Salam, Азербайджан-е-Джануби. Sizə bir sualım olacaq. Siz Azərbaycan SSR-nin dövlət quruluşu haqqında məlumatlısınız. Kim, Azərbaycan SSR-nin yüngül sənaye nazirini vəzifəyə təyin edirdi ? Birbaşa Sovet İttifaqı rəhbərliyi, yoxsa Azərbaycan SSR rəhbərliyi ? CalalC99   (mesaj) 11:04, 15 dekabr 2018 (UTC)

Salam, Toghrul R. dan 1-2-ni bura əlavə etməyimiz qaydalara zidd olmaz? Bu məqaləni sıfırdan işləməyi qərara aldım, status səviyyəsində. Düşünürəm mövcud fayl heçdə uyğun deyil. Grenzsoldat 15:00, 27 iyun 2024 (UTC)

Salam, Toghrul R. Partiya sədrliklərini aşağıya almağınız nə dərəcədə düzgündür, axı biz infoqutularda xronoloji ardıcıllıqla gedirik. - Dr.Wiki54 (müzakirə) 15:52, 12 iyul 2024 (UTC)

Vəzifələrin əhəmiyyətinə görə düzgündür. Hörmətlə, Gadir^müzakirə15:59, 12 iyul 2024 (UTC)

@Dr.Wiki54 siz həmin vəzifəni Azərbaycan SSR Prezidenti vəzifəsindən, hökumət başçılığından, Politbüro üzvlüyündən, nazir postundan da əvvələ qoymuşdunuz. Partiya sədrliyi o qədər də əhəmiyyətli deyil, nəzərə alaq ki, həmin partiyalardan ensiklopedik əhəmiyyətlə bağlı şablon da yerləşdirilib. Sıralamaya qaldıqda son partiya sədrliyi birinci qoyulmalıdır, amma Gadir də qeyd etdiyi kimi, bu dərəcədə yüksək vəzifə tutan şəxslərdə vəzifələrin əhəmiyyəti mütləq nəzərə alınmalıdır — Toghrul R (m) 19:20, 12 iyul 2024 (UTC)

@Toghrul R, bunu əsaslandıran qayda var? ASDP ensiklopedikdir. VBP isə müzakirə oluna bilər. Mütəllibovun son 20 illik fəaliyyəti elə ASDP ilə əlaqəlidir.- Dr.Wiki54 (müzakirə) 19:24, 12 iyul 2024 (UTC)

@Dr.Wiki54 xronoloji ardıcıllıqla da bağlı əsas yoxdur. Digər vikilərdə də prezidentlik və yüksək vəzifələr birinci verilir. Əgər müzakirə olunası ictimai vəzifədirsə, sual altındadırsa, avtomatik olaraq ikinci dərəcəli postdur. Bundan əlavə əgər parlamentli respublika olsaydı, razı olardım, amma bu vəzifənin heç bir əhəmiyyəti olmayıb, sadəcə de-yure adı olub — Toghrul R (m) 19:32, 12 iyul 2024 (UTC)

@Toghrul R, bu mövzuda sizinlə həmfikir deyiləm. Partiya sədrliyi təkcə parlamentli respublikalarda əhəmiyyətlidir, məgər? Necə yəni sadəcə de-jure, fakt şəxs de-facto da de-jure də sədr seçilib. Həm də 10 ilə yaxın. Prezidentlik, ok, dövlət başçısı başda verilsin buna etirazım yoxdur, amma Politbüro üzvü nazir postu bunlar AzSSR-də qalan vəzifələrdir. Əgər şəxs AzSSR-də hansısa partiya sədri olsa idi razı olardım. Bu cür hallarda respublikalara görə (AzSSR-AR, AXC-AZSSR, Osmanlı-TC) bölüb sizin dediyiniz əhəmiyyət sırasına qoymaq daha məntiqlidir. Ayaz Mütəllibov xüsusunda isə nazir olmasından daha çox oxucuya müstəqillik, son dövr fəaliyyəti oxunaqlı görsənər başda. Dr.Wiki54 (müzakirə) 19:42, 12 iyul 2024 (UTC)

@Dr.Wiki54 AzSSR-də başqa partiya sədri necə ola bilər? Üstəgəl, Politbüro SSRİ-dəki ən yüksək əhəmiyyətli şəxsləri toplayıb. Heç ora dövlət başçıları belə daxil edilə bilmirdilər. Azərbaycandan cəmi iki nəfər, Heydər Əliyev və Mütəllibov ora daxil edilib. Nazir postu isə ölkədə böyük bir sahəyə rəhbərlik etmək deməkdir. Yerli sənaye ölkənin bütün istehsal sənayesinə nəzarət edib, bu, balaca bir şey deyil. Partiya sədrliyi ciddi bir nailiyyət deyil, sizə belə ciddi görünə bilər, amma sənəd üzərində olan bir postdur. Heç partiyada sədrliyinin dəqiq günləri belə yoxdur, mənbələrdə buna ciddi əhəmiyyət verilməyib. Bu onun ensiklopedik yükünü təsdiq edir — Toghrul R (m) 20:02, 12 iyul 2024 (UTC)

@Toghrul R, yenə fərqli aspektdən baxırsınız. AzSSR-də partiya sədri olmasını misal üçün dedim. Politbüronun və digərlərinin əhəmiyyətini bilirəm. Bunu bildiyimi siz də bilirsiniz. Söhbət ondan gedir ki, SSRİ dağıldı. Biz indi, məsələn, adam SSRİ-də nazir olub, müstəqillikdə icra başçısı, nazir müavini olub deyə başa SSRİ dövrünü yazmalıyıq? Bu düzgün baxış bucağı deyil axı. Hə, sizinlə orada razıyam ki, SSRİ dövrü üçün ən başda politbüro, AzSSR prezidenti, AKP birinci katibi ən başda ola bilər, amma Mütəllibovun fəaliyyəti bununla məhdud deyil. 1992-dən sonra da fəaliyyət göstərib və titulları olub. Dəqiq günləri var və də var. Əslində 2015-ə qədər bu mənbələr daha çox idi, lakin sonradan saytlar "bilinməyən" səbəbdən arxivlərini təmizlədilər. İndi əlimizdə çox az mənbə var. Partiya sədrliyinin ciddi nailiyyət olduğunu iddia etməmişəm. Majoritar seçki sistemindən istifadə edirik deyə azvikidə partiyalara belə biganə yanaşmanı doğru hesab etmirəm. Faktiki müstəqil Azərbaycan tarixinin ilk partiyalarından biridir ASDP. Mütəllibovun onun başına keçdiyi dövr isə xüsusi səciyyəvi əhəmiyyət daşıyırdı, çünki partiyadan prezidentliyə namizədliyini irəli sürmüşdü və dövrün mətbuatında bu geniş işıqlandırılıb. Həmçinin, "vəzifə" anlayışı sadəcə dövlətlə və AKP ilə məhdud qalmalıdır. Bunu da sizin "partiya sədri", "partiya sədr müavini" vəzifələrini silmənizə ithafən deyirəm. Bəzən bunu "ensiklopedik partiya deyil" deyə silirsiniz (bununla qismən razı ola bilərəm), bəzən də "ensiklopedik vəzifə deyil" deyirsiniz, hansı ki partiya ensiklopedikdir və məqaləsi var. "Vəzifə" olaraq ensiklopedik və əhəmiyyətli ictimai birliklər, cəmiyyətlər də göstərilə bilər. Digər vikilərdə də partiya sədri (məqaləsi olsun ya da olmasın), partiya sədr müavini (məqaləsi olsun ya da olmasın), ensiklopedik ictimai birlik, cəmiyyət sədri vəzifə olaraq infoqutulara əlavə olunur. AzVikidən Azərbaycan Sovet Ensiklopediyası və ya AME yaratmağa nə gərək var? Nəysə: Qısası, mənim təklifim və fikrim belədir: vəzifə tutduğu dövlətlər (B xələf- A sələfdirsə) xronolojik olaraq başda B dövlətindəki tutduğu vəzifələr sonda A dövlətindəki dövrdə tutduğu vəzifələr. Həm A, həm B dövləti üçün də daxilindəki əhəmiyyət sıralaması üçün sadəcə hökümət və dövlət başçısı statusu fərqləndirilib istisnasız başa yazılsın, qalanları xronoloji ardıcıllıqla. Dr.Wiki54 (müzakirə) 21:04, 12 iyul 2024 (UTC)

@Dr.Wiki54 Göstərdiyiniz nümunədə yuxarıdan aşağı yazılacaq, yəni icra başçısından nazirə doğru. Bu qəbildən işlədiyim səhifələr də var. Amma hökumət, dövlət başçısı səviyyəsində vəzifələr varsa, onlara üstünlük verilir. Məsələn, Sadıq Rəhimov da NS sədri olub deyə onu ən birinci yazmışam, çünki hamı onu o vəzifədə tanıyır. O ki qaldı Azərbaycandakı siyasi partiyalara, reallıq ondan ibarətdir ki, onlardan bir çoxunun heç ictimai birlikdən fərqi yoxdur. Bu məqalədəki partiyalar da özlərini saxlaya bilmədilər, bu onların əhəmiyyətini sübut edir. Normal mənbələr də yoxdur, çünki fəaliyyətləri yoxdur. Mütəllibov Moskvadan distant şəkildə partiyalara rəhbərlik edib (birində iki sədrdən biri olub). Burada hansı əhəmiyyətdən danışa bilərik? Baxın, hansısa Vikipediya bölməsində Azərbaycan siyasi partiyalarına hansısa şablonda üstünlük verilir? Bir-ikisində, YAP, Müsavat, AXCP kimi. Yalnız həmin partiya onun vəzifə tutmasına əsas olubsa, onda verilir. Mənim Azvikini ASE, AME eləmək fikrim yoxdur, yazılarımda senzura qətiyyən olmur, amma sizin də bu qədər siyasi partiyalara üstünlük verməyiniz o istiqamətə üstünlük verdiyinizi göstərir, bu da balansı pozur. Vaxtilə Azvikidə kinolarla bağlı da belə balans problem olub. Onu da qeyd edim ki, şablonda onsuz da partiya üzvülüyü ilə bağlı parametr var, o doldurulub. Yəni bir şablonda partiya ilə bağlı bu qədər nüanslara gərək yoxdur. — Toghrul R (m) 07:30, 13 iyul 2024 (UTC)

@Toghrul R, yəni birinci icra başçısı elə mi? Elə də olmalıdır əslində. Dediyim kimi hökumət və dövlət başçısı aid olduğu dövlətdə ən başda yazılsın, burada absurdluq yoxdur. Majoritar sistemdə olduğumuz üçün fəaliyyət dairəsi məhdud ola bilər və bələdiyyə sistemi olmadığı üçün (Rusiya və Türkiyənin əksinə). "Özlərini saxlaya bilmədilər" deyəndə ki, hər partiyanın güclü dövrü və zəif dövrü ola bilər. Ləğv olunanlardan ən önəmlisi elə ASDP idi. Partiya SOSİNTERN üzvü idi və bu qurumun indiyədək üzvü olmuş yeganə Azərbaycan partiyası idi. Xeyr, normal mənbələr yoxdur, çünki heç kim Azərbaycanca vikipediyada bu mövzuları işləmir. Gəlin mənim işlədiyim 3 partiya məqaləsini mənə qədər və məndən sonra olaraq müqayisə edək (burada mövzu mən deyiləm, sadəcə işlənməsini göstərirəm): AMİP və , ƏHD Partiyası və , Vəhdət Partiyası və . Partiyalar arasına Müsavat, AXCP və YAP işlənilib SM səviyyəsinə, ADP, ASDP və REAL isə YM səviyyəsinə gətirilə bilər. Bunun üçün n qədər mənbə var. Moskvadan distant da olsa idarə edirdi ilk uzaqdan mitinq keçirən şəxs olub 2005-də. Quliyev də ADP-ni 9 il uzaqdan idarə etdi. İki sədrdən biri isə politik korrekt ifadə deyil. Buna həmsədr deyilir, adətən yaşıl, sol, sosial-demokrat partiyalarda belə olur. Bax: Xalqların Demokratik Partiyası (Türkiyə), Die Linke və s. Hansısa Vikipediya bölməsindən nümunə gətirməyə nə hacət var? Bizim Azərbaycanca vikipediyada siyasətlə əlaqəli məqalələr hansı vəziyyətdədir ki digərlərində də hansı vəziyyətdə olsun? Bunun səbəbləri məlumdur insanlar bu mövzudan çəkinir və ya maraqlanmır. Mən siyasi partiyalara filan üstünlük vermirəm. Sadəcə faktı müdafiə edirəm. O ki qaldı balansa, xatırladım ki, qeyri-ensiklopedik şəkildə doldurular partiya məqalələrini SNS etdirən ya mən olmuşam ya Samral. Çox vaxt da Samralın bu fikirlərini müdafiə etmişəm. Nüans deyil, tituldur, infoqutuda parametr "Partiyası"dır, "Sədri olduğu partiyalar" deyi ki. Dr.Wiki54 (müzakirə) 09:02, 13 iyul 2024 (UTC)

@Dr.Wiki54 mən töhfələrinizə görə sizə ancaq təşəkkür edə bilərəm. Qeyd etdiyim kimi, yalnız q/e partiyaları şablondan çıxarıram, amma məsələn, Fəzail İbrahimli kimi səhifələrdə bu barədə məlumatın verilməsi düzgündür. Əhəmiyyət az olduqda isə aşağıda verirəm. Burada da elə, şablondan çıxarmamışam, sadəcə yerini dəyişmişəm. Həm şablonda ən yuxarıda olsun, həm şablonun şəxsi məlumatlar bölməsində olsun – bu, mənə görə artıqdır. İki dəfə vurğulamaq lazım deyil — Toghrul R (m) 09:27, 13 iyul 2024 (UTC)

@Toghrul R, təşəkkür, mən də sizin töhfələrinizi daim böyük rəğbətlə izləyirəm. Fəzail İbrahimlidə problem yoxdur, burada ziddiyətli olan sizin fikirlərinizdir. "Fikrimcə, sədr və həmsədrlikdən başqa bütün bu cür məlumatlar şablonlardan çıxarılaraq mətnə köçürülməlidir. İstənilən şəxs gedib hansısa partiyaya üzv olub qısa müddət sonra müəyyən vəzifəyə sahib ola bilər." yazmışdınız burada, indi fərqli fikri müdafiə edirsiniz. Bu məqalə xüsusunda isə titulu çox aşağı atmısınız. 1979-un belə altındadır. Bu oxunaqlı da görsənmir. Şablonda iki dəfə olmur ki? Biri partiya üzvlüyüdür, biri vəzifə. Məsələn: Kamal Kılıçdaroğlu CHP sədri olub, amma 1 ildir sədr deyil siravi üzvdür. Dr.Wiki54 (müzakirə) 18:19, 13 iyul 2024 (UTC)

@Dr.Wiki54 çox sağ olun. Əgər partiyadan deputat seçilibsə, niyə də göstərilməsin? Amma maliyyə naziri 30 il sonra hansısa partiyada 3 gün sədr müavini olubsa, o halda mənası qalmır. Üstəgəl, siz Türkiyədən (keçmiş parlamentli respublikadan) nümunə göstərirsiniz. CHP ilə eyni tərəziyə gəlməyən partiyaları müqayisə etmək lazım deyil, fikrimcə.

Əslində, digər vikilərdəki standartlara baxdıqda görmək olar ki, şəxs yaşayırsa, vəzifələr xronoloji olaraq düzülür, yox, əgər ölübsə, əhəmiyyətə görə. Bu halda isə VBP, ASDP şablondakı ən aşağı əhəmiyyətli olduğu üçün ən aşağıda verilməsi məqsədəuyğun olur — Toghrul R (m) 06:17, 14 iyul 2024 (UTC)