Məqalə neytral deyil, hazırkı halda təbliğat xarakteri daşıyır (adicə başlıq-başlıq həbslərə bölmələr açılıb bu mövqeyə yüklənilməsdən və giriş hissəsindən açıq-aydın görünür). Məzmun həcm olaraq əvvəlki halından daha da təkmil olsa da, təəssüf ki, Vikipediyanın əsas prinsiplərindən biri pozulur. Məzmun yenidən işlənilməlidir, məqalədən {{tərəfli}} şablonunu çıxarmayın. Hörmətlə, Qədir (müzakirə) 07:54, 23 oktyabr 2024 (UTC)

Gadir, harası tərəflidir? Adam siyasi məhbusdur və dəfələrlə həbs edilməsi haqqında detallı informasiyanın olması normaldır. Nəyi təbliğ edir? --► Hörmətlə: SolaVirum 07:47, 18 noyabr 2024 (UTC)

Solavirum, şablonu müzakirəsiz, nəticəyə gəlmədən tələsik niyə silmisiniz? Bəyəm şəxsin fəaliyyəti elə həbs olunmaqdan ibarətdir? Elə ancaq həbsdən danışılır, bir mövzuya çox yüklənmək neytrallığı pozur. Eyni ölçüdə olmalıdır, yığcamlaşdırılmalıdır, verməyək demirəm. Diqqət yetirin: VP:QƏZET. Heç Navalnı kimi adamın məqaləsində bu qədər yazı yoxdur. Yaqublunun fəaliyyəti ondan daha azdır, təkcə siyasi məhbusdur ki, məqalədə ancaq həbsdən danışaq? Mən sözümdə qalıram, məqalə təktərəfli yazıdan ibarətdir. Hörmətlə, Qədir (müzakirə) 23:15, 20 noyabr 2024 (UTC)

Gadir vallah, həmişə fikir vermişəm ki, qaydalarl yanlış anlayırsınız. Siyasi fəaliyyəti hissəsi olduqca normaldır, həbsləri hissəsi isə əhatəli formada yazılıb. Bu adam yol-hərəkət qaydalarını pozub deyə həbs edilməyib, o hissələrdə həm də xarici reaksiyalar da verilib, məhkəmə prosesi detallı formada qeyd edilib. Neytrallığın pozulması hansısa baxış bucağının soxuşdurulmasıdır. Həbslərinin çox olmasının buna nə dəxli axı? --► Hörmətlə: SolaVirum 13:03, 21 noyabr 2024 (UTC)

Vikipediya "OC Media" platforması deyil. Onu deyirəm elə, siyasi fəaliyyəti bölməsinə bax, bir də həbsləri bölməsinə, müqayisəedilməz dərəcədə uzadılıb. O reaksiyaları falan da qaydasına qoyub qeyd etdiyim məqalə kimi tərtib etmək lazımdır. Onda belə çıxır bu adamın karyerası həbs olunmaqdan ibarətdir, başqa heç bir iş görməyib, amma elə deyil. Məqaləni oxuyan oxucu ancaq həbs haqqında görəcək, məqaləni konkret bir nüans ilə doldurmaq doğru deyil. Məqalə də "müxalif" baxış bucağından yazılıb, təəssüf ki, müəllif siyasi mövqelərini burada əks etdirib. @White Demon, @Bikar, @En Merker, @Sura Shukurlu, @Araz Yaquboglu, fikirləriniz maraqlıdır. Hörmətlə, Qədir (müzakirə) 15:08, 21 noyabr 2024 (UTC)

Qədirlə razıyam, bu həbslər bölməsi çox uzundur, hər detalı bu qədər ətraflı yazıb məqalənin mövzusundan uzaqlaşmaq lazım deyil. Adicə 2013-cü il həbsi bölməsini oxudum, konkret çox uzadılıb. Düşünürəm ki, bu bölmələr ixtisar olunmalıdır. Amma bunun tərəfli şablonu ilə əlaqəsi nədir? Unkillable Demon King 16:15, 21 noyabr 2024 (UTC)

White Demon, mən də onu deyirəm də. İki əlaqəsiz şeyi sintez edir arqumentasiya qurur, başa düşmürəm. --► Hörmətlə: SolaVirum 16:20, 21 noyabr 2024 (UTC)

Bəs onda hansı şablon qoyulmalıdır? Qeyd etmişəm axı, məqalə açıq-aşkar müxalifət mövqeyindən yazılıb. Şablon normaldır, təkcə uzunluqdan söhbət getmir, məsələ tək o deyil. Hörmətlə, Qədir (müzakirə) 16:30, 21 noyabr 2024 (UTC)

{{çox uzun}} şablonunu yaratdım. Unkillable Demon King 18:11, 21 noyabr 2024 (UTC)

@White Demon, uzunluğa görə okey, amma məncə, tərəfli şablonu da olmalıdır, çünki məzmun obyektiv deyil, 3-cü tərəfin dilindən yazılmayıb. Hörmətlə, Qədir (müzakirə) 18:16, 21 noyabr 2024 (UTC)

• İstifadəçinin düzəltdiyi bütün məqalələrdə siyası görüşləri hiss olunur. Çox ifratına varır. Dəfələrlə bunu qeyd etmişəm. Bu məqaləyə gəldikdə isə, Yaqublu haqqında geniş yazılmalı şəxsdir. Amma həddən çox ifrata varılmalı deyil. --Tarixi Nadir (müzakirə) 16:23, 21 noyabr 2024 (UTC)