21 oktyabr 2004-cü ildə sədri İbrahim əl-Huri Ukraynanın paytaxtı Kiyevdə keçiriləcək 2005 Avroviziya Mahnı Müsabiqəsində Livanın da iştirak edə biləcəyini açıqlamıştır. 3 noyabr 2004-cü ildə Livanı Avroviziyada təmsil etmək məqsədilə dövlət televiziyası tərəfindən təyin olunduğu bildirildi. 2005-ci ilin fevral ayının ikinci həftəsində mahnının İngiliscə və ya Fransızca olacağı bildirildi, çünki Alin Lahud hər iki dildə də yaxşı danışırdı. Sonradan mahnının şərq-qərb sintezində olduğu və mahnının dilinin fransızca olacağı bildirildi. Mahnı fevral ayının ortalarında seçilmişdi və müəllifləri Cad Rəhbani və Romeo Lahud idi. Alin Lahudun mahnını 19 may 2005-ci ildə keçiriləcək yarımfinalda ifa etməsi planlaşdırılmışdı.

15 dekabr 2004-cü ildə Livan dövlət televiziyası iqdisadi problemlərə görə yarışmadan imtina etdiklərini bildirdi və bunun İsrail ilə olan siyasi anlaşmazlıqlara görə olduğunu təkzib etdi. Lakin beş gün sonra Avropa Yayım İttifaqı (EBU), Tele Liban ilə razılaşma əldə etdi və Livanı rəsmi iştirakçılar siyahısına daxil etdi.

2005-ci ilin mart ayının ilk günlərində Livanın rəsmi Avroviziya saytı İsraili iştirakçılar siyahısında göstərmədi. AYİ Livanın dövlət televiziyasına problemin həlli üçün 24 saat vaxt verdi, əks halda Livanın müsabiqədən kənarlaşdırılacağını söylədi. Buna görə də sayt iştirakçıların siyahısını tamamilə silərək yerinə Avroviziyanın rəsmi saytına istiqamətləndirilən bir link yerləşdirdi. Mart ayının sonlarına doğru AYİ, İsrailin çıxışı da dahil olmaqla bütün yarışmanı fasiləsiləsiz yayımlamasının zəmanətini istədi. Tele Liban buna zəmanət verə bilmədi. Buna görə də telekanal 18 mart 2005-ci ildə müsabiqədən imtina etdiyini bildirdi. Livan qanunları İsrail ilə əlaqədar məzmunun Livan kanallarında yayımlanmasını qadağan edirdi. Tele Liban internet saytında İsrail təmsilçisinin çıxışının yayınlamasına icazə verilmədiyini və bunun da 2005 Avroviziya Mahnı Müsabiqəsinin qaydalarına zidd olduğunu, buna görə də yarışmadan imtina etməli olduqlarını bildirdi. Bundan sonra müsabiqədə iştirak etməyi planlaşdıran Alin Lahud çox məyus olduğunu bildirdi. O vaxtın Avroviziya başçısı ən çox Alin Lahuda görə təəssüfləndiyini bildirdi. Tele Libanın son imtina tarixi olan 15 dekabrdan haradasa üç ay sonra imtina etməsinə görə telekanal cəzalandırıldı. Kanalın ödədiyi iştirak haqqı qaytarılmadı və üç il müsabiqədə iştirakdan məhrum edildi.

Üç illik qadağaya görə Livan 2009 Avroviziya Mahnı Müsabiqəsinə qədər yarışmada iştirak edə bilmədi.

Kipr Respublikasından olan Xristos Yannopulos adlı bir bəstəkar Livana "Sülh Körpüsü" adlı bir mahnı göndərmək istədi, lakin Livan müsabiqədə iştirak etmədiyi üçün mahnını Türkiyə təmsilçisi Sibel Tüzünə göndərdi. 2007-ci ildə Livan əsilli ingilis müğənni 2008-ci ildə Livanı yarışmada təmsil etmək istədiyini bildirdi. Bunu cəzası olmayan, AYİ-yə üzv olan digər Livan televiziyalarından biri ilə edəcəkdi. Mika 2009-cu ildə Tele Libanın cəzasının bitməsindən sonra da ölkəsini təmsil edib qalib olmağa hazır olduğunu bildlrməsinə baxmayaraq Mikanın istəyi heç reallaşmadı və Livan dövlət televiziyasının cəzasının sona çatmasından sonra belə yarışmada iştirak üçün müraciət edilmədi. 2009-cu ildə o vaxtın Avroviziya başçısı Svante Stokselius Livanı hər il yarışmaya dəvət etdiyini, lakin iqtisadi problemlərini əsas göstərərək müsabiqədə iştirak etmədiklərini bildirdi.2012-ci ildə də Livan yarışmada iştirak üçün müraciət etməmişdir.

2007-ci ildə Nibras Media Ltd. adlı bir təşkilat Avroviziyanın bir bənzərini Orta Şərq ölkələri arasında keçirmək üçün təşəbbüs etdi və Livana bu müsabiqədə iştirak üçün dəvət göndərdi.

• Avroviziya Mahnı Müsabiqəsi