Madonna qərənfillə (it. Madonna dei Garofani) — İntibah dövrü İtaliya rəssamı Rafael Santinin 1506-ci ildə yağlı boya ilə işlədiyi tablo. Əsər Rafael Santinin Florensiya dövrünə aid edilir. "Madonna qərənfillə" əsəri hal-hazırda Böyük Britaniyada, London milli qalereyasında saxlanılır.
| Madonna qərənfillə | ||
|---|---|---|
| ||
| Rəssam | Rafael Santi | |
| Tarixi | 1506 | |
| Üslubu | dini incəsənət[d] | |
| Texnikası | yağlı boya | |
| Ölçüləri | 27,9 sm × 22,4 sm | |
| Materialı | yağlı boya[d] | |
| Saxlanıldığı yer | London milli qalereyası | |
| Saytı | ||
| İnventar nömrəsi | NG6596 | |
 Vikianbarda əlaqəli mediafayllar | ||
Əsərin təsviri
Miniatür rəsm əsərində müqəddəs Məryəm və körpə İsa təsvir edilib. Kompozisiya etibarilə əsər Leonardo Da Vinçinin «Madonna Benua» əsərini təkrarlayır. Kardinal dəyişiklik işıq qammasının işlənməsində özünü göstərir. Fiqurlar zəif işıqlanmış interyerdə təsvir olunur. Arxa planda arka pəncərədən görünən xarabalıq İsanın doğuluşu ilə bütprərəst dünyanın məhvinin gəldiyini simvolizə edir. Madonna və körpə əllərində tutduqları qərənfil gələcəkdə İsanın qanının töküləçəyini və isanın əzablarını ifadə edir.
Rəsm əsərinin taleyi barəsində
1991-ci ilə qədər belə hesab edilirdi ki, bu əsər orijinal deyil Rafaelin rəsmindən sadəcə bir kopyadır. Lakin 1991-ci ildə sənəntşünas Nikolas Penni elm aləminə sübut etdiki bu rəsm kopya deyil məhz orijinaldır. Lakin son dövrlərdə onun fikrini şübhə altına alan bir neçə yazı dərç olunmuşdur. Rəsm əsəri uzun illər Qercoq Nortumberlendə aid olmuşdur. 2004-cü ildə o əsəri satışa çıxardıqda London milli qalereyası sonuncu orijinal Rafael rəsminin ölkəni tərk etməsinin qarşısını almaqcün həyəcan təbəli çalmışdır. Sponsurların sayəsində rəsm əsəri qalereya tərəfindən qercoqdan 35 mly. funt sterlinqə alınmışdır.