Məhəmməd bəy Xoy vilayətinin Evoğlu nahiyəsində anadan olmuşdu. Mükəmməl mədrəsə təhsili almışdı. I Şah Təhmasib səfəvinin oğlu Həmzə mirzənin qorçuları cərgəsində idi. Şahzadənin Xoy ermənisi Dəllək Xudaverdi tərəfindən öldürülməsi bir ara onu gözdən salmışdı. O, gözəl xəttat idi. Qızıl suyu, lacivərd rənglərlə yazardı. Həm də xoştəb şair idi. Fars və türk dillərində könüloxşayan şeirlər deyərdi.