunur. Yaralılardan ən azı on nəfərin vəziyyətinin ağır olduğu bildirilir. Məlumata görə, ağır yaralıların xüsusi təyyarə ilə Moskvaya çatdırılması nəzərdə tutulub. Şahidlərin dediyinə görə, alov ərazidəki avtoservisdən yanacaqdoldurma məntəqəsinə keçib. Dağıstan başçısı Sergey Melikov bildirib ki, partlayış yanacaq məntəqəsi yaxınlığında baş verib və çənlər buna görə alışıb.

Dağıstan Yanacaqdoldurma Məntəqələri Assosiasiyasının rəhbərinin sözlərinə görə, yanacaqdoldurma məntəqəsinin yerləşdiyi küçənin qarşı tərəfində qanunsuz olaraq 35 ton trotil ekvivalentində 90–100 ton ammonyak nitrat yığılıb və nəticədə partlayışın təsiri dağıdıcı olub. Artıq gecə saatlarında yanğınsöndürənlər alovun söndürülməsinə nail olub. Yanğın 600 m² sahəni əhatə edib. Faciə ilə əlaqədar bu gün Dağıstan Respublikasıda matəm elan edilib. Rusiya İstintaq Komitəsi partlayışla bağlı cinayət işi açıb və araşdırmalara başlayıb.

•   Rusiya Federasiyası Prezidenti Vladimir Putin hadisədən sonra partlayış nəticəsində həlak olan insanların yaxınlarına və ailə üzvlərinə başsağlığı verib. Dərc olunan başsağlığı mətnində hadisənin günahkarları olan şəxslərin qanun qarşısında cavab verəcəkləri əks olunub və hadisə nəticəsində həlak olan insanların ailə üzvlərinə 1 milyon rus rublu məbləğində birdəfəlik yardımın ödəniləcəyi də qeyd edilib.Dağıstan Respublikasının səlahiyyətlil şəxsləri partlayış nəticəsində yaralananların 200.000₽ ilə 400.000₽ arasında birdəfəlik ödəniş alacaqlarını açıqlayıblar. Dağıstan Respublikasında hadisə ilə əlaqədar olaraq bir günlük matəm elan edilib.