Kreyq Deyvid uşaqlıqdan musiqi ilə məşğul olub. İlk nailiyyəti Böyük Britaniyanın "I’m Ready" mahnı müsabiqəsində qalibiyyəti olub. Bundan sonra Kreyq Mark musiqiçi Mark Hill ilə tanış olur və onunla işləməyə başlayır. 2000-ci ildə "Born To Do It" adlı ilk albomu işıq üzü görür. Albom Böyük Britaniyanın ən çox satılan albomları sırasında birinci yerə qalxır və 19 yaşlı artist bu nailiyyəti qazanmış ən gənc müğənni kimi tarixə düşür. Albomun sinqlları olan "Fill Me İn", "7 Days", "Walking Away", "Rendezvous" dünya çartlarının ilk pillələrini tutur və Kreyqi bütün dünyada tanıdır. 2002 və 2003 illərində Kreyq Deyvid "Ən yaxşı vokal çıxışı" nominasiyasında 2 dəfə Qremmi mükafatının adayı olur.

2002-ci ildə Kreyq Deyvid "Slicker Than Your Average" adlı ikinci albomunu hazırlayır. Bu albom ilk alboma nisbətən az uğur qazansa da müğənni yenə də bir sıra mükafatlar qazanır və populyarlığını qoruyur. 2003-cü ildə Kreyq Deyvid musiqiçi Stinq ilə birlikdə ona böyük uğur gətirən "Rise & Fall" mahnısını yazır. Mahnı Böyük Britaniyada ilin ən uğurlu mahnıları arasında ikinci yeri tutur. 2005-ci ildə Kreyq Deyvid "The Story Goes...", 2007-ci ildə "Trust Me", 2010-ci ildə isə "Signed, Sealed, Delivered" adlı albomlarını buraxır. Bundan başqa 2008-ci ildə Kreyq Deyvid ən yaxşı mahnılarının daxil olduğu "Greatest Hits" albomunu buraxır və bu albom üçün "İnsomnia" adlı yeni sinql yazır. 2012-ci ildə Kreyq sayca 6-cı studiya albomunu buraxır və 2013-cü ildə dünya turuna çıxır.

Studiya albomları

• Born to Do It (2000)
• Slicker Than Your Average (2002)
• The Story Goes... (2005)
• Trust Me (2007)
• Signed Sealed Delivered (2010)
• Following My Intuition (2016)
• The Time Is Now (2018)
• 22 (2022)

Toplu albomları

• Greatest Hits (2008)