Bədənin uzunluğu 6,9-10 mm, eni 0,5-0,7 mm-dir. Qarın sormacı böyükdür, diametri 0,77х0,90 mm, ağız sormacı isə girdə formadadır, diametrи 0,43-0,51 mm olub, bədənin ön qurtaracağından 1,29-1,67 mm məsafədə yerləşir. Sormaclar arasında məsafə 0,86-1,16 mm-dir. Farinks demək olar ki,girdədir, diametri 0,25 mm-dir. Bağırsaq şaxələri bədənin arxa qurtaracağına çatmır. Toxumluqlar, yumurtalıqlar və qarın sormacları arasında yerləşir. Onlar demək olar ki, dairəvi formadadırlar. Toxumluqların diametri 0,21-0,30, arxa 0,25-0,34 mm-dir. Yumurtalıq bütöv kənarlıdır, diametri 0,34-0,47 mm olub, arxa toxumluğun arxasında yerləşib. Qarın sormacından 0,81-1,59 mm məsafədə yerləşir. Cinsi dəlik bağırsağın şaxələnmiş səviyyəsində yerləşir. Cinsi bursanın uzunluğu 0,45 mm, eni isə 0,30 mm-dir. Balalıq bədənin arxa hissəsini bütövlükdə örtür. Sarılıqlar bərabər əsivyyədə arxa toxumluğun ön kənarlarından başlayıb, müxtəlif səviyyədə qurtarırlar. Yumurtalıqların uzunluğu 0,032 mm, eni isə 0,024 mm-dir.

Azsaylı növdür, növdaxili müxtəlifliyi politipdir, Parazit orqanizm olub quşların (Alectoriskakelik və Phasianus cachicus) qara ciyərdə yaşayır. Mürəkkəb həyat tərzi keçirir. Nəsillərin növbələşməsi və sahiblərin dəyişilməsi ilə müşayiət edilir. Qara ciyər toxumları ilə qidalanır. Düşmənləri yoxdur. Hermafrodit orqanizmdir. Cinsi çoxalması yumurta qoyma (nəsil dəyişkənliyi) və qeyri-cinsi çoxalma (partenogeniz) formasında olur. Ontogenezi məlum deyil. Reproduktivliyi və Xromosom göstəriciləri öyrənilməmişdir. Üçüncü dərəcəli konsumentdir. İnsan həyatına təsiri məlum deyil. Mühafizəsinə ehtiyac yoxdur.

Dünyada 30, Qafqazda 4, Azərbaycanda 9 növü yayılıb. Əsasən Bolqarıstan, Özbəkistan, Ermənistan мэ Azərbaycanda (Qəbələ rayonu) yayılmışdır.