isə Məmmədəli İsmayılovun futbolla yanaşı reqbi ilə də məşğul olub. Təkcə azarkeşlər deyil, futbolçu yoldaşları da onu "Mindi" ləqəbi ilə tanıyırmışlar. Rəqibi ilə top uğrunda mübarizəyə qalxan Məmmədəli fiziki göstəricilərindən istifadə edib daha yüksəyə tullanıb və birbaşa rəqib futbolçunun boynuna "minib". Bundan sonra isə onun adı elə "Mindi" qalıb.

1937-ci ildəki ilk heyətdə çıxış edən "Mindi" Böyük Vətən Müharibəsi başlayan zaman ön cəbhəyə yollanıb. İdmançı kimi cəbhə bölgələrində tez-tez keçirilən oyunlara qatılırmış. Buna görə də formasını qoruyan müdafiəçi müharibədən qayıtdıqdan sonra Neftçiyə döndü.

O, futbolçu kimi çıxış etməklə yanaşı, komandanın bərpa edilməsi üçün də böyük işlər görüb. 1946-cı ildə Neftyanik yenidən SSRİ birinciliyinə qatılanda ilk kapitan yenə də komandasına kapitanlıq edib. Bütün təşkilati işlərin həyata keçirilməsində o şəxsən iştirak edib. Həmin ildə o, oyunçu kimi də meydana çıxıb. Ancaq yaşının çoxluğu və cəbhədə aldığı yaralar onu futbolçu karyerasına son qoymağa məcbur edib. Meydana çıxdığı həmin yeganə oyun "Mindi"nin karyerasında sonuncu olub.