Məbədin əsası XIII əsrdə qoyulsa da, indiki tikili 1627-ci ilə aiddir.

Məbəd üç əsas zaldan ibarətdir. Sakyamuni zalı Buddaya həsr olunmuş və onun burada heykəli qoyulmuşdur. Zalda XVIII əsrə aid qədim zəng yerləşir. Digər iki zal Uzunömürlülük zalı və Kun İam zalıdır.

Kun İam zalı məbədin ən önəmli zalı hesab olunur. Zalın səcdəgahında buddizmdə mərhəmət ilahəsi hesab olunan təsviri yerləşir. Səcdəgahın hər iki tərəfində 18 budda heykəli qoyulub. Səcdəgahın sağında Marko Polo olduğu iddia olunan saqqallı arhat heykəli var. İddiaya görə Marko Polo bu məbəddə buddizmi öyrənmişdir. Bitişik otaqlarında cənazə kapellaları və Quanin haqqında əlyazmalar yerləşir.

Məbədin arxasında terras bağçalar yerləşir. Bu bağçaların birində yerləşən daş masada 3 iyul 1844-cü ildə ilk Çinlə ABŞ arasında imzalanmış ilk müqavilə olan imzalanmışdır. Daş masanın yaxınlığında mərmərdən hazırlanmış və bəzəkli köşkdə qorunan rahib heykəli, eləcə də, budaqları bir-birinə qarışmış, Sevgililər ağacları kimi tanınan və evlilik sədaqətini bildirən dörd qədim ağacı yerləşir. Bağçanın digər hissələrində miniatür Çin mənzərələri formasında olan fəvvarələr, bambuk meşələri və ölən rahiblər üçün kiçik məbəd görmək olar. Məbədin festivalı ikinci, altıncı, doqquzuncu və on birinci ayların 19-cu günündə baş tutur.