Salam. Mən Arslan Növrəslinin həyat yoldaşı və yaradıcılıq dostu, Azərbaycan Dövlət Akademik Filarmoniyasının Konsert şöbəsinin rəisi, Üzeyir Hacıbəyli adına Bakı Musiqi Akademiyasının Baş müəllimi, sənətşünaslıq üzrə fəlsəfə doktoru, musiqişünas olaraq bu səhifəni yaratmaq arzusundayam. Dünəndən etibarən bütün mövcud bəndlərin doğru şəkildə doldurulmasını qarşıya məqsəd qoyaraq bu səhifə üzərində işləyirəm. Bu gün səhifənin silinməsi ilə bağlı yazını görəndə çox məyus oldum. Bu məsələnin qarşısının alınması ilə bağlı sizdən kömək istəyirəm. Ümid edirəm ki, Azərbaycan musiqi mədəniyyəti, Azərbaycan tarını ölkəmizdə, eləcə də, dünyada təbliğ edən, ilk dəfə olaraq milli alətimiz tarda harmnik jazz standartları ifa etmiş tarzən Arslan Növrəslinin səhifəsinin yaranması ilə bağlı mənə düzgün istiqamət göstərər və yardımçı olarsınız. Hörmətlə, Aybəniz Növrəsli — (müzakirə) 17:27, 16 aprel 2023 (UTC) (müzakirə) 22:02, 15 aprel 2023 (UTC)

@Elshad Iman (Elşad İman) stil kitabçası ilə bağlı problemi həll etdiyimi düşünüb "sil" şablonunu kənarlaşdırdım. Bir daha nəzər yetirib, problem olduğu halda sil şablonu əlavə edə bilərsiniz. Şəxsin ensiklopedik əhəmiyyət tələblərini ödədiyini düşünürəm. Bikar Orxan (müzakirə) 18:02, 16 aprel 2023 (UTC)

@ Siz məqalə üzərində işləyin lütfən, gərəkli məlumatları əlavə edin, mən sonda özüm məqalə üzərində işləyib problemləri həll edəcəm. Atakhanli (müzakirə) 06:44, 17 aprel 2023 (UTC)

@Bikar Orxan həmkar, məqalə SNS-yə verildiyi üçün düşünürəm ki, SNS-də fikirinizi bildirmək daha uyğun olar. Atakhanli (müzakirə) 06:44, 17 aprel 2023 (UTC)

Sizə dərin təşəkkürümü bildirirəm. Var olun! (müzakirə) 07:28, 17 aprel 2023 (UTC)

Qısa zaman ərzində Sizin düzəlişləri rəhbər tutaraq məqalə üzərində işləyib daha da mükəmməlləşdirərəm. Dəstəyə görə əməyi keçən, məsləhət verən hər kəsə minnətdaram! (müzakirə) 07:30, 17 aprel 2023 (UTC)

@Elshad Iman (Elşad İman) Hörmətli Elşad bəy, fikirlərinizə böyük hörmətlə yanaşıram. Düz buyurursunuz, Azərbaycanda yaradıcı fəaliyyət göstərən çoxsaylı ifaçılar var. Onların hər biri haqqında səhifə yaranması məqsədəuyğun olmaz. Amma Arslan Növrəsli haqqında məqalənin yaranmasının gərəkli olacağını düşünürəm. Çünki o, dünyanın bir çox ölkələrində, Amerika Birləşmiş Ştatları, Avropa ölkələrinin böyük hissəsinin məşhur konsert salonlarında, dünyaca məşhur ifaçılarla çıxış etmişdir. Mütəmadi olaraq konsertləri Azərbaycan Televiziyası və Mədəniyyət Tv`nin efirlərində nümayiş olunur. Respublikamızda keçirilən Festivalların, dövlət tədbirlərinin daimi iştirakçısıdır. Yuxarıda da qeyd etdiyim kimi, Azərbaycanda və dünyada ilk dəfə olaraq milli alətimiz olan tarda jazz kompozisiyaları ifa etmiş tarzəndir. Bu, Azərbaycan musiqi mədəniyyətinin dünya müstəvisində təbliği yolunda uğurlu addımlardandır. Onun haqqında konfranslarda çıxışlar edilir, haqqında Azərbaycan Milli Konservatoriyasında diplom işi də yazılmışdır. Bütün bu məqamları nəzərə alaraq Sizin də məqaləni mühafizə etmək üçün təkliflər bildirmənizi və dəstəkləmənizi xahiş edirəm. Təbii ki, digər dostların qeyd etdiyi kimi, məqaləni yenidən işləyərək daha müəkmməl vəziyyətə gətirməyi öhdəmə götürürəm. Əvvəlcədən təşəkkür edirəm, bütün təklif və iradlarla bağlı düşüncələrə diqqət və minnətdarlıqla.. (müzakirə) 08:21, 17 aprel 2023 (UTC)