Mərkəziasiyaşünaslıq — Mərkəzi Asiyanın mədəniyyətini, tarixini və dillərini öyrənən elm. Sosial elm kimi Mərkəziasiyaşünaslığın kökləri XIX əsrin Britaniya–Rusiya "Böyük oyunu"na gedib çıxır. XIX əsrdə Britaniya və Rusiya agentləri, əsgərləri, alimləri tərəfindən regiona edilən çoxsaylı səfərlər sayəsində Mərkəzi Asiya sistemli məlumat toplanması və təşkili obyektinə çevrilmişdir. Sovet İttifaqının dağılmasından sonra bu sahəyə maraq xeyli artmışdır. Müasir dövrdə Mərkəziasiyaşünaslıq bütün dünyada bir çox alimlər, institutlar və akademik proqramlar ilə təmsil olunur.