Vikipediya:VikiLayihə Azərbaycan tarixi      (Keyfiyyət: SM, Əhəmiyyət: Az)
	"Azərbaycan tarixi" portalı Bu məqalə Vikipediya:VikiLayihə Azərbaycan tarixi çərçivəsindədir. Bu layihənin əsas məqsədi Azərbaycan tarixi mövzusundakı məqalələri inkişaf etdirməkdir. Əgər siz layihəyə kömək etmək istəyirsinizsə  və ya layihənin əsas səhifəsinə müraciət edərək layihəyə qoşula və müzakirə səhifəsində fikir bildirə bilərsiz.
	Bu məqalənin qiymətləndirmə şkalasına görə keyfiyyəti: SM.
	Bu məqalənin qiymətləndirmə şkalasına görə əhəmiyyəti: Az

Qeyd edim ki, bu məqalə vikipediyada yaradılan zaman qeyd edilən bu sayt hələ fəaliyyət göstərmirdi. Bunu təsdiq etmək üçün məqalənin tarixçəsinə baxmaq kifayət edər. Mən məqalədə neytrallığı şübhə doğuran hər hansı bir hissə aydınlaşdıra bilmədim. Əgər varsa qeyd edilsin. --Sultan11 07:23, 7 sentyabr 2011 (UTC)

Əl torpağı cana gətirir, əl musiqi alətlərini dilləndirir, əl-tikmələr tikir, əl xalça toxuyur, cansız əşyalara can verir. Keçmişimizi yaşadan min bir naxışlı, ötən illərin kədəri, sevinci, qadın əllərinin hərarəti hopub onlara. Təbiətin əlvan rəngləri zərif çeşnili xalçalara çevrilib.Hər naxışı, hər ilməsi, hətta hər zərrəsi həyat coşğunluğu ilə dolu, hər ilməsi sirli, əfsunlu, hər naxışından saflıq, nur, həyat yağan xalçalarımızın tarixi çox qədimdir. Gül ləçəklərindən incə, kəpənək qanadlarından kövrək, min bir sirli, xalçalarımız öz kökümüzdən, neçə-neçə yüzilliyin, minilliyin arxasından, neçə-neçə hadisələrdən xəbər verir.. Bu hissə neytral deyil, saytın fəaliyyət göstərməməsinə gəlincə, buradakı mətn saytdakı ilə eynidir, deməli ikisinin də mənbəyi eynidir. --N KOzi ^FORUM07:56, 7 sentyabr 2011 (UTC)

Mətndə üçüncü şəxs kimi istifadəçinin fikir söyləməsi neytrallığı şübhə doğuran məsələ sayıla bilməz. Göstərdiyiniz saytla burada yazılan məqalə arasında çox fərq var. Ona görədə müəlliflik hüququ kimi qaldırdığınız məsələ məncə düzgün deyil. --Sultan11 08:18, 7 sentyabr 2011 (UTC)

Yuxarıdakı ifadə bədii ifadədir, ensklopedik məzmunda deyil, üstəlik də "xalçalarımız" deyərək neytrallıq prinsipini pozmaqdadır. Bilirsiniz axı Vikipediyada "Bakı Azərbaycan Respublikasının paytaxtıdır" yazılır, "Bakı bizim paytaxtımızdır" yazılmır. Müəllif hüquqları məsələsinə gəlincə, hər iki mətn bir- birini o qədər tamamalayır ki, bunların eyni mənbədən götürüldüyünü görməmək olmaz. Əsas deyil ki, Lətif Kərimovun, ya da bu saytın, amma müəlliflik hüququ pozuntusu göz qabağındadır. --N KOzi ^FORUM09:11, 7 sentyabr 2011 (UTC)

Xalçalarımız deyərkən Azərbaycan xalçaları nəzərdə tutulmuşdur. Bu sözü hər bir istifadəçi redaktə edərək (kiçik redaktə) yerinə yetirə bilər. Daha sonra isə məqalədə yerləşdirilən bir çox məlumatlar, ölçü və texniki xüsusiyyətlər məhz "Qasımuşağı xalçası"na məxsus olduğu üçün bir çox saytlarda qəzet və jurnallarda, kitablarda və s. ünvanlarda üst-üstə düşməlidir. Çünki bu söylədiklərim dəyişdirilə bilməz. Həmin ölçü və xüsusiyyətlər dəyişilməzdir. Cümlə və söz fərqləri ola bilər. Vikipediyada olan bir çox məqalə, yazı sitilləri müxtəlif şəkillər digər saitlərdə mənbə göstərimədən istifadə edilir. Bu əsas verə bilməz ki, hüquq pozuntusunu vikipediya istifadəçiləri etmişlər söyləyək. Tutarlı əsasınız olmadığı üçün, məsləhətdirsə şablonlar geri götürülə bilər. Bu mövzunu daha da zənginləşdirməkdə, eləcə də mətn həcminin artırılmasında istifadəçilərə öz köməyinizi əsirgəməyəcəyinizə inanıram. --Sultan11 09:43, 7 sentyabr 2011 (UTC)

Sultan müəllim. İlk hissə bədii parçadır və Vikipediyada işlədilə bizməz. İkinci isə müəllif hüquqları pozuntusudur. Əsas odur ki, burada müəllif hüquqlarını pozan hallar olsun. Digər xalça məqalələri isə birbaşa saytdan köçürülüb və təmizlənməli yaxud silinməlidir. --N KOzi ^FORUM10:35, 7 sentyabr 2011 (UTC)

Bədii hissə adlandırdığınız hissəni şablonlar götürüldükdən sonra silmək yox, redaktə etmək olar. Digər xalça məqalələri isə iki hissəyə ayırmaq olar; Bir çox məqalə vikipediyada yaradılan zaman həmin sayt fəaliyyət göstərmirdi. Həmin məqalələr dəyişdirilə və ya təmizlənməyə ehtiyac yoxdur. Ən azından qeyd etdiyim kimi, tutarlı əsas yoxdur. İkinci hissədə olan məqalələrdə isə təmizlənmə işləri aparılmalıdır. Bu tip məqalələrlə maraqlandığınızı nəzərə alıb həmin məqalələrdən birini siz nümunə üçün redaktə edərsiniz. Digər istifadəçilər (marağı olanlar) məqalələri həmin üsulla redaktə edərlər. Bu ümumi işimizin xeyrinə olar. --Sultan11 11:36, 7 sentyabr 2011 (UTC)