Lemuriya — Hind okeanında mövcud olmuş mifik adadır. "Lemuriya" adasının adı Madaqaskar adasında yaşayan və başqa heç bir yerdə rast gəlinməyən primat dəstəsinin nümayəndəsi olan lemurlardan götürülüb. Məhz bu fərziyyədən Madaqaskar adasının əvvəllər Lemuriyanın bir hissəsi olduğu iddia edilir. İlk dəfə Lemuriya adasının mövcudluğu haqda fərziyyəni 1864-cü ildə ingilis zooloqu Filip Latli Skleyter irəli sürmüşdür. Onun fərziyyəsinə görə, bu adada insan ilə meymun arasında təkamül prosesi baş vermişdir.