Lavintəpə — İranın Qərbi Azərbaycan ostanında, Zab hövzəsinin şimalında, Urmiya gölünün cənubunda yerləşir. Bu təpə təxminən 1.5 hektarlıq bir əraziyə və 15 m yüksəkliyə malikdir. Piranşəhrin 4 km şərqində yerləşir. Keçmişdə, təpə daha böyük idi, ancaq şimaldakı təpə kənd təsərrüfatı-mədəni fəaliyətlər səbəbi ilə dağıdılmışdır. Bir ön araşdırmanın səthi tapıntıları, Lavintəpənin neolit, eneolit və dəmir dövründə məskunlaşıldığını göstərir. Əlavə olaraq səthi araşdırmalara görə, Lavintəpə İranın şimal-qərbindəki tarix öncəsi dövrlərini və bundan əlavə Dalma mədəniyyətinin memarlıq üslubunu və keramikasını incələmək üçün uyğun bir yerdir.