Bizim elmi ədəbiyyatda alim Ervin Şredinger olaraq yazılır. Öncəki dəyişikliklərdə bunu əsas gətirərək məqalənin adında və məzmununda uyğun dəyişiklikləri etsəm də daha sonra dəyişikliklər heç bir təkzib gətirilmədən əvvəlki vəziyyətə qaytarılıb. Məqalənin adında artıq dəyişiklik edə bilmirəm, kimin səlahiyyəti varsa zəhmət olmasa eləsin. Əks-fikir və onu dəstəkləyən hər hansı mötəbər fakt varsa burada bunu müzakirə edə bilərik, amma xahiş edirəm, heç kəs xarici adların bizim dilimizə necə uyğunlaşdırılması ilə bağlı şəxsi mülahizələrini yeritməsin. Vikipediya bunun yeri deyil. Vikipediya mötəbər mənbələrdəki məlumatların olduğu kimi əks olunub-cəmləşdiyi yerdir. Mən inanmıram ki, AzViki standartlarında hansısa bloq məqaləsindəki məzmun universitet dərsliklərindəkindən daha mötəbər hesab olunsun. (müzakirə) 02:00, 17 iyun 2022 (UTC)

, düz deyirsiniz. , , , . --► Hörmətlə: SolaVirum 04:15, 17 iyun 2022 (UTC)

Elnurvl, sizin dediyiniz kimi mötəbər mənbə lazımdırsa Azərbaycan Milli Ensiklopediyasına baxa bilərsiniz. O ensiklopediyanın bütün məqalələrdə alimin Ervin Şrödinger kimi verilib. Həmin məqalələri isə yəqin ki, bir nəfər yazmayıb. Bir neçə alim tərəfindən yazılıb.

Gələk Şrödinger söhbətinə. Orijinal varianta baxsaq məlum olar ki, Şredinger yox Şrödinger olmalıdır. Bu birmənalı olaraq belədir. Sadəcə olaraq biz bu soyadı yazarkən yanlışlığa yol veririk. Bu isə mövcud elmi ədəbiyyatlar əksəriyyətinin rus dilindən tərcüməsi ilə bağlıdır. Rus əlifbasında ö hərfi olmadığına görə rus müəllifləri Şrödingeri məcburən Şryodinger (Шрёдингер və ya Шрeдингер) kimi ifadə etmişdir. Bizsə dərin araşdırmadan bu cür də mənimsəmişik. Bu isə qəti surətdə yanlışdır. Bu cür yanlışlıqlara çox yerdə rast gəlmək olar. Məs., götürək riyaziyyatçı Minkovskini. Olmalıdır: Herman Minkovski, ədəbiyyatda gedir German Minkovski. Bu isə kökündən səhvdir. Özü də tərcümə səhvidir. Karabakh-AZ (müzakirə) 16:22, 31 iyul 2022 (UTC)

@Karabakh-AZ, yuxarıda akademik mənbəni paylaşıblar, oradan gördüyünüz kimi adın dilimizdə yazılışı Ervin Şredingerdir. Mənim məktəb dövrü, universitet vaxtı oxuduğum azərbaycanca kitabların hamısında bu yazılışa rast gəlmişəm. Azərbaycan Milli Ensiklopediyasına çıxışım yoxdur, siz də əlçatan bir istinad paylaşmamısınız deyə dediyinizi təsdiqləyə bilmirəm. Hər halda düz demiş olarsınız. Hər bir halda universitet dərslikləri ensiklopediyadan daha mötəbər mənbə hesab olunur.

O ki qaldı adın əslində necə yazılmalı olduğuna, belə nümunələrə çox rast gəlmək olar: Albert Eynşteyn, İsaak Nyuton, Verner Heyzenberq kimi adların hamısı izah etdiyiniz prosesə görə bu gün elmi ədəbiyyatımızda bu cür yazılışla rast gəlinir. Bəli, əslində Albert Aynştayn, Ayzek Nyuton, Verner Hayzenberq, Ervin Şrödinger yazmalı idik, amma xüsusilə elmi ədəbiyyatımız üçün doğru və səhvləri Vikipediyada təyin edə bilmərik, proses bu cür işləmir. (müzakirə) 01:00, 6 avqust 2022 (UTC)

, əvvəla anlayışınız üçün təşəkkür edirəm. Siz dediyiniz dərslikləri mən də oxumuşam. Sadəcə olaraq dərslikdə hər yazılan "Quran ayəsi" deyildir. Alman dilini azacıq bilən adam Şredinger yazılışının səhv olduğunu anlayır. Heç rusca Şredinger deyən yoxdur. Bütün rusdilli ədəbiyyatlarda Şryodinger gedir. "Şredinger" heç diləyatımlı da səslənmir. Sadəcə rus dilində sadəlik üçün ё hərfinin üzərində iki nöqtə qoyulmur deyə bizimkilər aləmi bir-birinə qatışdırıb. Bir də ki, eyni yanlışın milyon dəfə işlənməsi onun yanlış olması gerçəyini dəyişmir (harda işlənməsindən asılı olmayaraq).

Azərbaycan Milli Ensiklopediyasının , məqalələrinə də baxa bilərsiz. Bunu dəlil yox, nümunə kimi təqdim edirəm. Onsuz da yuxarıda hər şeyi açıqlamışam. Düşünürəm ki, başqa əsaslandırmaya ehtiyac yoxdur. Sağ olun. Karabakh-AZ (müzakirə) 16:20, 6 avqust 2022 (UTC)

@Karabakh-AZ, mən hazırkı yazılışın doğru olmasını müdafiə etmirəm. Mənə elə gəlir, elmi ədəbiyyata hakim bir çox insan da məsələnin nə yerdə olduğunu bilmiş olar. Bir daha vurğulayıram, Vikipediya doğruların təyin olunduğu yer deyil, mövcud elmi ədəbiyyat üçün aqqreqator rolunu oynayır. O səbəbdən, adların yazılışının ədəbiyyatımıza düzgün oturuşmamasında sizinlə razılaşsam belə həmin ədəbiyyata düzəlişlərin burada edilməsini düzgün hesab etmirəm. (müzakirə) 22:34, 6 avqust 2022 (UTC)

@, aydındır, təşəkkürlər. Karabakh-AZ (müzakirə) 08:02, 7 avqust 2022 (UTC)