1938-cü ilin noyabrında Gədəbəy rayonunda anadan olub. 1953-cü ildə Xanlar rayonundakı Pedaqoji texnikuma daxil olub, 1957-ci ildə fərqlənmə diplomu ilə bitirib. Həmin ildə Azərbaycan Pedaqoji İnstitutunun tarix-filologiya fakültəsinə daxil olub. 1962-ci ildə oranı fərqlənmə diplomu ilə bitirib.

Ailəlidir. Üç övladı var.

1968-ci ildən Azərbaycan Xalq Təssərrüfatı İnstitutunun (indiki Azərbaycan Dövlət İqtisad Universiteti) "Azərbaycan dili" kafedrasında işləyir. 1970-ci ildə namizədlik dissertasiyasını, 1990-cı ildə doktorluq dissertasiyasını müdafiə edib. Filologiya elmləri doktoru, professordur.

28 kitabın (dərslik, dərs vəsaiti, elmi monoqrafiya, elmi-metodik vəsait), 250-dən artıq elmi-metodiki məqalənin müəllifidir.

• "XX əsr Azərbaycan ədəbiyyatı"
• "Azərbaycan ədəbiyyatı terminləri sözlüyü"
• "Müdriklik çeşməsi"
• "Folklor və müasir poetik proses"
• "Türk dünyası və qardaş ölkələr ədəbiyyatı"
• "Azərbaycan ədəbiyyatından praktikum"
• "Gizli çiçək"
• "İllərdən qalan"
• "Azərbaycan folklor və etnoqrafiya terminləri sözlüyü"
• "Örnəklərlə folklor, xalq ədəbiyyatı və təkkə ədəbiyyatı sözlüyü"
• "Ədəbi düşüncələr", "Türk aşıqları" kimi kitabları.

• Azərbaycan Respublikası Prezidentinin 12 iyun 2002-ci il tarixli fərmanıyla "Tərəqqi" medalı ilə təltif olunmuşdur.
• Azərbaycan Respublikası Prezidentinin 26 sentyabr 2011-ci il Sərəncamına əsasən Azərbaycanda təhsilin inkişafındakı xidmətlərinə görə "Azərbaycan Respublikasının əməkdar müəllimi" fəxri adı verilmişdir.