@Dr.Wiki54, salam. Zəhmət olmasa, ətraflı açıqlayardınız. Rəsulzadə partiyanın qurulmasında əsas təşəbbüskar olub isə, nə üçün qurucu saymırsınız? Fikrimcə, adı şablonda da qeyd edilməlidir, mötərizə daxilində ya da qeyd şablonu ilə qeyd yerləşdirə bilərsiniz ki, mühacirətdə olub və iştirak edə bilməyib. Amma fakt şəxs partiyanın qurucusudur. Digər istifadəçilərin də fikirləri maraqlıdır. Gadir (müzakirə) 08:04, 21 may 2023 (UTC)

@Gadir, partiya qurucusu fərqli anlayışdır. Məsələn, indiki "Siyasi partiyalar haqqında qanun"a əsasən partiyanın 50 nəfərlik qurucu üzv siyahısı olmalıdır. Keçmişdə isə bu kor təbii olurdu. Rəsulzadə özü İstanbulda olub. Partiya quruculuğundan demək olar ki, xəbəri olmayıb. Onun oradan göndərdiyi məktublar sadəcə ideoloji aspektdə olub. İşə rəhbərlik isə keçmiş Hümmət Partiyası qurucularından Abbasqulu Kazımzadə, Rəsulzadənin əmisi oğlu Məhəmməd Əli bəy və Tağı Nağıyev tərəfindən icra olunub. Məhəmməd Əli Rəsulzadə xatirələrində yazırdı: "1911-ci ilin son baharı idi. Arkadaşların gizli toplantı və müşavirə yeri olan rəhmətlik Kazımzadə Abbas bəyin mağazasının arxa odasında Abbas bəylə bərabər oturduq. Arkadaşlarımızdan mərhum Tağı Nağıoğlu içəri girdi və bizə: "Gürcülərin, ermənilərin və rusların siyasi partiyaları vardır. Bizim nədən bir partiyamız olmasın, biz də bir partiya quralım" — dedi. Bir neçə gün müzakirə və müşavirədən sonra Müsavat Partiyasını qurmağa qərar verdik. Zatən mərhum Rəsulzadə Emin bəy də o tarixlərdə, bulunduğu İstanbuldan bizlərə siyasi bir təşəkkülə ehtiyac olduğu haqqında yazılar yazmaqda idi". Rəsulzadə 1913-cü ildə Bakıya qayıdıb və siyasi aktivliyi ,demək olar ki, 1917-ci ildə başlayıb. - Dr.Wiki54 (müzakirə) 08:50, 21 may 2023 (UTC)

@Dr.Wiki54, ətraflı izah etdiyiniz üçün təşəkkür edirəm. Gadir (müzakirə) 09:03, 21 may 2023 (UTC)

@Dr.Wiki54, salam. Mənbələr də, toplum tərəfindən də Rəsulzadə partiyanın əsas qurucusu hesab olunur. Xahiş edirəm, yuxarı qeyd etdiyiniz lazımi məlumatları {{efn}} şablonu daxilində adının sonuna əlavə edəsiniz, mənbələrlə birlikdə. Hörmətlə, Gadir^müzakirə08:17, 28 aprel 2024 (UTC)

@Gadir qurucu hesab olunmaqla, qurucu olmaq fərqli anlayışdır. Rəsulzadə AXC-nin də qurucusu hesab olunur, amma qurucusu deyil. Çünki, bir qrup şəxsin işi bir şəxsin boynuna yazılmır. Sİz özünüz Rəsulzadənin adını və yuxarıda qeyd etdiyim məlumatı Efn şablonu ilə əlavə edə bilərsiniz. - Dr.Wiki54 (müzakirə) 08:52, 28 aprel 2024 (UTC)

@Dr.Wiki54, hesab olunmaq deyəndəki biri var partiya ilə heç əlaqəsi olmaz, biri də var birbaşa öndə gələn isim olar. Fakt bu adam partiyanın da, AXC-nin də ən öndə gələn ismidir (təlimat verməsi faktı da bunu birbaşa göstərir), sırf bu nüansa – "ölkədə ola bilməyib, iştirak edə bilməyib" deyə səbəblərə görə banisi hesab edilməyə bilməz. Keçən il qeyd etdiyiniz qanun söhbətinin, məsələyə heç bir aidiyyəti yoxdur. Bura dövlət qurumu deyil, məqalələrdəki şablondakı məlumatlar rəsmi verilməyə məcbur deyil (dövlət vəzifələri istisnadır və statistika və bir sıra rəsmi məlumatlar da izah qeyd edilərək verilir). Öncə mənbələrə əsaslanırıq, sonra da rəsmi məlumatları da {{efn}} şablonu vasitəsilə qeyd edirik ki, filan vaxtda filan adla qeydiyyata alınıb, ləğv olunub və s. Amma ləğv olunsa da, xaricdə falan fəaliyyət göstərirsə, o tarixi şablona bitiş tarixi kimi qeyd etmək düzgün deyil. Qeyd şablonları məhz bu funksiyanı daşıyır, bu kimi hallar üçündür. Mövzumuza, Müsavat deyiləndə də elə AXC deyiləndə ağla gəldiyi kimi, bu şəxs ağıllara gəlir. Qeyd edirsiniz ki, müzakirə var, amma konsensus deyil ki. Siz öncədən status-kvonun dəyişdirilməsi üçün konsensus əldə etmisiniz? Nəysə, görürəm, yanlış şəkildə geri qaytarmağa davam edəcəksiniz. Belə davam etmək fikrim yoxdur. Ona görə də konstruktiv şəkildə müzakirəni davam etdirib ona uyğun davranarıq. Bu halda oxucular adı orada görmürlər və çaşbaş qalırlar ki, Rəsulzadənin partiyasında adı niyə yoxdur? Haqlı olaraq soruşa da bilərlər. Adı əlavə olunmalı və şablonla adının sonunda müvafiq məlumatların qeyd olaraq yerləşdirilməsi kifayət edəcək. Sizcə, Atatürk Türkiyənin qurucusudur, ya yoxsa hesab olunur o da? Yoxsa banilərindən biri? Orda da tək bir şəxs etməyib, amma fakt qurucusu hesab olunur da. Burda da vəziyyət fərqli deyil. Atatürk kimi, bu Rəsulzadə də digərlərinə nisbətən daha çox önə çıxan şəxs olub. [] Məncə, yaxşı bilirik ki, AXC-nin qurucusu kimdir sualına hansı cavabı verirlər. Partiyanı da soruşsanız, birbaşa ağıllara o gələcək və deyəcəklər. Və o cavabı verirlərsə, mənbələr elə yazırsa, elə də qeyd olunmalıdır. Qısacası, mənbələri və hamıya aşkar olan doğru faktı qeyd etmək lazımdır. Obyektiv olaq, siz və mənim subyektiv fikirlərinə görə yox, reallığa, mənbələrə əsaslanaq, əsaslanmalıyıq. qeyd olunub: 1911-ci ildə Məmmədəmin Rəsulzadənin yaratdığı Müsavat partiyasının... Hələ partiyanın özü: , və digər mənbələr: , , kimi bir sıra mənbələr də bu faktı təsdiqləyir və bu da həmin əlavəni daha da dəstəkləyir. Rəsulzadənin qurduğu partiyada onun adının verilməməsi doğru deyil. Təsəvvür edin ki, dəqiqləşdirmə səhifəsində adı qeyd olunur, amma məqaləyə daxil olursan və görürsən ki, müvafiq bölmədə adı yoxdur. Xülasə, bütün bunların fonunda adı geri əlavə olunmalı və müvafiq məlumatlar şablonda mətndə də olduğu kimi, qeyd kimi əlavə edilməlidir. @Atakhanli, @Araz Yaquboglu, @Bikar, @Eminn, @Moses, @Nemoralis, @Nicat49, @Samral, @Solavirum, @Toghrul R, zəhmət olmasa, mümkündürsə, fikirlərinizi qeyd edin. Hörmətlə, Gadir^müzakirə10:39, 28 aprel 2024 (UTC)

Mövzu mənə yaddır. Fikir bildirə bilməyəcəm. Amma Rəsulzadə “Müsavat” partiyasının sǝdri deyə qeyd edilib. Araz Yaquboglu (müzakirə) 10:46, 28 aprel 2024 (UTC)

Mövzu mənə də yaddı, amma həm partiyanın özündə, həm də digər mənbələrdə qeyd olunubsa, qəbul edilər. Əgər birində olsaydı onda müzakirə məsələsi idi. — Bikar ^müzakirə10:51, 28 aprel 2024 (UTC)

Salam. Müsavat Partiyasının . Bunu və yuxarıda təqdim olunan digər mənbələri də nəzərə alsaq, qurucular sırasında Rəsulzadənin də adını {{efn}} şablonu daxilində detallar qeyd olunmaq şərtilə yazmaq olar. Hörmətlə.— Nicat^{49   ⋠müzakirə⋡} 18:28, 29 aprel 2024 (UTC)

@Nicat49, @Gadir, @Bikar, @Araz Yaquboglu salam. Söhbət sədrlikdən getmir. İlk sədr Rəsulzadə olub. Lakin qurucu olmayıb. Hesab edilə bilmək, hesab edilməklə olmaq fərqli anlayışlardır. Buranın nə olduğunu və nə məqsədə xidmət etdiyini yetərincə yaxşı bilirəm, lüzumsuz xatırlatmaya ehtiyac yoxdur. Bir il əvvəl açdığınız müzakirəyə ok çox sağolun yazıb, 1 il sonra etiraz etmisiniz. Konsensus olmasa 1 il əvvəl etiraz edərdiniz. Atatürk və Türkiyə Cümhuriyyəti ilə AXC və Rəsulzadəni eyni prizmadan müqayisə etmək absurddur. Dəqiqləşdirmədə də direktif/göstərişlə yazılıb infoqutu yerinə başlıqda olsa problem olmur. Nəysə. Mən yenə də qurucu olaraq adının verilməsinə qarşıyam. Partiyanın öndəri/lideri olduğu üçün lider parametrinə adı yazılsa daha məntiqlidir. Bu nüanslarla bağlı ətraflı şərh yazmaq istərdim, lakin təəssüf ki, buna vaxtım yoxdur. Dr.Wiki54 (müzakirə) 20:08, 29 aprel 2024 (UTC)

Bəli, yazmışam. Sadəcə sual ünvanlamışam və müzakirəni davam etdirməmişəm. İndi vaxtım olub, indi də bu barədə müzakirə açıb buna etiraz edib yanlış olduğunu xatırlatmışam. Kifayət qədər açıb yazmışam, məncə, istifadəçilər söhbətin nədən getdiyini bilirlər. Gördüyünüz kimi, mənbələr də təqdim edildi, sizdən başqa etiraz da edən olmadı, konsensus da əldə edildi. Təəssüf ki, burada öz istəklərə görə nələrsə edilmir, "mən bunu istəyirəm, bəyənirəm, bəyənmirəm" prizması ilə əlavə olunmur, silinmir heç nə. Mənbələr əsas götürülür, onlar elə qeyd edir və onlar da artıq əlavə olunub. Artıq müzakirəyə zatən gərək yoxdur, məsələ çözülüb. Uğurlar. Hörmətlə, Gadir^müzakirə20:16, 29 aprel 2024 (UTC)

Müzakirəni davam etdirməmisiniz yox, cavabla qane olmusunuz. Mən də yuxarıda qeyd etdiyim kimi bu müzakirəni davam etdirməyə vaxtım yoxdur. 1 il sonra vaxtım olar yazaram :) yenə eyni ritorikanızı davam etdirirsiniz. Vikipediyanın nə olduğunu, necə işlədiyini kifayət qədər yaxşı bilirəm. Müzakirə açmağınızı tələb edəndə "mən deyən olacaq", "mən bunu istəyirəm bu olmalıdır" deməmişəm. Məsələyə münasibətim birmənalıdır, qətidir, dəyişmir. Bu yerdə isə mənim üçün müzakirə dondurulmuşdur. Uğurlar. Dr.Wiki54 (müzakirə) 20:30, 29 aprel 2024 (UTC)

Siz öz üslubunuzda problem görmürsünüzsə, mənim də sizə qarşı üslubum normaldır. Bəli, o vaxt cavabınızı bəyəndiyim üçün sizə təşəkkür etmişəm və ardınca məsələ ilə çox maraqlanmağa imkan olmayıb. Sonradan imkan olub yadıma düşəndə maraqlandım, araşdırdım və düşündüm ki, səhvdir. Vikipediya könüllü layihədir, bunu da unutmayın. Lider/öndər də sədr ilə eyni mənaya gəlir, qurucusu olmaq tamam başqa şeydir. Dediyim kimi, sizin hansı fikirdə olmağınız, qəti qarşı olmağınız nəyisə dəyişdirmir. Fakt, gerçək ortadır. Mətbuat belə qurucusu kimi yazır. Daha nə olsun? Onda mən də deyim filan adam iştirak etməyib, lap doğru olsa belə, silək indi onu? Mənbələr isə elə demir, yəni mənbələrə əsaslanıb yazırıq, səhv də hesab etsəniz, səhv belə olsa, bəli. Özümüzdən heç nə yazmırıq. "mən deyən olacaq", "mən bunu istəyirəm bu olmalıdır" belə bir şey deməmişəm, sadəcə o misalı ona görə çəkmişəm ki, sizin əsaslandıra bilmədiyiniz, sadəcə "mən belə deyirəm, düşünürəm" deməklə olmur bu iş. Mənbələr barədə niyə heç nə demirsiniz. O ad əvvəldən də orada idi, daha sonra siz silmisiniz. Ola bilər gözdən qaçıb deyə heç nə bildirməyiblər sizə. Nəysə, məsələ həllini tapdığına görə mənim də müzakirəni davam etdirmək niyyətim yoxdur. Buranı da əlavə, işə töhfə verməyəcək söhblətlərlə doldurmayaq lütfən. Hörmətlə, Gadir^müzakirə20:46, 29 aprel 2024 (UTC)

Mənim üslubum hər zaman və hər kəsə olduğu kimi qaydalar çərçivəsində, nəzakət qaydasına uyğundur, həmçinin, hərhansı ittiham ehtiva etmir. Yenə "bunu unutmayın" və s. kimi ifadələrişlədirsiniz. Araşdırmalarınızda və düşüncənizdə yanılırsınız. Lider, öndər və sədr eyni mənaya gəlmir. Məsələn, Azərbaycan Milli İstiqlal Partiyası lideri Etibar Məmmədovdur, sədri isə Arzuxan Əlizadə. İndi isə gələk sizin mənbələrə. BBC və Yeni Müsavatdakı mənbələr köşə yazarları və jurnalist mənbələridir. , , və isə ümumiyyətlə qurucudan söhbət getmir. İndi, məsələn, yazılsa ki, Zeynal bəy Vəzirovun partiyası, bu o deməkdir ki, partiyanı Zeynal bəy qurub? Deyilə bilər ki, o sədr deyildi. Yaxşı, Qara bəy Qarabəyovun partiyası deyilir mənbələrdə. Bu o deməkdir ki, partiyanı o qurub? Xeyr. O da sonradan partiyaya qoşulub və sədr olub. Rəsulzadə partiyanın qurulmasını tövsiyə edib, direktiv verib, daha sonra isə (2 il sonra) qayıdaraq partiyaya qoşulub və sədri olub. Sizin göstərdiyiniz mənbələrin yarısı mənbə deyil, geri qalan yarısı isə etibarlı deyil. Hörmətli @Nicat49 bəyin də qeyd etdiyi kimi, yazılıb: "Müsavat Partiyası 1911-ci ildə Məhəmməd Əmin Rəsulzadənin İstanbuldan göndərdiyi təlimata əsasən Abbasqulu Kazımzadə, Məhəmməd Əli Rəsulzadə və Tağı Nağıyev (qısaca bir neçə keçmiş Hümmət Partiyası üzvü) tərəfindən yaradılmışdır." Digər etibarlı mənbələr: Nəsiman Yaqublu. (PDF). Bakı: . 2018. səh. 504. Məhəmməd Əmin Rəsulzadə başlığında yazılır: " O, 1911-ci ildə qurulan Müsavat Partiyasının Başqanı və ideoloqu olub." (Qurucusu deyilmir); AXC ilə bağlı ən mötəbər mənbələrdən biri olan Müsavat Partiyası // Azərbaycan Xalq Cümhuriyyəti Ensiklopediyası. II cild. Bakı: "Lider". 2005. səh. 226. ISBN 9952-417-44-4. burada yazılır: "1911-ci ildə keçmiş Hümmətçilər Abbas Kazımzadə, Tağı Nağıoğlu və Məmmədəli Rəsulzadə tərəfindən yaradılmışdır. 1913-cü ildən partiyaya mühacirətdən qayıtmış Məhəmməd Əmin Rəsulzadə rəhbərlik etmişdir."; pdf versiyası məndə olan, internetdə olmayan iki kitabdan örnək verim (istədiyiniz halda şəkil əlavə edə bilərəm): Müsavat Partiyasının tarixi ilə bağlı yeganə kitab olan Nəsiman Yaqublunun "Müsavat Partiyasının tarixi" kitabından ; yenə Nəsiman Yaqublunun "Azərbaycan Milli İstiqlal Mübarizəsi və Məhəmməd Əmin Rəsulzadə" kitabından . Bundan sonrakı yazılarınızda ithamlara yol verməməyinizi sizə tövsiyə edirəm. Uğurlar. - Dr.Wiki54 (müzakirə) 07:09, 1 may 2024 (UTC)

Hörmətli istifadəçilər, tam konsensus üçün, zəhmət deyilsə, yazdığım son cavabı oxuyub iki təklifi dəyərləndirəsiniz. @Gadir bəy, məqalədə qeyd olunmasından yanadır, lakin yuxarıda da qeyd etdiyim irrelevant mənbələri çıxardıqdan və qeydi etibarlı mənbəyə uyğunlaşdırdıqdan sonra təklif alır. Mən isə yuxarıda yazdığım səbəblərdən məqalədə yazılmasından yanayam. Fikirlərinizi bildirməyiniz çox xoş olar: @Araz Yaquboglu, @Bikar, @Nicat49, @Grenzsoldat, @Solavirum, @Nemoralis Dr.Wiki54 (müzakirə) 22:17, 4 may 2024 (UTC)

Salam. Təəssüf ki, yenə çıxarmısınız. Halbuki fikir bildirən istifadəçilər həmin mənbələrin də əlavə olunması ilə razılaşmış və problem görməmişdi. "Əlaqəsiz" nəyə deyirsiniz? Həmin mənbələrdə Rəsulzadə "partiyanın qurucusu" kimi qeyd olunub. Necə mənbə olmalıdır ki? Hörmətlə, Gadir^müzakirə22:19, 4 may 2024 (UTC)

@Gadir, xeyr, o mənbələrdə Rəsulzadənin partiyası deyilir. Rəsulzadənin qurucusu olduğu yox. Təhrif etməyin. Dr.Wiki54 (müzakirə) 05:22, 5 may 2024 (UTC)

Rəsulzadənin partiyası nə anlama gəlir bəs? :) Hörmətlə, Gadir^müzakirə05:24, 5 may 2024 (UTC)

Rəsulzadənin "sədri", "mənsubu" olduğu partiya. Artıq ikinci dəfədir vurğulayıram :) - Dr.Wiki54 (müzakirə) 06:25, 5 may 2024 (UTC)

Sözügedən istinadlar niyə "əlaqəsiz"dir açıqlamadınız. Nəyə görə məqalədən çıxarmısınız? Necə mənbə gözləyirsiniz ki? Hörmətlə, Gadir^müzakirə06:52, 5 may 2024 (UTC)

@Gadir, yuxarıda yazılıb cavab, təkrarən oxuya bilərsiniz:

, , və isə ümumiyyətlə qurucudan söhbət getmir. İndi, məsələn, yazılsa ki, Zeynal bəy Vəzirovun partiyası, bu o deməkdir ki, partiyanı Zeynal bəy qurub? Deyilə bilər ki, o sədr deyildi. Yaxşı, Qara bəy Qarabəyovun partiyası deyilir mənbələrdə. Bu o deməkdir ki, partiyanı o qurub? Xeyr. O da sonradan partiyaya qoşulub və sədr olub. Rəsulzadə partiyanın qurulmasını tövsiyə edib, direktiv verib, daha sonra isə (2 il sonra) qayıdaraq partiyaya qoşulub və sədri olub

Dr.Wiki54 (müzakirə) 09:02, 5 may 2024 (UTC)

Salam. Bir mövzuda fikirləriniz maraqlıdır. Uzun müddətdir Müsavat Partiyasının qurultayları ilə bağlı məqalə yaratmaq istəyirəm, lakin bunun nə dərəcədə doğru olacağına qərar verə bilmirəm. TrVikidə belə ənənə çox var, məsələn: Bu şablona baxa bilərsiniz, eləcə də buna və bu kateqoriyaya. İkipartiyalı sistemli ABŞ-də partiya qurultayları prezidentliyə namizəd seçkisi olduğu için ensiklopedik əhəmiyyət daşıyır, ancaq yenə də belə bir ənənə envikidə də var. Bu kateqoriyaya göz ata bilərsiniz. Ruvikidə isə belə kompartiya kateqoriyaları var. Mən isə fikirləşirəm ki, Azərbaycanda hər nə qədər VP:EƏ daşımasa da, YAP Qurultayları, AXCP Qurultayları, AMİP Qurultayları və kifayət qədər rezonans doğurub müzakirə mövzusu olan Müsavat Qurultayları üçün anoloji şablon, kateqoriyalar və məqalələe hazırlamaq olar. Əgər qəbul olunsa, təkrənglilik və səliqə üçün zamana yayaraq hər birini özüm hazırlaya bilərəm. Fikirləriniz maraqlıdır: @Araz Yaquboglu, @Solavirum, @Nemoralis, @Toghrul R, @Grenzsoldat, @Nicat49, @Bikar, @Gadir. Dr.Wiki54 (müzakirə) 22:03, 4 may 2024 (UTC)

Salam. Əgər məqalələr üzərində işləyəcəksizsə buyurun. — Bikar ^müzakirə07:50, 5 may 2024 (UTC)

Yaxşı ideyadır əslində. Xüsusilə 2014, 2019 və 2024-cü illər qurultayı barədə məqalələr geniş ola bilər. Grenzsoldat 13:32, 5 may 2024 (UTC)

Salam. Əgər qurultaylar barəsində etibarlı ikinci dərəcəli mənbələr varsa, o zaman əlbəttə ki, mümkündür. Hörmətlə.— Nicat^{49   ⋠müzakirə⋡} 22:34, 5 may 2024 (UTC)