Lyu Vanq 1969-cu il martın 25-də Şensi əyalətinin Pinyao qəzasında doğulmuşdur. 1988-ci ildən Çin Xalq azadlıq ordusunda hərbi-hava qüvvələrinin təyyarəçisi (pilotu) kimi xidmət edir. Heyət komandiri vəzifəsində xidmət etmişdir. Çin Xalq Respublikası Hərbi-Hava Qüvvələrinin Baş polkovniki. Çin Kommunist partiyasının üzvü (1988-ci ildən).

5 yanvar 1998-ci ildə Şençjou kosmik proqramında iştirak etmək üçün kosmonavt dəstəsinə seçilir. ÇXAO-nun kosmonavt heyətinin ikinci dərəcəli kosmonavtı olur. 2012-ci ilin martında orbital modul operatoru qismində “Şençjou-9” kosmik gəmisinin ekipajının tərkibinə daxil olur. 2012-ci ilin 16-29 iyununda özünün ilk kosmik uçuşunu həyata keçirir. İyunun 18-də “Şençjou-9” kosmik gəmisi avtomatik rejimdə “Tyanqun-1” orbital moduluna biləşdirildi, iyunun 24-də söküldükdən sonra, Lyu Vanq tərəfindən idarə olunan mexaniki qoşulma həyata keçirildi. Uçuş 12 gün 15 saat 25 dəqiqə 24 saniyə davam etdi.

2012-ci ilin oktyabrında ÇKP MK-nin, ÇXR Ali Soveti-nin və Baş hərbi sovetin qərarı ilə Lyu Vanqa “Qəhrəman kosmonavt” fəxri adı verildi. O həmçinin III dərəcəli “Kosmonavtika sahəsindəki xidmətlərinə görə” ordeni ilə təltif olundu.

• at the . Accessed 23 July 2005.