Kriş 3 (hind: कृषकृष 3, Rom: Krrish 3) — Rejissor Rakeş Roşan tərəfindən çəkilmiş və 1 noyabr 2013-cü ildə ekranlara çıxan Hindistan superqəhrəman filmidir. “Sən tək deyilsən” və “Krrish” filmlərinin davamıdır.
| Kriş 3 | |
|---|---|
| hind. कृष ३ | |
| Janr | elmi-fantastika filmi, superqəhrəman filmi, döyüş filmi, macəra filmi, musiqili film |
| Baş rollarda | |
| Distribütor | Netflix |
| İlk baxış tarixi | 2013 |
| Müddət | 152 dəq. |
| Ölkə | |
| Dil | Hind dili |
| Əvvəlki film | Kriş (film, 2006) |
| Rəng | rəngli |
| Çəkiliş yeri | İsveçrə, Türkiyə |
| IMDb | |
Film istedadlı alim Rohit Mehra və onun super qəhrəman oğlu Krişna Mehranın (başqa adı ilə Kriş) həyatından bəhs edir. Krişna, mutant əlaltılarının hər cür köməkliyindən istifadə edən pis dahi Kaal ilə mübarizə aparmalıdır.
Kriş 3-ün ilkin olaraq 3D-də yayımlanması planlaşdırılırdı, lakin filmi 3D-ə çevirmək üçün vaxt az olduğundan rejissor Rakesh Roshan filmin 2D-də yayımlanacağını elan etməli olmuşdur. Kriş 3 1 noyabr 2013-cü ildə bütün dünyada buraxılmışdır. Seriyanın növbəti hissəsi olan “Krrish 4” filminin nümayişi pandemiya səbəbindən 2021-ci ilin iyun ayına qədər təxirə salınmışdır.
Süjet xətti
Kriş şər doktor Aryanı məğlub etdikdən sonra atası Rohiti əsirlikdən xilas etməyə müvəffəq olur və bundan sonra super qəhrəman şərlə mübarizəni davam etdirir və bir çox insanın həyatını təhlükədən xilas edir. Bunun üçün Kriş tədricən hamı tərəfindən tanınan qəhrəmana çevrilir.
Krişna və həyat yoldaşı Priya nəhayət Krişnanın atası ilə başqa şəhərə köçürlər. Rohit elmi fəaliyyətini davam etdirir və yüksək inkişaf etmiş əqli qabiliyyətlərini cəmiyyətin xeyrinə istifadə edir.
Lakin onların hamısı planetin o tayında qaranlıq qüvvənin hər gün daha da artdığından xəbərsizdir. Və onun adı Kaaldır. Təbiətcə dahi olan Kaal öz qabiliyyətlərini pislik üçün istifadə edir və bununla da bütün dünyaya üfunət və dağıntılar yayır. Pis əməllərində ona kömək etmək üçün, Kaal “özünün yaratdığı” məxluqlardan ibarət bir ordu formalaşdırmışdır.
Tezliklə Rohit və Kriş Kaalın planlaşdırdığı pisliyin qarşısını ala biləcək yeganə şəxslərə çevrilirlər. Lakin onlar bu şər dahiyə mane olmağı bacarmırlar və nəticədə tale superqəhrəman və antaqonisti üz-üzə qoyur. İndi Krişin üzərinə təkcə Kaalın şər planlarını məhv etmək deyil, həm də ən çətini – ailəsini Kaaldan müdafiə etmək vəzifəsi düşür. Krişna bu adamla aparacağı amansız mübarizədə öz daxilindəki və özünün də xəbərsiz olduğu yeni qüvvələri oyatmalı olacaqdır.
İstinadlar
- .
- ↑ .
- ↑ .