Bu məqalədə heç bir məlumatın mənbəsi göstərilməmişdir. (sentyabr 2023)
|
Lütfəli Süleyman bəy oğlu Məlik-Aslanov (1913, Tuğ, Şuşa qəzası – 1996) — texnika elmləri doktoru, professor.
| Lütfəli Məlik-Aslanov | |
|---|---|
| Lütfəli Süleyman bəy oğlu Məlik-Aslanov | |
| Doğum tarixi | |
| Doğum yeri | |
| Vəfat tarixi | (83 yaşında) |
| Vəfat yeri | Bakı, Azərbaycan Respublikası |
| Həyat yoldaşı | Valentina Petrovna Yermakova |
| Uşaqları | Ramiz, Leyla xanım |
| Atası | Süleyman bəy |
| Anası | Xurşud xanım |
| Elmi dərəcəsi | |
| Elmi adı | |
Həyatı
● Lütfəli Süleyman bəy oğlu Məlik-Aslanov 21 yanvar 1913-cü ildə Şuşa qəzası, Yelizavetpol quberniyası, Rusiya imperiyasının Tuğ kəndində qədim və nəcib Qarabağın zadəgan Məlik-Aslanovlar ailəsində anadan olmuşdur.
● 1938-ci ildə "Neft yataqlarının işlənilməsi və istismarı" ixtisası üzrə AzSİ-nun neft-mədən fakültəsini bitirmişdir. "Molotovneft" trestinin neft hasilatı şöbəsində usta, şöbə müdiri işləmişdir. Böyük Vətən Müharibəsi iştirakçısıdır.
● 1945-ci ildən - VNİİTB-nin neft-mədən şöbəsinin rəhbəri olmuşdur.
● 1948-ci ildən AzETNÇİ-da işləməyə başlamış.
● 1953-cü ildə isə "Neft hasilatının texnikası və texnologiyası" laboratoriyasının rəhbəri təyin edilmiş və eyni zamanda AzSİ-da pedaqoji fəaliyyət göstərmişdir.
● 1956-cı ildə "Kollektorların neftverimi mexanizmində aralıq zonanın rolunun tədqiqi" mövzusunda namizədlik.
● 1965-ci ildə isə "Layların neftveriminin artırılması məsələləri" mövzusunda doktorluq dissertasiyaları müdafiə etmişdir.
Elmi fəaliyyəti
● Lütfəli Məlik-Aslanov neft yataqlarının işlənilməsi və layların neft veriminin artırılması sahəsində tanınmış alimdir.
● Elmi tədqiqatlar sahəsi: neftin su ilə sıxışdırılması; qeyri-bircins və uzun müddət istismar edilən laylarda neftverimi məsələlərinin tədqiqi; layın hidravlik dağıdılması; quyuların istismarı və qazılması zamanı qum təzahürü və onunla mübarizə.
● 200-dən artıq elmi məqalənin və 8 monoqrafiyanın müəllifidir. İxtiralara görə 25 müəlliflik şahədətnaməsi alıb.
● Lütfəli Məlik-Aslanov "SSRİ-nin Fəxri neftçisi", "Azərbaycanın əməkdar mühəndisi", "Azərbaycanın neft sənayesi əlaçısı" kimi adlara layiq görülüb və "Qırmızı Əmək Bayrağı", "Şərəf Nişanı" ordenləri ilə təltif olunub.
Ailəsi
● Həyat yoldaşı: Valentina Petrovna Yermakova (21.01.1913,Bakı-17.12.1991,Bakı)
● Övladları: Ramiz (14.03.1942,Bakı), Leyla xanım (1946,Bakı)
İstinadlar
● Azərbaycan Respublikası Dövlət Tarix Arxivi (ARDTA). F.24.Op.1.D.142.
● Məlik-Aslanovların soyağacı haqqında, N.A. Cavanşir Azərbaycan Tarixi Şəcərə Cəmiyyətinin Xəbərləri, İkinci Buraxılış, Səda, Bakı, 2001, səh: 30 ISBN 5-86871-204-4
Xarici keçidlər
Həmçinin bax
● Məlik-Aslanovlar[+]