Ali Lappeenranta İqtisadiyyat Məktəbi adı ilə 1969-cu ildə fəaliyyətə başlayan ali məktəb 2002-ci ildən universitet statusu alaraq Lappeenranta Texnologiya Universiteti adlandırılıb.

Lappeenranta Texnologiya Universiteti özündə biznes və texnologiyaları birləşdirmiş ilk texnologiya universitetidir. Ali məktəb texniki sahə üzrə peşəkar kadrlar yetişdirməklə yanaşı qlobal iqtisadi və ekoloji problemlərin həlli yollarını təklif edir. LTU tələbələrin akademik düşüncəsini inkişaf etdirir və karyera boyunca müvəffəqiyyət üçün peşəkar bacarıqların möhkəm bünövrəsini formalaşdırır.

Lappeenranta Texnologiya Universitetində texnologiya, mühəndislik-iqtisadi və biznes məktəbi fakültələri fəaliyyət göstərir.

Ali təhsil ocağının fakültələrinin hər biri magistratura, doktorantura və tələbə mübadiləsi proqramlarını təklif edir.

Enerji effektivliyi və energetika texnologiyaları, istehsal və metalların emalı,həmçinin elmi hesablamalar və hadisələrin modelləşdirilməsi texnologiya fakültəsinin əsas istiqamətləridir.

Mühəndislik-iqtisadi fakültənin fəaliyyəti innovasiyalar və informasiya texnologiyaları sahəsində biliklərə yönəldilib.

Biznes Məktəbi fakültəsində qlobal bazarda müəssisələrin möhkəm rəqabət üstünlüyünün təmin olunması, biznesin müxtəlif formaları üzrə kadrlar hazırlanır. LTU-da on bir magistr proqramı mövcuddur, təhsil ingilis dilində aparılır. Bu proqramlar texnologiyalar və biznes-inzibatçılıq sahəsində 18 əsas ixtisası özünə daxil edir.

LTU texniki elmlər magistri tələbələrə texnologiyalar sahəsində beynəlxalq magistr proqramları, yüksək səviyyəli texnologiya biliklərini verir.

Universitetin texnologiya üzrə beynəlxalq magistr proqramları energetika, maşınqayırma, sənaye idarəetməsi, kimya və texnoloji proseslər, informasiya texnologiyaları, riyaziyyat və texniki fizika və digər istiqamətlər üzrə ixtisaslaşıb. Proqramlardan bəziləri Avropa Birliyi vətəndaşı olmayan tələbələr üçün ödənişlidir. Belə proqramlarda təlim ildə 7000-8000 avro təşkil edir.

• Qəbul üçün dil tələbləri:
• TOEFL (IBT = Internet Based Test, PBT = Paper Based Test)
• Minimal bal: 80 IBT və 550 PBT
• IELTS Academic
• Minimal bal: 6.0
• CAE/CPE (Cambridge Certificate in Advanced English/Cambridge Certificate of Proficiency in English)
• Uyğun ballar: A, B və ya C
• PTE Academic
• Minimal bal: 54

Doktoranturda təlimlər beynəlxalq standartlara uyğundur və müdafiə müddətləri doktorantın hədəflərinə əsasən qurulur. Müvəffəqiyyətli doktorantların seçimi akademik meyarlarla təmin olunur.

Universitetin doktoranturası universitetdaxili proqramlardan tutmuş milli və beynəlxalq təhsil proqramlarına qədər universitetin bütün elmi sahələrini əhatə edən doktorluq proqramlarını özünə daxil edir.

Universitetdə biznesin və informasiya texnologiyalarının müxtəlif sahələri üzrə elmi-tədqiqat işləri həyata keçirilir. Tədqiqatçılar elmi qruplarda və bölmə laboratoriyalarında işləyirlər. Hər bölmədə fundamental, həm də tətbiqi tədqiqatlar aparılır. Əsas üstünlük tətbiqi tədqiqatlara verilir.

Tədqiqat bölmələri: EKi - Cənubi-Karel İnstitutu, CST - separasiya texnologiyaları mərkəzi, TBRC texnologiya biznesinin tədqiqat mərkəzi, NORDI - Şimal Ölçüsü tədqiqat mərkəzi, CDMC - Karel elmi motorlu-ötürücü mərkəzi, CEID- lahiyələşdirmə və inteqrasiya edilmiş dizayn kompüter mərkəzi.

LTU energetika sektorunda 40% bazar payına malik olmaqla fin universitetləri arasında xüsusi mövqeyə malikdir. Universitet tədqiqatlar və təhsil üçün unikal mühit yaradaraq “Yaşıl universitet şəhərciyində” informasiya texnologiyaları və elektroenergetika sahəsində bilik və bacarıqları təcəssüm etdirir.

LTU biznes cəmiyyəti ilə sıx əlaqələrə malikdir. İctimai-iqtisadi reytinqlərə əsasən bu əməkdaşlıq yüksək səviyyədə həyata keçirilir. Universitet elmi araşdırmalar vasitəsilə biznes fəaliyyətin təşkilinə imkan yaradır.

Ali təhsil ocağının tədqiqat fəaliyyəti beynəlxalq standartlara uyğun olaraq müsbət qiymətləndirilir. Təsadüfi deyil ki, Lappeenranta Texnologiya Universiteti Finlandiyada elmi araşdırmaların nəticələrinin kommersiyalaşdırılması sahəsində pionerdir.

LTU sənaye müəssisələri və beynəlxalq universitetlər arasında strateji əməkdaşlığın yaradılması üzrə ixtisaslaşıb.

Ənənəvi elmi-tədqiqat layihələrinin nəticələri layihədə iştirak edən şirkətlərə və başqa əlaqədar tərəflərə satılır və ya lisenziyalaşdırılır.

Bir sözlə, LTU texnologiyalar və biznes sahəsində keyfiyyətli elmi araşdırmaları ilə məşhur olan beynəlxalq elmi cəmiyyətdir. Universitetin tədqiqatlarında yüksək akademik səviyyə, münasiblik və tətbiq birləşir.

Universitetin hamı üçün açıq olan elmi kitabxanası çox sahəli ixtisaslaşdırılmış kitabxana hesab edilir. Avropa Birliyinin məlumat bazalarına malik olan kitabxana regionun aparıcı elektron kitabxanalarından biridir.

Elmi kitabxana çap və elektron ədəbiyyatın, həmçinin dövri mətbuatın geniş spektrinə malikdir.

Ali təhsil ocağında bir sıra mərkəzlər yaradılıb. Bu mərkəzlərdən biri olan universitetin personalın seçimi üzrə xidmətlər mərkəzi işəgötürənlərə yeni ixtisaslaşdırılmış mütəxəssisləri asanlıqla tapmaq imkanı verir.

Mərkəz vasitəsi təcrübə keçmə, müəssisədə layihə üzərində iş və daimi iş üçün tələbələrin seçimi təqdim edilir. Həmçinin mərkəz beynəlxalq mütəxəssislərin seçimini təklif edir.

Personalın seçimi üzrə xidmətlər mərkəzi tələbə saytlarında tələbələr üçün vakansiyaları pulsuz yerləşdirir, eyni zamanda, universitet daxilində şirkətlərin nümayişlərini təşkil edir.

LTU təhsil və inkişaf mərkəzi isə şirkətlərə inkişaf proqramlarının və təhsilin geniş seçimini təklif edir.

• Cahangir Atakişiyev. .  (az.)

1. ↑ .