Müslüm Maqomayevin abidəsi — Azərbaycanın paytaxtı Bakı şəhərində Dənizkənarı Milli Parkda görkəmli Azərbaycan müğənnisi və bəstəkarı Müslüm Maqomayevin xatirəsinə ucaldılmış abidə
| Müslüm Maqomayevin abidəsi | |
|---|---|
 | |
| Ölkə | Azərbaycan |
| Yerləşir | Bakı |
| Ünvan | Bakı Dənizkənarı Milli Park |
| Heykəltaraş | Ömər Eldarov |
| Sifarişçi | Azərbaycan Prezidenti |
| Hündürlüyü | 2 metr |
| Həsr olunub | Müslüm Maqomayev |
| Material | bürünc |
| Saxlanıldığı yer | |
Prezident İlham Əliyev 2020-ci il martın 12-də Azərbaycan musiqi mədəniyyəti xəzinəsinin zənginləşdirilməsinə dəyərli töhfələr vermiş fitri istedada malik görkəmli sənətkar, dünyaşöhrətli opera və estrada müğənnisi, SSRİ Xalq artisti Müslüm Maqomayevin xatirəsinin əbədiləşdirilməsi ilə bağlı Sərəncam imzalayıb. Həmin Sərəncama əsasən ucaldılan abidənin müəllifi Xalq rəssamı, heykəltaraş Ömər Eldarovdur. Bürüncdən hazırlanan abidənin hündürlüyü 2 metrdir. Abidənin önündə Azərbaycan və ingilis dillərində hazırlanan müvafiq məlumat lövhəsi quraşdırılıb.
Açılışı
Avqustun 17-də Bakının Dənizkənarı Milli Parkında dünyaşöhrətli müğənni Müslüm Maqomayevin abidəsinin açılışı olub. Açılışda Azərbaycan Respublikasının Prezidenti İlham Əliyev və birinci xanım Mehriban Əliyeva, Müslüm Maqomayevin həyat yoldaşı Tamara Sinyavskaya, Fərhad Bədəlbəyli və başqaları açılışda iştirak ediblər.
Həmçinin bax
İstinadlar
- Mədəniyyət TV. . medeniyyettv.az. 18 August 2022 (). 24 August 2022 tarixində . İstifadə tarixi: 24 August 2022.
- . 2022-08-17 tarixində . İstifadə tarixi: 2022-08-18.
- . www.trthaber.com. 18 August 2022. 24 August 2022 tarixində . İstifadə tarixi: 24 August 2022.