Məqalənin adı Marneuli olmalıdır. Çünki bu yerin rəsmi adı 1952-dən bu yana Marneulidir. Və belə də tanınır.--samral ^müzakirə18:30, 24 mart 2016 (UTC)

Həmkar bir də zəhmət olmasa xatırlamağa çalışın Ermənistan adlı dövlət qondarılan yerdəki bütün məntəqələrin rəsmi adı nədir. Mən bilirəm kimin ricası ilə şəxsən sizi maraqlandırmayan işlərlə məşğul olursuz. Məqalə adını mən dəyişmişəmsə dəyiş-qaytardan öncə sual vermək yaxşı olardıkı səbəbi nədir.--Asparux Xan Bulqar (müzakirə) 20:21, 24 mart 2016 (UTC)

Məntiqlə doğrudur. Gərək Ermənistanın da indiki yerlərinin adlarını rəsmən necədirsə elə adlandıraq. Tarixi adlarla adlandırmaq bilmirəm nə dərəcədə düzgündür. Bununla biz o torpaqları geri qaytarmırıq ki, sadəcə oxucuları çaşdırırıq. Amma məqalənin içində köhnə azərbaycanca adlarını yazmaq olar, neçənci ilə qədər belə adlanıb qeyd etmək olar. Bu təbii ki, Qarabağ torpaqlarına aid deyil. Çünki qondarma Dağlıq Qarabağ respublikası rəsmən heç bir ölkə tərəfindən tanınmır. Ona görə də o yerlərin adı hansı vikipediyada ermənicədirsə onları azərbaycanca olan adları bərpa etməyə məcbur etmək gərəkdir. Amma Ermənistan və Gürcüstan ərazisindəki tarixi azərbaycanlılar yaşayan əraziləri adları məncə indi rəsmən necədirsə elə olmalıdır.--Sortilegus (müzakirə) 20:53, 24 mart 2016 (UTC)

Asparux Xan Bulqar and olsun Allaha siz yalan danışırsız. Məhz bu məsələyə mən kiminsə xahişi ilə müdaxilə etməmişəm. Yalan danışmayın. Ayıbdı. Utanın. Bu 1. 2-cisi də lap deyək ki, kimsə xahiş edib, mən də o şəxsin xahişini qırmamışam. Bundan kimə nə? Sizə nə? Əcəb eliyirəm. Yaxşı eliyirəm. Sonra? Sortilegus sizinlə isə tamamilə razıyam. Hər cümlənizlə. Gürcüstan və Ermənsitandakı yaşayış məntəqələrinin adları rəsmi ada uyğun olmalıdır. Qarabağdakı adlar da elə həmçinin. Lakin bir fərqlə. Qarabağ rəsmən, hüquqən (de-yure) Azərbaycana aid olduğu üçün bu ərazidəki adlandırmalarda Azərbaycan Respublikasının adlandırmasını əsas götürməliyik.--samral ^müzakirə21:51, 24 mart 2016 (UTC)

Bundan əlavə bir şeyi də qeyd edim ki, coğrafi adlandırmalar zamanı əgər varsa dildəki coğrafi akademik nəşrlər əsas götürülür. Bütün coğrafi xəritələrdə (əsasən Azərbaycanın fiziki və siyasi xəritələrində. Çünki bu xəritələrdə Ermənistan və Gürcüstanın da xeyli hissəsi düşür) Gürcüstan və Ermənistandakı yaşayış məntəqələrinin əvvəlcə Gürcüstan və Ermənistan dövləti tərəfindən adlandırılan rəsmi-hüquqi adı verilir, sonra da mötərizədə azərbaycanlılar tərəfindən adlandırılan adı.--samral ^müzakirə22:01, 24 mart 2016 (UTC)

Sizin fəliyyətiniz bu hərəkətinizə etdiyim iradın güzgüsüdür: sizi istifadəçi kimi dünən tanımamışam ki, bilməyim təqribi də olsa ki, hansı mövzularla maraqlanır və nə haqqında yazırsız. Yazdığınız cümlələrdə kobud ton hiss edilir: mümkünsə ünvanınıza yazılanları öncə diqqətlə oxuyun (... bilirəm yazdım. --- bu o demək idi ki, mən o cür düşünürəm; bildiyiniz kimi ittiham edəndə cümlə başqa cür qurulur). O ki, qaldı adlar məsələsinə hörmətli Sortilegus və Samral təklif edirəm bunu ümumi müzakirəyə çıxardın. Əgər heç kim üçün önəmi yoxdursa önəmi olmadığı üçün istənilən akademik mənbələr filan göstərilməyəcəksə ixtiyari mövqe üçün və ya istifadəçilər vaxtlarını sərf etməyi lazım bilməyəcək qədər də önəmsiz sayacaqlarsa bu ümumi müzakirədə aydın olacaq (kimin niyyəti hara mənzili də ora yəni hansı fikri elə əvvəldən dəstəkləsələr ona uyğun mənbləri də göstərəcəklər əlbəttə əgər göstərsələr). Nəticəni kütləvi şəkildə tətbiq edərsiz. Əlbəttə nəticələr mənim fəaliyyətimə dərindən təsir edəcək. Birdə ki, hörmətli Sortilegus ola bilsin yadırğamısız Ermənistan ərazisindəki adların yazılma şəkli müzakirə edilmişdi axı: mənbə bir deyil iki deyil onlarladır. Məni də bu ikili standart narahat edir: adların coğrafi-tarixi-etnoloji ədəbiyyatda işlənməsi üçün mütləq həmin bölgədən azərbaycanlılar qovulmalı və ölkə bizimlə müharibə şəraitində olmalıdır ?--Asparux Xan Bulqar (müzakirə) 23:14, 24 mart 2016 (UTC)

Nəzərinizə çatdırmaq istəyirəm ki, bu məsələ 2 əvvəl müzakirə olunmuş və müzakirə də yekunlaşdırılmışdır. Eyni mövzunu bir daha müzakirə etməyin nə mənası ola bilər? Qaydalar necə tələb edirsə, yuxarıda cənab Sortilegus və cənab Samral göstərdi və qaydaları da hamı bilir. Cənab Sabuhi from Baku da fikrini bildirdi. İndi qalır məqalələrin adlarını qaydalara uyğunlaşdırmaq. Burada hansısa müzakirəyə ehtiyac yoxdur. Qeyd etdiyim kimi 2 il əvvəl uzun-uzadı müzkirə gedib. Cənab Sabuhi from Baku nəhayət başa düşməlidir ki, bu şəxsi sayt deyil, ensiklopediyadır, məqalələrin adları ensiklopedik olmalıdır. — Bu imzasız yazı 185.40.35.122 () tərəfindən əlavə edilib; 24:23, 24 mart 2016 (UTC)

Mötərizədə rəsmi adını yazın bitsin bu iş. Tarxi ərazilərimizn adları hər yerdə dəyişdirilimiş, heç olmasa burda qalsın.--Namikilisu 13:44, 25 mart 2016 (UTC)

Namikilisu məsələyə emosianal yanaşırsız. Biz demirik axı qeyd etməyək. Qeyd edək. Ama daxilində. Tay məqalənin adında yox.--samral ^müzakirə15:41, 25 mart 2016 (UTC)

Samral bəy heç bir mənbəni ortaya çıxara bilməyəcəyiniz iddia atdız ortaya: Ermənistanda və Gürcüstanda azərbaycanlı (keçmiş və ya indiki) yaşayış yerlərini göstərən n qədər mənbə var xüsusi çoxluq Ermənistan ərazisi üzrədir. Gürcüstan üzrə isə üç elmlər doktorunun 2002 və 2006-cı illərdə qələmə aldığı mövzu üzrə araşdırma nəşri olan iki mənbə göstərmişəm (Ərcivan-Sarvan nümunə kimi). Siz buyurub müzakirəni başlada bilərsiz şəxsən mən hazıram. Akademik mənbələr icazə verdikcə adları ilk növbədə məqalə adlarında qeyd edəcəm. Kənd adlarının təsdiqi problemi görünmür əsasə olan inzibati vahid adının (2006-yadək rayon, həmin ildən bələdiyyə) işlənmə şəklidir, sizin iddianızı və ya mənim düşüncəmi göstərən (fərq etməz) etibarlı mənbələr axtarmağa ehtiyyac duyulur: sovetin dağıldığı 1991-ci ildən sonra nəşr edilmiş əsərlər (coğrafi lüğətlər, ensiklopediya və ilaxır; xüsusən milli ensiklopediyanın məzmunu maraqlıdır).--Asparux Xan Bulqar (müzakirə) 16:09, 25 mart 2016 (UTC)