Salam Sefer_azeri. Mənim yaratdığım və hal-hazırda üstündə işlədiyim Amerikalılar teleseriyalının 1-ci mövsümünün adını niyə dəyişmisiniz? Və ən əsası niyə yönləndirmə verməmisiniz? --Aabdullayev851 (müzakirə) 07:03, 25 sentyabr 2015 (UTC)

Salam, Aabdullayev851. Əgər konkret şəxsə müraciət edirsizsə, yaxşı olar ki, müraciətinizi kənd meydanına yox, müraciət etdiyiniz şəxsin müzakirə səhifəsinə yazasız. Məqalənin adını dəyişməmin səbəbi azvikidə tətbiq etdiyimiz vahid ad sisteminə uyğunlaşdırmaqdır. Serial mövsümləri haqqında yaradılan məqalələrin adında əlavə yazılardan (şəkilçilər, işarələr və sair) imtina etmək üçün mövsümün sırasını rum rəqəmləri ilə göstəririk. Bu vaxta kimi bu qəbildən yaradılan bütün məqalələrdə bu yazılış formasından istifadə etmişik. Ona görə də sizin üzərində işlədiyiniz məqalənin adını da digər bənzər məqalələrə uyğunlaşdırdım. İşlərinizdə uğurlar diləyi ilə --sefer azeri 07:13, 25 sentyabr 2015 (UTC)

Vahid ad sistemi ilə əlaqədar harda yazılıb? Mən məqalə adları ilə bağlı qaydalarda belə bir şey görməmişəm. Və sıra sayları ilə əlaqədar məqalədə göstərilib ki mənim adlandırmam qramatik olaraq səhv deyil. Lap deyək adlandırma sizin dediyiniz kimidir. Bəs niyə yönləndirmə verməmisiniz? --Aabdullayev851 (müzakirə) 07:18, 25 sentyabr 2015 (UTC)

Sefer_azeri mənim yaratdığım teleserial mövsümündən əlavə iki teleserialın mövsümü haqqında məqalə yaradılıb ki, ikisini də siz yaratmısınız. Əgər vahid adlandırma qaydası deyəndə bunu nəzərdə tutursunuzsa sizin adlandırma Vikipediya üçün əsas təşkil edə bilməz. Sizin idarəçi olmanız istifadəçinin yatadığı məqaləyə öz kefinizlə müdaxilə etməyə əsas vermir. Öz hüququnuzu aşmayın. Məqalənin adını geri çevirib davam edirəm. --Aabdullayev851 (müzakirə) 08:04, 25 sentyabr 2015 (UTC)

İstifadəçi Aabdullayev851 məqalənin adını dəyişmək üçün ya da hansısa məqaləyə müdaxilə etmək üçün idarəçi olmaq lazım deyil. Hansı məqaləyə istəsəm o məqaləyə də müdaxilə edə bilərəm, vikipediyada heç bir məqalə istifadəçilərin mülkiyyətində deyil. İttiham etməmişdən əvvəl qaydaları oxusanız yaxşı olardı. Mən sizin yazdığınız adın qrammatik baxımdan səhv olduğunu demədim. Siz dünən gəlib, bu gün özünüzdən istədiyiniz qaydanı tətbiq edə bilməzsiz, neçə illərdir hansı ad sistemindən istifadə olunursa, siz də həmin qaydaya uyğun ad seçməlisiz. Aqressiyanızı da özünüzə saxlayın. Növbəti dəfə hansısa istifadəçiyə qarşı bu cür aqressiv və kobud müraciət etsəz fəaliyyətiniz məhdudlaşdırıla bilər. --sefer azeri 08:16, 25 sentyabr 2015 (UTC)

sefer azeri mən məqalənin kiminsə mülkiyyətində olduğunu demirəm. Sadəcə məqalənin müəllifi bu adlandırmadan istifadə edərkən nəyə əsaslanmış ola bilər. Bunu əvvəl müzakirə edib daha sonra adı dəyişmək olmaz? Bir də ki sizin vahid adlandırma dediyiniz qayda harda yazılıb? Keçid verə bilərsiz? Çünki bu tip yaradılmış bütün məqalələrin müəllifi sizsiniz. Bu da məqalələri sizin adlandırdığınızı deməyə əsas verir. Sizin adlandırmanızı qayda kimi qəbul etməli deyilik. --Aabdullayev851 (müzakirə) 08:47, 25 sentyabr 2015 (UTC)

Hörmətli Aabdullayev851, axı nə fərqi var: ya (I mövsüm), ya da (1-ci mövsüm). Bir çox məqalədə Seferin qeyd etdiyi adlandırmadan istifadə olunur. İndi bu cür adlandırmanın istifadə edildiyi məqalələrin adını dəyişdirək? Belə başlandı, belə davam edək. Vaxt itkisi olmasın. Mən də belə adlandırmadan istifadə edirəm. Məsələn, {{Marvel Kinematoqrafiya Kainatı}} şablonunda.--Serk@nl@nd 09:16, 25 sentyabr 2015 (UTC)

Hörmətli Serkanland siz deyəni başa düşürəm. Bunu mənə deyib sonra dəyişmək daha düzgün olardı. Ən əsası yönləndirmə verilməli idi yenə adlandırmaya. Bu şəkildə də olar, demirəm olmaz. Əgər əsas hissə bu şəkildə istifadə edirsə mən də istəyərəm ki, elə edim. Çünki Vikiepdiyada ortaq yazı stili olmalıdır. Hətta mən təklif edəcəm ki, müəyyən qruplar yaradaq ki, eyni tipli mövzüları o qurpun istifadəçiləri nəzarət etsin. Beləcə onlar vaxt keçdikcə daha mükəmməl və məqsədəuyöun ortaq yazı stili yaratsınlar. Məsələn mövsümlər haqqında olan məlumatlarda bəziləri "Adı", bəziləri isə "Başlıq" kimi yazır. məncə belə şeyləri oturub müzakirə edib konkret qərar gələk. Sizcə bu mümkündür? --Aabdullayev851 (müzakirə) 09:27, 25 sentyabr 2015 (UTC)

Bilirsiz necədi? Məsələn, vikipediyaya həmişə yeni istifadəçilər qoşulur. Tutalım ki, bir neçə yeni istifadəçi eyni anda telemövsüm haqqında məqalə yaratmaq istəyir. Amma yazı stilindən xəbərləri yoxdur, çünki yazı stili haqqında Vikipediyada qaydalar yerləşdirilmir. Bu zaman bir yeni istifadəçi "Başlıq" yazacaq, bir yeni istifadəçi "Ad" yazacaq və s. Demək istədiyim odur ki, lap özümüz qərarlaşdırsaq ki, yazı stili belə olsun, bəs yeni istifadəçilər bundan hardan xəbər tutsun? "Qrup" deyəndə də ki, vikipediyadakı məqalələr mövzularına görə o qədər fərqlənirlər ki. Amma istifadəçi sayı məhduddur.--Serk@nl@nd 09:42, 25 sentyabr 2015 (UTC)

Cənab Aabdullayev851 mübahisə etməyin, əgər idarəçi məqalədə səhv və ya çatışmamazlıq aşkarlayıbsa, deməli doğrudan da nəsə problem vardır. Məqalə adının dəyişməsi ilə sizin fəaliyyətinizə bir xələl dəyməyəcək. Unutmayın ki, məqalə sizin şəxsi mülkünüz deyil. Məqaləni yaratdığınız andan, o ictimaiyyətin mülkiyyətinə çevrilir və onu artıq hər kəs redaktə etmək hüququ əldə edir. Hörmətlə: --Keete 37 (Farid Aliev) (müzakirə) 09:56, 25 sentyabr 2015 (UTC)

Hörmətli Serkanland siz deyən də düzdür. Amma ən azından biz aktiv istifadəçilər ortaq yazı stili inkişaf etdirək. Məsələn, bayaq siz yazan məqalələrə baxanda gördüm ki, siz "ABŞ-da baxış sayı" kimi yazmısınız. Mən isə "Baxış sayı". Sizin yazdığınız düşgün olduğu üçün bundan əvvəlki və sonrakı məqalələrdə də mən elə istifadə edəcəm. Belə şeyləri öz aramızda müzakirə edərək məqalələrə təbiq edək. Mənim məqsədim Vikipediyamızın daha da inkişaf etməsidir. --Aabdullayev851 (müzakirə) 10:26, 25 sentyabr 2015 (UTC)

Hörmətli Keete 37 (Farid Aliev), birinci idarəçi məqalədə konkret səhv və ya çatışmazlıq tapmayıb. Sadəcə başlıq onların yazdığı kimi olmadığı üçün dəyişib. İkinci məqalə adının dəyişməsi fəaliyyətimə xələl gətirir, çünki yönləndirmə verilməmişdi. Üçüncüsü isə məqalənin mənim şəxsi mülküm olmadığını yuxarıda da qeyd etmişəm. Xahiş edirəm müzarkirəyə müdaxilə etmədən diqqətlə oxuyun. --Aabdullayev851 (müzakirə) 10:26, 25 sentyabr 2015 (UTC)

Cənab Aabdullayev851, burada fəaliyyət göstərən idarəçilər artıq uzun illərdir burada məqalə adı da dəyişir, məqaləni silir və lazımi keçidləri təmin edir. Xahiş edirəm, onlara bu işləri görməyə imkan yaradasınız. Çünki fakt odur ki, siz hələ hesab edirsiniz ki, əgər məqaləni siz yaradıbsınızsa, deməli redaktələri burada yalnız siz edə bilərsiniz, bu belə deyil. Mən sabah istəsən, sizin məqalədə yazdığınız məlumatın hamısını silib, "REDAKTƏ ETMƏYİN" şablonunu qoyaraq tamamilə yeni versiya yaza bilərəm. Onsuzda ingilis versiyası sizin yaratdığınız versiyadan qat-qat daha zəngindir. Siz sadəcə olaraq yeni istifadəçisiniz və qanunları o qədər də yaxşı bilmirsiniz. İdarəçilər yönləndirmələri yerləşdirəcəklər. Sadəcə olaraq idarəçi fəaliyyətinə maneəçilik törətməyin və bir də onlarla mülayim tonda yazışın. --Keete 37 (Farid Aliev) (müzakirə) 10:38, 25 sentyabr 2015 (UTC)

Keete 37 (Farid Aliev), mən burda məqalənin adının dəyişməsindən danışmıram. Əsas problem yönləndirmə verilməyib. Onu deyirəm. Sadəcə bu redaktə haqqında mənə məlumat verilsəydi mən də digər məqalələrdə lazımı keçidləri düzəldərdim. İngilis dilində olan məqalənin zənginliyinin məsələyə dəxli yoxdur və mən məqalə üstündə işimi bitirməmişəm. Bitirdikdə o məqalə qədər zəngin olacağına əmin ola bilərsiniz. Məqaləni silməyə gəldikdə isə belə çıxır ki, onda idarəçi heçbir səbəb olmadan istənilən məqaləni silə bilər və özü yenisini yarda bilər? Bu həqiqətən belədirmi? --Aabdullayev851 (müzakirə) 11:10, 25 sentyabr 2015 (UTC)