Məqalənin adını Silisium Vadisi olaraq düzəltmənizi xahiş edirəm. “Silicon” və “Silicone” fərqli maddələrdir. (müzakirə) 02:17, 17 iyun 2022 (UTC)

Salam. İnternetdə hər 2 versiya üçün də axtarış nəticə verir. İngiliscədəki "silicon" türkcədə də "silisyum"dur. Buna baxmayaraq, "Silikon Vadisi" adlandırılıb məqalə. Prembulaya qeyd etdiyiniz versiyayı əlavə etdim və müvafiq yönləndirmələri verdim. Ancaq adı dəyişməsə yaxşıdır fikrimcə. Belə daha çox məşhurdur çünki. Lavici ^mesaj?08:11, 17 iyun 2022 (UTC)

İnternetdə olması onu düzgün eləmir. Mətbuatda vaxtilə tərcümə səhv edilib internetdə məşhurlaşıbsa ona əsaslanaraq burada da həmin səhvi davam etdirmək düzgündür? O tərcüməni edənlər başa düşməyiblər ki, oranı niyə elə adlandırıblar. Vikipediyada bu dəyişikliyi etməkdə motivim elə yerin həqiqi adının internet məzmununda oturuşdurmasına töhvə verməkdir. Çünki insanların, hətta mətbuatın belə axtarış zamanı birinci müraciət etdiyi platformalardan biri Vikipediya olur.

Preambulada SEO üçün müəyyən müddətliyinə “Silikon Vadisi” ifadəsi qala bilər, amma məqalənin adı düzgün versiyaya dəyişdirilməlidir. Baxmayaraq ki, “Silikon Vadisi” özlüyündə pornosənaye ilə məşhurlaşan başqa bir yerə verilən addır. (müzakirə) 13:19, 17 iyun 2022 (UTC)

Salam. Əvvəla qeyd edim ki, adlandırma məsələsində nəyin doğru olub-olmadığını araşdırmaq bizim işimiz deyil. Bizim işimiz mənbələrdə ən çox hansı ad istifadə olunur, hansı variant daha geniş yayılıb, onu müəyyən etməkdir. Ad özlüyündə səhv olsa belə geniş yayılıbsa, onda həmin ad qoyulmalıdır. İronik səslənsə də, bəzən səhv ad doğru ad ola bilir. Biologiyada bunun nümunələri çoxdur. Məsələn, qatil balina. Qatil balina delfin növüdür, balina deyil. Amma insanlar səhvən bu canlını qatil balina adlandırıblar və ad da belə gedib. Hər halda indi deməyəcəksiz məqalənin adını edək, elə deyil? Kimsə götürüb səhvən Silisium əvəzinə Silikon yazıb bu adı belə yayıbsa, bizim də işimiz bu adı məqalənin adı qoymaqdır. Qeyd edirsiz ki, digər mənbələr ad üçün Vikipediyaya baxırlar, amma nəzərinizə çatdırım ki, məqalənin adı 2017-ci ildə nəşr olunmuş İnformatika terminlərinin izahlı lüğətindən götürülüb. Məqalə yaradılmamışdan öncə bu lüğətdə Silikon Vadisi ifadəsi işlənmişdi. White Demツn^yaz 15:14, 17 iyun 2022 (UTC)

Vikipediya prinsiplərini bir qırağa qoyub adın doğru olub-olmadığı barədə fikirlərim maraqlıdırsa, belə düşünürəm ki, mənbələrin "Silicon" sözünü Silisium əvəzinə, Silikon kimi verməsi heç də səhv deyil. "Silicon" burda xüsusi ad kimi qəbul edilə bilər və xüsusi adlar tərcümə olunmur, transliterasiya olunur. Məsələn, "Los Angeles" sözünü tərcümə edib "Mələklər" yazmırıq, tərcümə etmirik. Çünki xüsusi addır, transliterasiya edirik: Los-Anceles. White Demツn^yaz 15:20, 17 iyun 2022 (UTC)

Yuxarıda bildirdiyim kimi, “Silikon” və “Silisium” fərqli kimyəvi maddələrdir. “Silicon” bizim elmi ədəbiyyatda “Silisium” kimi tərcümə olunan 14-cü kimyəvi elementdir. Elmi ədəbiyyatda “Silikon” dedikdə isə tibbi və inşaat sektorunda istifadə olunan polimer material nəzərdə tutulur. Molekulyar quruluşu, fiziki, kimyəvi xassələri tamamilə fərqli olan iki maddəni hansı əsasla eyniləşdirə bilərik? Paylaşdığınız mənbəyə nəzər saldım, təəssüf ki, orada da tərcümə yanlış olub.

İndiki vəziyyətdə istinad edə biləcəyimiz üç əsas mötəbər mənbə var ki, onların əsasında adın “Silisium Vadisi” kimi tərcümə edildiyini təsdiqləyə bilərik:

1. “Silicon” sözünün elmi ədəbiyyatda “Silisium” kimi tərcümə olunması

2. “Silicon Valley” ifadəsinin məhz silisium elementi nəzərdə tutularaq ortaya atılması: kompüter texnologiyasının təməlini təşkil edən yarım-keçiricilər silisiumdan əldə edilir.

3. Silikon Vadisi(Silicone Valley) dedikdə başqa bir yerin nəzərdə tutulması.

Amma bildirdiyiniz kimi, əksər insanlar yerin adını səhv də olsa belə tanıdığı üçün hazırkı adı sadəcə preambula hissəsində saxlamaq daha doğru olar. (müzakirə) 16:01, 17 iyun 2022 (UTC)

Qeyd etdiyim kimi, səhv ad geniş yayılıbsa, onda "doğru ad"dır. Özüm də kimya oxumuşam, silisium və silikonun fərqini bilirəm, amma bu cür məsələrdə Silicon sözünün nə məna daşıdığı öz əhəmiyyətini itirir. White Demツn^yaz 16:43, 17 iyun 2022 (UTC)

Məncə düzgün yanaşma deyil. Doğru olanı, həmişə mötəbər elmi mənbələrlə təyin edirlər, ağızdan-ağıza dolaşan sözlərlə və ya qeyri-peşəkar tərtib edilmiş kitablarla yox. Vikipediya məqalələrində el arasında məşhur olan ifadələri məqalənin başlığına və bütün mətninə yox, girişdəki ilk cümləyə və ya yönləndirmə kimi əlavə edirlər ki, oxucular nədən söhbət getdiyini başa düşsün. Elmi ədəbiyyətımızı əsas gətirərək yuxarıda arqumentlərimi bildirdim. Əgər xüsusi isim kimi götürülməli olduğunun tərəfdarısınızsa onda gərək “Valley” sözünü də tərcümə etməyək, məqalənin adını “Silikon Velli” kimi dəyişək.

Ümid edirəm, bu məsələdə yekun rəy verəcək hər kəs sizin kimi yanaşmaz. (müzakirə) 21:08, 17 iyun 2022 (UTC)

Zəhmət olmazsa, elmi mötəbər mənbələrdən "Silisium vadisi" ifadəsinin işlənməsinə dair nümunələr göstərə bilərsiz? Belə olan halda mənim heç bir etirazım yoxdur. Qeyd edim ki, biz burda "silicon" elementinin adını müzakirə etmirik, "Silicon Valley" regionunun adını müzakirə edirik. Və bəli, əgər mənbələr bu regionu "Silikon Velli" kimi verməyə başlasa, bu ad geniş yayılsa, onda məqalənin də adını dəyişməliyik. White Demツn^yaz 21:45, 17 iyun 2022 (UTC)

Atakhanli, Solavirum, White Demon, nə düşünürsünüz? Lavici ^mesaj?13:50, 17 iyun 2022 (UTC)

salam həmkar, müzakirəni görmüşəm, sizin fikirlə razıyam, məqaləni tam oxuyum bir də bir az araşdırma edim gün ərzində fikrimi yazacam. amma əlbəttə Silikon Vadisi daha məşhurdur, hər rəsmi yerlərdə də bu cür adlanır. amma səhv başa düşmədimsə 2-sinin də ayrı-ayrı yer olduğu deyilib. gün ərzində fikrimi yazacam. Atakhanli (müzakirə) 14:37, 17 iyun 2022 (UTC)

https://en.wikipedia.org/wiki/San_Fernando_Valley#Adult_entertainment (müzakirə) 16:03, 17 iyun 2022 (UTC)

Qəribədir, yerli mətbuatda təsadüfi və azsaylı formada da olsa "Silisium Vadisi" ifadəsi istifadə olunmağa başlayıb. Halbuki bütün dünyada sözügedən ifadə xüsusi isim kimi "Silikon Vadisi" olaraq verilir. Hətta Şotlandiyada zamanında ABŞ-dakına oxşar "Silicon Glen" (Glen kelt dilində vadi deməkdir) adlı biznes klasteri belə yaradılmışdı. Yerli mötəbər mənbələrdə isə (Məs.: AzərTaC) "Silikon Vadisi"ndən istifadə üstünlük təşkil edir. Bunları nəzərə alaraq, məqalənin adının "Silikon Vadisi" məncə, daha məqsədəuyğundur. — Burocan (müzakirə) 22:09, 17 iyun 2022 (UTC)

Fikrimcə Azərbaycan dilində xüsusi isimlər tərcümə deyil, transliterasiya edildiyi üçün mənbələrdə bu ad daimi olaraq belə verilb. Təsadüfən dildə "silikon" sözü də mövcud olduğu üçün belə bir yanlış anlaşılma yaranıb. Bu arada bu iki söz arasında ingilis dilində tələffüz fərqi var və ingilis dilində də səslənmə zamanı qarışıqlıq yaranır. Bizdə isə transliterasiya səbəbi ilə "Silikon vadisi" olaraq qalmalıdır. — Surə ^🗯 18:15, 18 iyun 2022 (UTC)