Qazaxıstanda doğulmuşdur. Yaroslavl Teatr İnstitutunu dram teatr aktrisası kimi bitirmişdir. Birinci Çeçenistan müharibəsi başlamazdan əvvəl Qroznıda bir mədəniyyət mərkəzinin müdiri olaraq çalışır, sonra köçür və Moskvada yaşayır. Anna Politkovskayanın Novaya qazetadakı nəşrlərindən sonra məşhurlaşır. 2009-cu ildə parlamentin spikeri onu vətənə qayıtmağa çağırdıqdan sonra Liza Umarova Çeçenistana qayıtmağa çalışır. Lakin iqtisadi səbəblərdən və böyük qardaşının öldürülməsindən sonra yenidən Moskvaya köçmək məcburiyyətində qalır. 2012 -ci ildə Finlandiyaya qastrol səfərinə gedərək oradan siyasi sığınacaq istəyir.

Liza Umarova İkinci Çeçen müharibəsi zamanı kitab almaq üçün getdiyi Çeçenistana etdiyi başqa bir səfərdən sonra mahnı oxumağa və mahnı yazmağa başlayır. Müsahibələrində işinin əsas ideyasının "müharibəni dayandırmaq, insanlara kömək etmək, orada (Çeçenistanda) olanları insanlara çatdırmaq" istəyi ilə bağlı olduğunu söyləyir. Müxtəlif mənbələrə verdiyi müsahibədə Liza Umarova, mahnılarının populyar olmasına baxmayaraq, tamaşaların təşkili ilə bağlı çətinliklərdən danışır. 2006-cı ildə Saxarov May bayramında iştirak edir.

2016-cı ilin mart ayında Helsinkidəki STOA mədəniyyət mərkəzində portuqaliyalı rejissor Luis Raposo da Kruz tərfindən müğənninin "Marşo" ("Azadlıq") adlı tək adamlıq şousu təşkil olunur.

Moskvaya köçdükdən sonra Liza Umarova millətçilər tərəfindən təqib edilir. Onu və uşaqlarını qisas almaqla hədələyirlər. 5 sentyabr 2005-ci ildə Moskvada Liza Umarova və 15 yaşlı oğluna hücum edilir. Məhkəmə zamanı hücum edən millətçi tələbələri etnik nifrət və düşmənçilik salmaqda günahlandırılır..

2012-ci ildə musiqi festivalına gedən Liza Umarova uşaqları ilə birlikdə Finlandiyadan siyasi sığınacaq istəyir. Liza Umarova mətbuata, uzun müddət ərzində ilk dəfə olaraq orada özünü azad hiss etdiyini şərh edir.

• Зайнаб Ахмедрахимова. . 2015-06-06 tarixində . İstifadə tarixi: 2015-06-06.