Məhəmməd ibn Təlal (ərəb. الأمير نايف بن عبدالله‎; , – , ) — İordaniya kralı I Təlalın oğullarından biri, taxt vəliəhdi.

1940-cı ildə Ammanda dünyaya gəldi. Atası İordaniya kralı I Təlal, anası isə onun türk əsilli xanımı Zeynəl-şərəf bint Cəmildir. Orta təhsilini Ammanda tamamladıqdan sonra öncə İsveçrəyə, ardından İngiltərəyə göndərildi. 1951-ci ildə babasının ölümü və atasının qısa səltənətinin ardından böyük qardaşı I Hüseyn taxta çıxarıldı. O illərdə 12 yaşında idi və qardaşının oğul övladı olmadığı üçün İordaniya taxtının vəliəhdi elan olundu. 1962-ci ildə qardaşı oğlu Abdullahın doğumuna qədər bu ünvanı daşıdı.

1956-1957-ci ildə Bağdaddakı hərbi akademiyada təhsil aldı və 1960-cı ildə xüsusi uçuş lisenziyası aldı. 1958-ci ildə İordaniyaya qayıtdı və Milli ordunun sıralarına qatıldı. Bir çox dövlət vəzifəsində xidmət etdi və qardaşının yoxluğunda bir neçə dəfə naib olaraq dövlət idarəsini ələ aldı.

29 aprel 2021-ci ildə Ammanda vəfat etdi.

İlk evliliyi 1964-cü ildə Fəryal İrşaidlə baş tutdu və 2 oğlu dünyaya gəldi. Ancaq cütlük 1978-ci ildə boşandılar.

• Təlal ibn Məhəmməd (26 iyul 1965-), 1991-ci ildə Livanlı biznesmen Hani Salamın qızı Qida Salamla evləndi və cütlüyün 3 övladı doğuldu.
  • Hüseyn ibn Təlal (1999-)
  • Rəja bint Təlal (1999-)
  • Məhəmməd ibn Təlal (2001-)
• Qazi ibn Məhəmməd (15 oktyabr 1966-), 1997-ci ildə Arej bint Ömərlə evləndi və cütlüyün 4 övladı doğuldu. 2021-ci ildə boşandı və ertəsi il keçmiş Bolqar çarı II Simeonun oğlu Kardamın dul xanımı Məryəm Lopezlə evləndi. İkinci evliliyindən övladı yoxdur.
  • Tasnəm bint Qazi
  • Abdullah ibn Qazi
  • Cənnah binti Qazi
  • Salsabel bint Qazi

İkinci evliliyi isə İordaniyanın keçmiş baş nazirlərindən Həzza Məcalinin qızı Təqrid Məcali ilə 1981-ci ildə baş tutdu. Ancaq bu evlilikdən övladı olmadı.