Əkbərov Mübariz Səməd oğlu 1955-ci il aprel ayının 2-də Gəncə şəhərində anadan olmuşdur. 1971-ci ildə Gəncə şəhəri Rəssamlıq Məktəbini, 1975-ci ildə isə Gəncə şəhər pedaqoji texnikumunun rəssamlıq fakültəsini bitirmişdir. 1980-ci ildə M.Əliyev adına İncəsənət İnstitutunun Rəssamlıq fakultəsinə daxil olmuş, 1985-ci ildə bitirmişdir. Mübariz Əkbərov 30 ildən çoxdur ki filiqran işləmələri ilə məşğuldur və o, Danimarka, İngiltərə, Almaniya, Fransa, Türkiyə və Rusiyada təşkil olunmuş bir sıra beynəlxalq sərgilərin iştirakçısı olmuşdur. O, 1997-ci ildən Azərbaycan Rəssamlar İttifaqının üzvüdür, yaratmış olduğu əsərlər bir sıra müzeylərdə və şəxsi kolleksiyalarda saxlanılır. Ailəlidir, 2 övladı, 2 nəvəsi var.

• 1995-ci ildə Bakı şəhərində fərdi sərgisi təşkil olunmuşdur
• 2001-ci ildə Gəncə şəhərində fərdi sərgisi təşkil olunmuşdur
• 2003-cü ildə Bakı şəhərində "Sənət İnciləri" adlı fərdi sərgisi təşkil olunmuşdur
• 2004-cü ildə Gəncə şəhərində fərdi sərgisi təşkil olunmuşdur
• 2005-ci ildə Bakı şəhərində fərdi sərgisi təşkil olunmuşdur
• 2006-cı ildə Gəncə şəhərinin 2500 illiyinə həsr olunmuş fərdi sərgisi təşkil olunmuşdur
• 2007-cü ildə Şəki şəhərində "Sənət İnciləri" adlı fərdi sərgisi təşkil olunmuşdur
• 13-21 fevral 2010-cu il tarixində Londonda Viktoriya Və Albert müzeyində keçirilən Azərbaycan Mədəniyyəti günləri çərçivəsində 22 əl işindən ibarət sərgisi təşkil olunmuşdur
• 2011-ci ildə Fransanın Dijon şəhərində əl işlərinin fotosərgisi təşkil olunmuşdur
• 2-12 iyun 2016-cı il tarixində Bakı şəhəri, Azərbaycan Xalça Müzeyində 1-ci Beynəlxalq Türk Dünyasının Ortaq Dili-Naxışlar simpoziumu çərçivəsində Metalda Həkk Edilmiş Gözəllik adlı fərdi sərgisi təşkil olunmuşdur
• 28 noyabr 2017-ci il tarixində Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində “Gəncəli sənətkarın gözəllik dünyası” sərgisinin açılışı olub.

• 1993-cü ildə Bakı şəhərində təşkil olunmuş "Azərbaycan Folkloru" müsabiqə sərgisində 2-ci dərəcəlidiploma layiq görülmüşdür
• 1996-cı ildə Bakı şəhərində təşkil olunmuş "Dekorativ Tətbiqi Sənət" üzrə müsabiqə sərgisinin laureatı və qalibi olmuşdur
• 1999-cu ildə "Dədə Qorqud-1300" müsabiqə sərgisinin laureatı və qalibi olmuşdur
• 10 oktyabr 2008-ci ildə Bakı şəhərində Ulu Öndər Heydər Əliyevin anadan olmasının 85 illik yubileyinə həsr olunmuş "Rəngkarlıq və Tətbiqi İncəsənət" müsabiqə sərgisinin qalibi olmuşdur

• 2017-11-29 at the Wayback Machine
• ^{[ölü keçid]}

• ^{[ölü keçid]}

1. (az.). 2023-08-01 tarixində . İstifadə tarixi: 1 dekabr 2017.