Salam. Məqalədə AXCP-nin yaranma tarixinin 1989-cu il göstərilməsi yanlışdır. Bu AXCP-nin yox, AXC-nin yaranma tarixidir. Sadəcə olaraq AXCP-nin 1995-ci ildə AXC-nin bazasında yaradıldığı, onun xələfi olduğu qeyd olunmalıdır. AXC səhifəsindən AXCP-yə olan istiqamətləndirməni götürüb AXC-ni ayrıca səhifə kimi işləmək lazımdır. Bu dəyişiklikləri etmək fikrindəyəm. (müzakirə) 15:42, 10 avqust 2021 (UTC)

AXCP rəsmi olaraq AXC-nin varisidir. Məqalədə də bununla bağlı kifayət qədər məlumat var. O ki qaldı təkmilliyə problem ola bilər. Amma bu problem AXC-ni ayrı məqalə etməklə həll olunmur. - Dr.Wiki54 (müzakirə) 19:59, 10 avqust 2021 (UTC)

Bəli, AXCP rəsmi olaraq AXC-nin varisidir. Lakin məsələ burasındadır ki, biri ictimai təşkilatdır, biri partiya. Yəni 1995-ci ildə təşkilatın sadəcə adı dəyişməyib, həm də statusu dəyişib, partiya olub. Ona görə də PARTİYANIN yaranma tarixi 1989-cu il yazıla bilməz, 1995-ci il yazılmalıdır. AXCP məqaləsində sələf təşkilat kimi AXC haqqında bütün məlumatlar, o cümlədən rəsmi varisi olduğu saxlanıla bilər. Lakin AXC məqaləsi mütləq AXCP-dən ayrılmalıdır. Burada AXCP-yə qarşı heç bir haqsızlıq yoxdur. (müzakirə) 11:50, 11 avqust 2021 (UTC)

AXC məqaləsinin AXCP-dən ayrılmağının əhəmiyyəti yoxdur. Genişləndirmək üçün məqalə daxilində altbaşlıq yaradaraq işləyə bilərsiniz. Böyük hərflərlə yazmağınızın da mənası yoxdur. Faktlarla tanışam. Haqsızlıq olduğunu qeyd etməmişəm. - Dr.Wiki54 (müzakirə) 11:59, 11 avqust 2021 (UTC)

AXC Azərbaycan tarixində çox əhəmiyyətli yer tutan bir təşkilat olub. Niyə də ayrıca məqalə olmasın? Əgər baxmısınızsa rus və ingilis vikilərində uyğun məqalələr ümumiyytlə bərbad, biabırçı vəziyyətdədir. RusVikidə istiqamətləndirmə AXCP-dən AXC-yədir. Yaranma tarixi şablonda 16.07.1989 əvəzinə, 16.07.1988-dir. EnVikidə AXC-dən AXCP-yədir. Şablonda yranma tarixi isə 1992(?)-dir. Məqalənin içində isə yenə də 16.07.1988-dir. Digər dillərin çoxunda yenə də yaranma tarixi 1992-dir. Biz təkmilləşdirməliyik ki, onlar da bəlkə bizə baxıb düzəldələr. Mən AXCP məqaləsində müəyyən düzəlişlər etməyə çalışacam. Amma AXC-nin ayrıca məqalə olmasının müzakirəsinin açıq saxlanılması tərəfdarıyam. Ayrıca məqalə üçün kifayət qədər mənbə və materiallar (internet resurslarından kənar) var. (müzakirə) 12:48, 11 avqust 2021 (UTC)

Digər vikilərin bizə aiddiyyəti yoxdur. Heç kim heç kimə baxıb düzəltmir. Məlumatlar mənbələr əsasında təşkil olunur. Bu məqalənin daxilində işləyə bilərsiz uğurlar. - Dr.Wiki54 (müzakirə) 13:15, 11 avqust 2021 (UTC)

Salam, Dr.Wiki54. AXCP-nin III Qurultayının tarixi (22 avqust 2000) yanlışdır. Bu sadəcə Elçibəyin vəfatı günüdür. Həmin qurultay 2000-ci ilin noyabr, ya da dekabr ayında olub. Dəqiqləşdirə bilsəm əlavə edəcəm. (müzakirə) 13:52, 19 avqust 2021 (UTC)

Texniki xəta olub, təşəkkür edirəm @ - Dr.Wiki54 (müzakirə) 13:22, 21 avqust 2021 (UTC)