Verman1, zəhmət olmasa, NMW03 tərəfindən edilmiş niyə qaytardığınızın izahatını verərdiniz. — Burocan (müzakirə) 13:45, 6 sentyabr 2021 (UTC)

Burocan müəllif hüquqları pozuntusu aradan qaldırıldı. — Thunder Storm (müzakirə) 14:00, 6 sentyabr 2021 (UTC)

Verman1, faizdə dəyişiklik olmayıb axı? NMW03 (müzakirə) 14:31, 6 sentyabr 2021 (UTC)

NMW03, iş orasındadır ki, mənbə özü original iş deyil, Köçəryan və Vəliməmmədovun kitablarının tərcüməsinin məcmusudur. Yəni birbaşa olaraq həmin mənbədə müəllif hüquqları pozulmayıb. Amma faizin endirilməsi əsas məqsəddirsə, onu vaxt olduqca edərəm. — Thunder Storm (müzakirə) 14:34, 6 sentyabr 2021 (UTC)

Verman1, nəticə etibarilə bir dəyişiklik yoxdur. İnternet resurslarındakı bir mənbə ilə Vikipediyaya daxil edilmiş məzmun arasında 97%-dən çox bənzərlik var. Xahiş edirəm "copy-paste" olan qisimləri çıxarıb, öz qaralama səhifənizdə sözügdən hissələr barədə müvafiq dəyişkliyi aparasınız. — Burocan (müzakirə) 14:55, 6 sentyabr 2021 (UTC)

Burocan Müəllif hüquqları olmayan mənbələrə bu qaydanın aid edilməsinə dair bir qayda var? — Thunder Storm (müzakirə) 17:59, 6 sentyabr 2021 (UTC)

Verman1, əvvəla müəllif hüququ olmayan mənbə nədir? Məgər dərc olunan kitablarda müəlliflər öz hüquqlarından imtina etdiklərinə dair hissə ayırıblar, yoxsa ictimai formada elan ediblər ki, onların işləri ictimai mülkiyyətdir? Bəlkə "copy-paste" etdiyiniz saytın müəllif hüququndan imtina etdiyini bildirmək istədiyinizi düşünərək bütün sayt üzrə axtarış aparsam da, belə bir məqama rast gəlmədim. Bütün müəllif işləri müvafiq qanunla mühafizə olunur. Onun ictimai mülkiyyətə keçməsi isə yenə də qanunla tənzimlənir və bu tamamilə fərqli bir məsələdir. Zəhmət olmasa, nəzərə alın ki, istinad, birinci dərəcəli, yaxud ikinci dərəcəli mənbədən istifadə və "copy-paste" tamamilə ayrı məsələlərdir. Əgər siz sadəcə məqalədən qeyd etdiyiniz kimi Köçəryan və Vəlimməmədovun kitablarından götürülmüş və konkret olaraq dırnaq içində verilmiş hissələri məzmun kimi daxil edib dırnaq içində göstərsəydiniz, o zaman heç bir problem olmayacaqdı. Ancaq indiki halda siz bir mənbədən, yəni Azloqos adlı veb saytdan "copy-paste" etmisiniz. Yekunda isə belə qənaətə gəldim ki, siz istənilən halda, daxil edilən məzmunun parafraz olunması zərurətini qəbul etmək niyyətində deyilsiniz. — Burocan (müzakirə) 00:55, 7 sentyabr 2021 (UTC)

Yeri gəlmişkən, Vikipediyanın azərbaycandilli seqmenti üzrə müəllif hüquqları ilə bağlı rəsmən icazə vermiş 3 təşkilat var və sizin məzmununu birbaşa istifadə etdiyiniz veb sayt onların sırasında deyil.— Burocan (müzakirə) 01:26, 7 sentyabr 2021 (UTC)

Burocan Kitablarda yazılan yazıların müəllif hüquqlarının pozulmasına dair sübut təqdim edin. — Thunder Storm (müzakirə) 06:35, 7 sentyabr 2021 (UTC)

Sizin nə deməyə çalışdığınızı həqiqətən anlamıram. "Copy-paste" edib qayda pozuntusuna yol vermisiniz, mənimlə israrla mübahisə aparırsınız. 7 ilə yaxın elmi-tədqiqat təcrübəsi olan biri kimi yenə də deyirəm ki, dırnaq içində verilən məzmunda problem yoxdur. Ancaq yerdə qalan hissələr parafraz olunmalıdır. Gələcəkdə Azlogos saytında bu yazını qələmə alan müəllif məsələdən xəbərdar olsa, onun tam hüququ var ki, "copy-paste" etdiyiniz hissələrin çıxarılmasını tələb etsin. Amma əgər siz qayda pozuntusuna yol vermədiyinizə dair qəti mövqeyinizdə israrçısınızsa və bu mövzuda konsensus əldə edə bilməyəcəyiksə, bu müzakirəni idarəçilər səviyyəsində daha geniş auditoriyada davam etdirməliyəm. Çünki vəziyyət çox ciddidir, uzunmüddətli fəaliyyəti olan bir istifadəçi "copy-paste" xarakterli məzmun daxil edərək qaydanı pozur və sonra qaydanı pozmasını müxtəlif manipulyasiyalarla qəti şəkildə inkar edir. Bu yeni istifadəçilər üçün olduqca neqativ örnək təşkil edə bilər. Bütün bunlardan əlavə, təəssüflə bildirməliyəm ki, hələ bir təftişçiliyə də başlayıb, üzərində iş apardığım və "İş gedir" şablonu yerləşdirdiyim məqaləyə müdaxiləyə etmisiniz. Təbii ki, başqa zaman olsa, mənə tərtib etdiyim və ya genişləndirdiyim bir məqalədəki hansısa problemli məqamla əlaqədar müraciət etsəydiniz, yaxud özünüz birbaşa konstruktiv redaktə etsəydiniz bunu xoşniyyətli bir addım kimi qəbul edib sizə minnətdarlığımı bildirərdim. Ancaq burada gedən müzakirənin fonunda bu cürə hərəkətiniz mənim üçün anlaşılmazdır və sözün doğrusu sizin kimi təcrübəli bir istifadəçiyə də bunu yaraşdırmadım. Yekunda isə sizin bu qəbildən olan fəaliyyətinizə fikrimcə, idarəçilər və viki-cəmiyyət qiymət verməlidir.— Burocan (müzakirə) 10:28, 7 sentyabr 2021 (UTC)

Burocan Yuxarıda yazdığım sübutu göstərə bilmədiyiniz müddətcə müzakirəni davam etdirmək mənim üçün mənasızdır. Müzakirəni harada istəsəniz davam etdirə bilərsiz, heç bir problem yoxdur. — Thunder Storm (müzakirə) 11:10, 7 sentyabr 2021 (UTC)

Məqaləni əvvəlki halına qaytardım. Kim kimdən kopyalayıb bunun Vikipediyaya dəxli yoxdur. Önəmli olan məqam Vikipediyadakı məzmunun başqa saytdan copy+paste edilməsidir. Müəllif hüququ önəmli mövzudur. Gözardı ediləcək birşey deyil. NMW03 (müzakirə) 16:02, 7 sentyabr 2021 (UTC)

Verman1, zəhmət olmasa pozuntuları aradan qaldırmadan geri qaytarmayın. Əslində əvvəlki versiyaları gizlətməli idim yadımdan çıxıb. İndi gizlətdim.| NMW03 (müzakirə) 18:07, 7 sentyabr 2021 (UTC)

• NMW03 Zəhmət olmasa indiki versiyanı yoxlayın — Thunder Storm (müzakirə) 21:49, 26 oktyabr 2021 (UTC)