ABŞ Konstitusiya Partiyası – 1991-ci ildə Hovard Fillips tərəfindən yaradılan siyasi partiyadır. Bu siyasi partiya 1999-cu ilə qədər ABŞ Vergi Ödəyicilərinin Partiyası adlanıb. Hal-hazırda partiyaya Cim Klaymer başçılıq edir.

Konstitusiya partiyası ing. Constitution Party
Qurucu	Hovard Fillips
Lideri	Cim Klaymer
Quruluş tarixi	1991
Baş qərargah	North Lime 23 küç., Lançaster, Pensilvaniya ştatı.
İdeologiya	Amerika millətçiliyi, Xristian millətçiliyi, Konservativ liberalizm, Konservativ libertianizm, İqtisadi millətçilik, Milli konservatizm, Paleokonservatizm, Paleolibertianizm, Sosial konservatizm, Proteksionizm.
İdeoloji spektr	sağçılıq, ifrat sağçılıq
Üzv sayı	438 min
Saytı
Vikianbarda əlaqəli mediafayllar

Bu partiya siyasi baxışlarına görə sağ qüvvələrə daxildir və əsas ideoloji xüsusiyyətləri paleokonservatizm – ABŞ dövlətini yaradanların konservant yəni mühafizəkar idealarına, Konstitusiya qaydalarına və İncil-də olan dini prinsiplərə sadiq qalmaqdır. İqtisadi məsələlərdə bu partiyanın fikirləri respublikaçılar və libertian partiyasının fikirləri ilə səsləşir. Mühafizəkar və dini tipli partiya olaraq Konstitusiya Partiyası bəzi insan hüquqlarına qarşı çıxaraq onların məhdudlaşdırılmasını və ya tamamilə qüvvədən çıxarılmasının tərəfdarıdır.

Dini baxımdan olaraq partiya evtanaziya və aborta qarşıdır. Sözügedən hüquqların ya tamamilə ləğv edilməsi ya da ki, məhdudlaşdırılması üçün partiya ABŞ ictimaiyyətində təbliğat aparır. Bundan başqa partiya eyni cinsdən olan insanların nigahına qarşı çıxır. Miqrasiya məsələsində isə partiya leqal üsulların tərəfdarıdır və leqal olmayan üsullara qarşı sərt qərarların verilməsini istəyir. Partiyanın əsas istiqamətlərindən biri isə ABŞ konqresinin təhsil və səhiyyə sahələrinə qarışmasına əngəl qoymaqdır. Konstitusiya Partiyası bu addımla sözügedən sahələrdə sabitlik və inkişaf yaratmaq, konqresin bəzən düzgün hesablanmayan qərarlarından qorumaq istəyir. Partiyanın digər tələbi isə odlu silah gəzdirmək istəyənlərə çətinliklərin çıxartmadığı hüquqların verilməsidir. Konstitusiya partiyası iqtisadi əsasları möhkəmləndirmək üçün ABŞ-nin dünya iqtisadiyyatından izolyasiya olunmasını, beynəlxalq müqavilələrdən imtina edilməsini və ölkənin Şimali Amerika Azad Ticarət Zonası anlaşmasından (NAFTA), Ticarət Tarifləri üzrə əsas anlaşmadan (GATT) və Ümumdünya Ticarət Təşkilatından (WTO) çıxmasının tərəfdarıdır.

2008-ci ilin göstəricisinə əsasən partiyanın rəsmi üzvlərinin sayı 438 min nəfərdən çoxdur. Bu üzvlər əsasən Kaliforniya ştatının vətəndaşlarıdır.