1918-ci ilin sentyabrında yaradılmışdır. Köməyə ehtiyacı olanların qeydiyyata alınması, evlərdə və küçələrdə qayda-qanuna və təmizliyə nəzarət, yanğınla mübarizə, əhalinin zəruri ərzaq məhsulları ilə təchizatı, yoluxucu xəstəliklərlə mübarizə və s. vəzifələri yerinə yetirirdi. Komitənin sədri A.K.Leontoviç seçilmişdi (1918-ci il mart qırğınları zamanı onun həyat yoldaşı və 3 yaşlı oğlu öldürülmüş, özü isə 1920-ci ilin aprelində güllələnmişdir).

Komitənin aşağıdakı orqanları var idi:

1. Qidalanma məntəqələri şöbəsi (1918-ci il sentyabrın 27-də yaradılmışdı). Şöbənin müdiri doktor Q.B.Bron seçilmi.di. Qidalanma məntəqələrində ehtiyacı olanlara pulsuz yemək verilirdi. Məntəqələrin birinci iş həftəsi ərzində hər gün 3 minədək adama nahar yeməyi verilmişdi. Müsəlman əhalisi bu məntəqələrin yeməklərindən imtina etdiyindən, onlara ərzaq məhsulları paylayan xüsusi məntəqələr açılmışdı;
2. Ərzaq Şöbəsi (1919-cu ilin yanvarın təşkil edilmişdi). Şöbənin əsas vəzifəsi əhalini ucuz və keyfiyyətli məhsullarla təchiz etmək olmuşdur. Ərzaq şöbəsinin ticarət, tədarükçü və paylaşdırıcı bölmələri var idi. 1919-cu il yanvarın 3-dən ucuz çörək bişirmək üçün çörəkxanalar fəaliyyət göstərirdi. Bu məqsədlə şəhərin müxtəlif yerlərində komitənin 10 dükanı açılmış, müsəlman məhəllələrində isə ucuz təndir çörəyinin satışı üçün xüsusi dükanlar təşkil edilmişdi;
3. Hüquq Ģöbəsi (1918-ci ilin sentyabrında yaradılmışdı). Məqsədi əhaliyə ucuz hüquqi yardım göstərmək idi;
4. Səhiyyə şöbəsi. Məqsədi şəhərin yaşayış məhəllələrində yoluxucu xəstəliklərlə mübarizə aparmaq idi. Şöbənin həkim və feldşerləri yoxsul əhaliyə pulsuz tibbi yardım göstərirdilər. Yoxsul əhali üçün hamam icarə edilmişdi.

Mərkəzi ev komitəsi 1918-ci ilin sentyabrında Uşaqlara yardım Bürosu təşkil etdi. Aprel işğalından (1920) sonra Mərkəzi ev komitəsinin fəaliyyəti dayandırıldı.

• Azərbaycan Xalq Cümhuriyyəti