Mən heç yerdə "Mığrı" kimi adlandırılmaya rast gəlməmişəm. "Meğri" kimi adlandırma ilə bağlı saysız-hesabsız mənbə göstərmək olar. --Sortilegus 19:17, 4 Oktyabr 2010 (UTC)

Meğri olmalıdır, prof. Əziz Ələkbərli Qədim türk-oğuz yurdu "Ermənistan" və Qərbi Azərbaycan abidələri əsərlərində toponimi Meğri kimi verib. Azərbaycan toponimləri ensiklopediyasında isə bu toponimi tapa bilmədim. Bunula belə məqalənin adının Meğri olaraq geri qaytarılmasının tərəfdarıyam.--Sefer azeri 01:06, 5 Oktyabr 2010 (UTC)

Meğri rayonunun keçmiş adının "Mığrı" olduğunu bir çox Qərbi Azərbaycan ziyalılarından eşitmişəm. Sabah çalışaram onlardan mənbəni də öyrənim. Bununla belə "google"da axtarış verdim. Bunları tapdım :

3. "Mığrı" türk dilində balıq adıdır.--Acategory 20:20, 4 Oktyabr 2010 (UTC)

Amma Mığrı sözünün deyilişinə fikir versəniz onun Azərbaycan dilinə daha uyğun olduğunu hiss edərsiniz. "Meğri" sözü ilə müqayisədə "Mığrı" bizim dilimizə daha yatımlıdır. Dilçilər belə şeyləri yaxşı bilirlər. Yəni elə sözlər, şəkilçilər var ki, onların Azərbaycan dilinə yadlığı və ya doğmalığı daha tez hiss olunur. Hər halda bu məsələni həll etmək üçün geniş araşdırma tələb olunur. Çünki bu adi kənd adı deyil Azərbaycanın Ermənistana bağışlanmış böyük bir ərazisidir.--Ira 10:56, 5 Oktyabr 2010 (UTC)

"Mığrı" adı ilə bağlı ciddi mənbəni təqdim edirəm. İbrahim Bayramov. Qərbi Azərbaycanın türk mənşəli toponomləri.Bakı, Elm nəşriyyatı, 2002-ci il, 696 səh. Kitabın redaktorları akademik Budaq Budaqov, prof. f.e.d.Həsən Mirzəyev, prof. f.e.d.S.Məmmədov, rəyçiləri prof.f.e.d.Vilayət Əliyev. prof.f.e.d.R.Eyvazova,prof.f.e.d.B.Xəlilov və tar.e.n. İsrafil Məmmədov. Kitabın 456-cı səhifəsində aşağıdan birinci abzas : " Meğri - Yelizavetpol(Gəncə) quberniyasının Zəngəzur qəzasında kənd....Mənbələrdə Mığrı (207,s.187), Mehri formalarda işlənir. Eyni zamanda yerli əhali- Meğri rayonunda yaşamış bütün azərbaycanlılar rayonun adını Mığrı formasında işlədirdilər.

...Toponim türk dilində "quruyan, az sulu çöl çayı olan dərə" mənasında işlənən mukır, mukur sözünün fonetik variant olan mığrı sözü əsasında formalaşmışdır."--Acategory 10:54, 8 Oktyabr 2010 (UTC)

Coğrafi adlarda həmin adın dilə yatımlı olub-olmaması, nə vaxtsa necə adlanması yox, həmin yerin hazırda rəsmi qəbul olunmuş adlandırması əsas götürülməlidir. Yəni, hazırda Azərbaycanda çap olunan xəritələrdə necə yazılırsa məqalənin adı da elə olmalıdır. Wertuose 11:03, 8 Oktyabr 2010 (UTC)

Wertuose-un təklifi ilə razı deyiləm. Onda gərək çox məqalələr silinsin: Zəngəzuir, Göyçə, Hamamlı və s. --Ira 11:22, 8 Oktyabr 2010 (UTC)

Məqalələr silinməli deyil, Azərbaycanda rsəmi qəbul edilmiş adlandırmaya uyğun olaraq adı dəyişdirilməlidir. Birdə ki, Zəngəzur, Göyçə və s. tarixi yer adlarıdır. Həmin adla adlandırılan ərazilər hazırda 2-3 rayonun ərazisində yerləşir. Söhbət tarixi yer adından getdikdə və intervikilərində hazırda mövcud olan rayonun ərazisinə keçid verilmədikdə məqalənin adı olduğu kimi qala bilər. Wertuose 11:39, 8 Oktyabr 2010 (UTC)

Mığrı da tarixi yer adıdır. Yelizavetpol quberniyası olub nə vaxtsa, indi Azərbaycan xəritəsində yoxdur deyə onu da silək? --Ira 11:57, 8 Oktyabr 2010 (UTC)

"Mığrı" söhbətinin ortaya çıxması və bu torpağın tarixinin incəliklərinin bilinməsi lazımdır. Təklif edirəm ki, məqalənin adı coğrafi xəritələrdə olduğu kimi " Meğri " adlansın, ancaq orada "Mığrı" barədə məlumat verilsin. Eyni zamanda "Mığrı" sözündən " Meğri " məqaləsinə keçid verilsin. --Acategory 14:41, 8 Oktyabr 2010 (UTC)

--Sortilegus 15:50, 8 Oktyabr 2010 (UTC)

Meğri və ya Mığrı toponiminin "quruyan, az sulu çöl çayı olan dərə" sözləriylə bağlı olması inandırıcı deyil, nədən ki, həmin sözlər Meğri rayonunun yerləşdiyi əraziyə uyğun deyil. Meğri toponimini Q. Qeybullayev Azərbaycanda yaşamış qədim tayfalardan olam muğların adıyla bağlayır. (Azərbaycan türklərinin təşəkkül tarixindən, səh 217)Azərbaycan tarixinin II cildində isə Mehri toponiminin Mehranilər sülaləsinin əsasını qoyan Mehranın adıyla bağlı olduğu və vaxtilə ərazidə Mehravan adlı şəhərin mövcudluğu qeyd edilir. --Sefer azeri 20:10, 8 Oktyabr 2010 (UTC)

Bu qədim Azərbaycan bölgəsinin toponimi ilə bağlı artıq ortada iki versiya var. İkisi də ciddi elmi mənbələrdə verilib. Qoy hansının düz olduğunu biz yox, mütəxəssislər aydınlaşdırsınlar. Bizim isə vəzifəmiz ortada olan informasiyanı Vikipediyada əks etdirməkdir. Yenə təklif edirəm, məqalənin adı coğrafi xəritələrdə olduğu kimi " Meğri " adlansın, ancaq orada burada səslənən hər iki versiya, mənbəsi göstərilməklə əksini tapsın. "Mığrı" barədə də məlumat verilsin. Eyni zamanda "Mığrı" sözündən " Meğri " məqaləsinə keçid verilsin.--Acategory 18:34, 8 Oktyabr 2010 (UTC)

Acategorynin təklifini hamı qəbul edibsə, mən etiraz etmirəm. --Ira 07:56, 9 Oktyabr 2010 (UTC)