Konstantin Belyavski
Konstantin Yakovleviç Belyavski (rus. Константин Яковлевич Белявский ;d. 1802 — ö. 30.10.1857, Sankt-Peterburq, Rusiya imperiyası) — Rus generalı. Qafqaz və Krım müharibələrinin iştirakçısı
| Konstantin Belyavski Yakovleviç | |
|---|---|
| rus. Константин Яковлевич Белявский | |
.jpg) | |
Kutaisi quberniyası general-qubernatoru | |
| 17 aprel 1847 – 1851 | |
| Əvvəlki | vəzifə təsis edilib |
| Sonrakı | Aleksandr Qaqarin |
| Şəxsi məlumatlar | |
| Doğum tarixi | |
| Vəfat tarixi | |
| Vəfat yeri | Sankt-Peterburq, Rusiya imperiyası |
| Fəaliyyəti | hərbi qulluqçu |
| Hərbi xidmət | |
| Xidmət illəri | 1817-1857 |
| Mənsubiyyəti | Rusiya imperiyası |
| Qoşun növü | piyada qoşun |
| Rəhbərlik edib | 24-cü Sibir alayı, 15-ci piyada diviziyasının 1-ci briqadası, 15-ci piyada diviziyasının 2-ci briqadası, 2-ci piyada diviziyası, 18-ci piyada diviziyası |
| Rütbəsi | general-leytenant |
Konstantin Belyavski, 1802-ci ildə Vilenski quberniyasında zadəgan ailəsində anadan olmuşdur. 1817-ci ilin yanvarın 8-də kiçik gizir rütbəsi ilə Pavlov alayında xidmətə başladı. 1821-ci ilin iyulun 13-də poruşik rütbəsi ilə Volın alayına köçürüldü və 1827-ci ildə kapitan rütbəsi ilə təltif edildi.
1831-ci ildə Polşa qiyamının yatırılmasında iştirak edən Semyonov alayında fərqləndiyinə görə polkovnik rütbəsi ilə təltif edildi. 1832-ci ildə Volın alayına geri qaytarılır. 1837-ci ildə Sibir yeger alayının komandiri təyin edilir. 1840-cı ildə həmin alayda general-mayor rütbəsi ilə təltif edilir. 1840-cı ildə 15-ci diviziyanın 1-ci briqadasının komandiri, bir il sonra isə 2-ci briqadanın komandiri təyin edilir.
1844-cü ildə Çeçenistan və Dağıstana edilən yürüşlərdə iştirak etdi. 1845-ci ildə Qafqaz Əlahiddə Korpusunun baş komandanı təyin edilir və Çeçenistana ikinci yürüş edilir. 1847-ci ildə yeni təsis edilimiş Kutaisi quberniyasının general-qubernatoru təyin edilir. 1849-cu ildə general-leytenant rütbəsi ilə təltif edilir və bir il sonra 2-ci piyada diviziyasının komandiri təyin edilir. 1853-cü ildə Osmanlı imperiyası ilə müharibədə iştirak edən 18-ci piyada diviziyasının komandiri təyin edilir. 1854-cü ildə xəstəliklə əlaqədar təqdim etdiyi ərizə ilə ordu sıralarından çıxardılır.
1857-ci ilin 30 oktyabr tarixində Sankt-Peterburq şəhərində vəfat edir.
- 1817-ci il 8 yanvar — kiçik gizir
- 1817-ci il 17 aprel — gizir
- 1818-ci il 11 yanvar — baş gizir
- 1819-cu il 28 yanvar — podporuşik
- 1821-ci il 13 iyul — poruşik
- 1824-cü il 19 dekabr — ştab-kapitan
- 1827-ci il 1 avqust — kapitan
- 1831-ci il 6 oktyabr — polkovnik
- 1840-cı il 14 aprel — general-mayor
- 1849-cu il 3 aprel — general-leytenant
- 4-cü dərəcədən Müqəddən Vladimir ordeni (09.08.1831)[1]
- 4-cü dərəcədən hərbi xidmətinə görə orden (20.12.1832)
- 3-cü dərəcədən Müqəddəs Stanislav ordeni (06.12.1836)
- 2-ci dərəcədən Müqəddəs Anna ordeni (12.09.1837)
- 25 il hərbi xidmətinə görə 4-cü dərəcədən Müqəddəs Georgi ordeni (11.12.1841)
- 1-ci dərəcədən Müqəddəs Stanislav ordeni (20.10.1843)
- 3-cü dərəcədən Müqəddəs Georgi ordeni (06.08.1845)
- 1-ci dərəcədən Müqəddəs Anna ordeni (24.11.1847)
- ↑ Кавказцы или Подвиги и жизнь замечательных лиц, действовавших на Кавказе. СПб. 1857г.