Müasir yapon dilində "kuraqari" sözü "kölgəlik" və ya "qaranlıq" mənasını verir. Aşırımı əhatə edən sıx ağaclıq səbəbilə aşırımın bu adı aldığı güman olunur. Digər versiyaya görə isə aşırımın adı "kura-qari" (hərf. yəhərə borclanma) və ya "kura-qaeri" (hərf. yəhər fırlatma) ifadələrindən yaranmışdır. Bu versiya isə aşırımın dikliyinin atlar və atlılar üçün təşkil etdiyi təhlükə ilə əlaqələndirilir.

Kuraqari aşırımı Edo dövründə keçən və Nara ilə Osakanı birləşdirən tarixi yolun vacib nöqtəsi olmuşdur. Belə ki, Koriyama hanı yolu çay daşları ilə döşəmiş və İkomadan keçən daymyolar üçün poçt məntəqəsi qurmuşdur. İse məbədinə gedən zəvvar yolu buradan keçirdi. Yolun daş döşəməsi müasir dövrə qədər salamat qalmışdır və hazırda isə -in bir hissəsidir.

Yaponiya şairi Matsuo Başo 1694-cü ildə müalicə almaq məqsədilə getdiyi yerdən qayıdarkən bu aşırımdan keçmişdir. Bu hadisənin xatirəsinə yolda Matsuo Başonun bir şeirinin əks olunduğu abidə qoyulmuşdur.

Kuraqari aşırımı Yaponiyada ən dik yamac yolu hesab olunur. Təcrübəsiz sürücülərin bu yoldan keçməməsi tövsiyə edilir. Aşırımın ən maili nöqtəsi 31°-dir. Aşırım milli magistralın bir hissəsini təşkil etsə də, yol dardır: eni 2,3 metrə qədər enə bilir. Bu səbəbdən yolda parkinq qadağandır və güclü yağışlar zamanı yol hərəkəti məhdudlaşdırılır.

•  
  Yolun ən maili nöqtəsi.
•  
  Daşlarla döşənmiş hissə.
•  
  Osaka Dairəvi Təbiət Cığırı ilə kəsişməsi.
•  
  Yuxarıdan görünüşü.