Məqalədə bir sıra maraqlı faktlar öz əksini tapmışdır. Yəhudilər bölməsi digər vikilərdə və geniş yayılmış elmi və elmi-populyar nəşrlərdə yoxdur, mistifikasiyaya bənzəyir. --N KOzi ^Müzakirə13:30, 1 avqust 2011 (UTC)

Süzü mistifikasiya dedikdə konkret hansı faktları nəzərdə tutduğunu anlamadım. Yəhudi qohumluqlar, anasının yəhudi olması, yəhudi xanım Xürrəm sultana və eləcə də hakimiyyətini əhatə edən bir çox yəhudilərə geniş səlahiyyətlər verməsi mənbələrlə göstərilib. Təkcə Yəhudi ensiklopediyasının adını çəkmək kifayətdir məncə, kifayət qədər ciddi nəşrdir. Ayrıca Qüdsdəki Süleyman məbədinin üzərində Qanuninin möhürünün şəklini də məqaləyə əlavə etmək olar, mistifikasiya olmadığı göztərmək üçün:) --sefer 09:27 02 avqust 2011 (UTC)

Sultan Süleyman Qanuni haqqında bir şablon yaratmışam. Həmin şablonda bu şəxs haqqında bütün məsələlər öz əksini tapıb. Məqsədim bu məqaləni seçilmiş etməkdir. Türk vikipediyasında Qanuni haqqında yetərincə məlumat var. Məsələ orasındadır ki, mən məqalə üzərində sıfırdan işləməliyəm. Bu səbəbdən şablon istisna olmaqla qalan məlumatlar silinəcək. Hörmətlə--Baskervill (talk) 11:42, 9 may 2012 (UTC)

Bu başlığı tamamilə bu məqalədən aldım. Çoxdandır üstündə işləyirdim və nəticədə bunların tamamilə xəyali mistika olduğu qənaətinə gəldim. İndi bu başlıq altında qeyd olunan bütün iddialara cavab verəcəm:
1. Hafsa Sultanın kimliyi ...
Sultan Süleymanın anası Hafsa Sultan Polşalı yəhudi bir kölə yox, Krım xanı I Məngli Gərayın qızı olub. Yəni, saraya kölə olaraq yox, xüsusi olaraq göndərilmişdir. Buna görə də, saraya alındıqdan sonra müsəlmanlığa keçməsi qeyri-mümkündür. Ancaq qeyri-müslim birinin sarayda validə sultanlığa qədər yüksəlməsi də qeyri-mümkün olduğundan Hafsa Sultanın hələ vətənində ikən müsəlman olduğu başa düşülür. Bundan başqa, məlumdur ki, Krım xanları Çingiz xanın sülaləsinə mənsub olub, türk soylu bir ailədir. Bununla yanaşı, II Bəyazid dövründəki razılığa görə, xan və onun ailəsi İslamı qəbul etmişdi. Bununla da, Süleymanın anasının yəhudi olmaması sübut olundu.
2. Xürrəm Sultan və Nurbanu Sultan ...
Saray hərəminə alınan bütün kənizlər əvvəlcə İslam dinini qəbul edir, ardından onlara İslam mədəniyyəti, ərəbcə, farsca, türkcə öyrədilirdi. Yəni sarayda yüksəlmənin ilk şərti İslamı qəbul etmək idi. Əlavə olaraq, Nurbanu Sultanın əsl adı Raşel yox, Cecilia Baffo`dur. Atası Venesiyanın Paros adasındakı hakimi Nicoló Venier, anası isə məşhur Baffo ailəsindən Violante olub. Əgər bu ailə həqiqətən də yəhudi idisə, yəhudi düşmənliyinin Avropadakı ən pik dövrü olan XVI əsrdə bu ailə necə siyasi bir vəzifəyə gətirilə bilərdi ?!
3. Sarayın xidmətçiləri ...
Saraydakı xidmətçilərın 90%-i burada təhsil alan gənc qız və oğlanlar olub. Bu haqda Əndərun məqaləsinə baxmağınızı məsləhət görürəm. Ancaq qısaca deyə bilərəm ki, sarayda yalnız yəhudi yox, yunanlar, xorvatlar, hətta fransızlar belə olub. Bu isə onların xidmət etdiyi sultan vəya padşahlarınn da onların milliyətinə vəya dininə keçməsi demək deyil.
4. Rüstəm Paşa və qardaşı Sənan Paşa ...
Üsküdardakı Mihrimah Sultan məscidinin həyətindəki məzarlıqda dəfn olunmuş qohumlarının qəbir daşlarındakı qeydlərə görə, ailənın adı Çigaliç olub və bu ailənin mənşəyi Sarayevo yaxınlığındakı bir kənd olub. Bundan başqa Əndərun məqaləsini oxumağınız xahiş olunur.
5. Yəhudilərin qorunması məsələsi ...
Həm II Bəyazid, həm də Sultan Süleyman dövründə Avropadan qaçaraq Osmanlı torpaqlarına sığınan minlərlə yəhudi ailəsi olub. Bu ailələr gələrkən əlbəətə ki, şəxsi gəlirləri ilə də gəlmişdilər. Onların burada qalaraq ölkə iqtisadiyyatını gücləndirmələri üçün bir neçə illik vergilərdən azad edilməsi isə Osmanlının yürütdüyü ağıllıca bir siyasətdir.
6. Süleyman məbədindəki möhür ...
"Sultan Süleymanın möhürü əgər bu məbəddə varsa, deməli Sultan Süleyman da yəhudidir" fikri ilə yanaşsaq, Sultan Süleymanın ABŞ Konqresindəki portretindən sonra onun mason olduğuna da inanmaq lazımdır. Əlavə olaraq bu möhürün olub-olmaması ilə bağlı, o dövrün mənbələrində heç bir məlumat yoxdur. Ən azından mən tapa bilmədim. Hörmətlə--Rafail Qasimzade (talk) 17:05, 01 fevral 2019 (UTC)