Lopopeysa və ya İsland sviteri, İslandiyada üst geyim növü.

Sviter stilində toxunan lopopeysa XX əsrin ortalarında İslandiyada meydana gəlmişdir. O zaman İslandiya bazarına xarici məhsulların kütləvi idxalı nəticəsində yerli istehsal məhsulları tamamilə sıxışdırıldı. Ölkədə istehsal olunan qoyun yunundan səmərəli istifadə olunması istiqamətində aparılmış araşdırmalar nəticəsində lopopeysa geyim növü yaranmışdır. Tezliklə bu geyim island qadınlarının böyük maraq göstərdikləri milli kostyumlardan birinə çevrildi. Hazırda lopopeysadan təkcə qadınlar deyil, kişilər də istifadə edirlər.

Lopopeysanın toxunması üçün yalnız qoyun yunundan istifadı olunur. Lopopeysa üçün ənənəvi rənglər qara və ağ rənglər hesab olunsa da, hazırda İslandiyada müxtəlif rənglərdə lopopeysalara rast gəlmək mümkündür. Qalın və qaba yundan toxunan İslandiya lolopeysası qış üçün adi geyim parçasıdır, bədəni çox isti saxlayır. Paltarın ön və arxa tərəfləri arasında heç bir fərq yoxdur .

Bəziləri səhvən lopopeysanı Norveç sviteri də adlandırsalar da, onlar bir-birindən dizayn və naxış baxımından fərqlidirlər.İslandiya lolopeysası üçün boyun və çiyin ətrafında çox rəngli dəyirmi boyunluq tipikdir. İslandiyada Lopopeysa ənənəsi 20-ci əsrin əvvəllərində daha qalın yundan istifadə etməyə cəhd göstərilməsi ilə başlanılmışdı. Bu təcrübələrlə bağlı ilk məqalə 1923-cü ildə İslandiyada meydana çıxmışdı.