Assuriya məqaləsinə çatışmayan tarixin "Orta" və "Yeni dövrü", eləcə də Assuriyada din və məhəniyyət məqalələrini əlavə etdim.

3 dənə xəritənin yerinə bir yeni xəritə yerləşdirdim. Orada o üçünün materialı bir yerdə verilib. Qədim, orta və yeni çarlıqlar verilib. Bu oxunuşu asanlaşdırır. Həm də mənim qoyduğum xəritə Azərbaycan dilindədir.

Assuriya hökmdarlarının siyahısı üçün başqa məqalə yaratdım. Burada ona keçid verdim.

Şəkil qalereyasını ləğv etdim. Səbəb ondadır ki, Bu kimi elmi məqalələrdə şəkil mətnlə uzlaşmalıdır. Şəkil mətni şərh edib oxucuya onu anlamağı kömək etməlidir. Şəkil qalereyası isə bu məqsədə xidmət etmir, ondan heç nə anlamaq olmur. O yalnız artıq yer tutur və materialı anlamağa mane olur.

İctimai-siyasi vəziyyət və mədəniyyət bölməsi də artıq olduğu üçün burada saxlamaq məqsədə uyğun deyil. Çünki orada yüxarıdakı tarixi məlumatlar ikinci dəfə təkrar olunur. Mənası yoxdur. Onun əvəzinə ayrıca Assuriyada mədəniyyət məqaləsini yerləşdirdim.

Və nəhayət. Birinci "Yeni Assuriya tarixi" və "Assuriya-Manna və Assuriya-Urartu əlaqələri" məqalələrinin mənbəyi bilinmir. Onlar haradan götürülüb? Aşaqıda verilən mənbələrdən heç nə başa düşmək olmur. Mənbə konkret məqalənin haradan alındığını göstərməlidir. Əks təqdirdə bu müəllif hüquqlarının pozulmasıdır. Və ikincisi, bura girən tələbələr, elm adamları bu kimi məqalələrdən öz elmi işlərində istifadə etməlidirlər. İstinadlar və mənbələr düzgün göstərilməsə onlar bunu edə bilməzlər.

İndi bu barədə fikirləriniz varsa deyin. --Aydın Əlizadə (talk) 08:11, 16 noyabr 2014 (UTC)

Azərbaycan Milli Ensiklopediyasında bu dövlətin adı kimi göstərilib. məqaləsi də "Aşşur çarlığı" məqaləsinə yönləndirir. Yəni hər iki ad işləkdir, amma Azərbaycandilli ədəbiyyatda bu dövlətə "Aşşur çarlığı" deyilməsi doğrudur. Bu səbəbdən məqalənin adını "Aşşur çarlığı" olaraq dəyişirəm.--Wertuose (müzakirə) 08:15, 25 yanvar 2024 (UTC)