LC WAIKIKI və ya qısa adıyla LCW — 47.700 işçisi və 47 ölkədə 1047 mağazası olan İstanbul mərkəzli mağazalar şəbəkəsidir. Adı, Hawaii adasında yerləşən Waikiki çimərliyindən və Fransızca "dostlar" mənasını verən "Les Copains" sözlərinin baş hərflərindən ibarətdir.

LC Waikiki
Ümumi məlumatlar
Məhsulu	Geyim
Təsis tarixi	1988
Baş qərargahın yeri	İstanbul
Vikianbarda əlaqəli mediafayllar

LC Waikiki, 1985-ci ildə Fransada DDKA şirkəti tərəfindən təsis edilmişdir (təsisçilərinin baş hərfləri: JJD, JMD, SK və George Amouyal). 1990-cı illərdə marka Fransada uşaqlar və yeniyetmələr arasında böyük nüfuza sahib idi. Yarandıqdan qısa müddət sonra modelyer Georges Amuyal və şəriki, sonralar "Taha Grup"a çevrilən və 1997-ci ildə LC Waikiki markasını alan Türk geyim şirkəti Taha Tekstil (Tema Tekstil) ilə əməkdaşlıq etməyə başladı. Şirkət markasını yenidən Türkiyə və beynəlxalq standartlarına uyğunlaşdırdı. Elə həmin il Türkiyədə 21 LC Waikiki mağazası açıldı və bu say ilbəil artmaqdadır. Hal hazırda Türkiyənin 76 vilayətində 400-dən çox LC Waikiki mağazası fəaliyyət göstərir.

İlk xarici LC Waikiki mağazası 2009-ci Rumıniyada açılmışdır. Daha sonra şirkət Azərbaycan, Albaniya, Əlcəzair, Ermənistan, Belarus, Bolqarıstan, Bosniya və Herseqovina, Gürcüstan, Misir, İraq, İordaniya, İran, Qazaxıstan, Kipr, Çin, Kosovo, Şimali Makedoniya, Mərakeş, Moldova, Oman, Polşa, Rusiya bazarlarına da daxil oldu. Gələcəkdə Səudiyyə Ərəbistanı, Suriya, Tunis, Ukrayna, Qırğızıstan, Tacikistan və Özbəkistan və müxtəlif Fars körfəzi ölkələri və digər bazarlara da daxil olmaq planlaşdırılır.

Rusiyada ilk LC Waikiki mağazası 2010-cu ilin dekabrında Sankt-Peterburqda açılıb, mağaza sayının 50-yə çatdırılması planlaşdırılır.

Qazaxıstanda ilk mağaza 2010-cu ildə Nur-Sultanda açılıb, və hazırda 34 mağaza fəaliyyət göstərir.