Yapon əfsanələrinə görə o vaxt adı Aşitsu olan Konohanasakuya Niniqini dəniz sahilində görmüş və ona aşiq olmuşdur. Niniqi atası Ohoyamanın yanına getmiş və evlilik üçün icazə istəmişdir. Ohoyama Niniqinin ən böyük qızı İhanaqa ilə evlənməsini istəmişdir. Lakin Niniqi fikrini dəyişməmişdir. Əfsanənin bir neçə versiyasına görə böyük bacısı və anası əsəbləşmiş və Aşitsunun başqa kişi ilə yatması barədə şayiələr yaymışdırlar. Əsəbləşmiş Niniqi həyat yoldaşını atmışdır. Aşitsu onu geri qaytarmağa çalışsa da, rədd edilmişdir.

Sonda Aşitsu nəyin baş verdiyini anlamışdır. Sakura fidanı əkmiş və ağaca dua edərək ondan həqiqəti göstərməsini istəmişdir. Əgər körpəsi ərindəndirsə, ağac həmişə çiçək açacaq, əgər deyilsə, ondan ağac quruyacaq və öləcəkdi. Ağacı əkəndən sonra evə qayıtmışdır.

Bahar gələndə o, 3 oğlan doğmuşdur. O, ərinə mesaj göndərsə də, əri evə gəlməmişdir. Ümidsiz qalan Aşitsu özünü və uşaqlarını Fuci dağının meşəsində bir evdə bağlamışdır. O, meşəni yanğına verərək uşaqların ərindən olmadığı halda öləcəkləri barədə and içmişdir. Uşaqlar və Aşitsu yaxınlığındakı əjdaha tərəfindən xilas edilirlər. Axırda Niniqi həyat yoldaşının əkdiyi sakura ağacının çiçək açdığını görür və onun günahsız olduğunu anlayır. O, tez evə qayıdır və şeir oxuyaraq Aşitsunun ürəyinin geri qazanır.

Uşaqlara Honoakari, Honosuseri və Hikohohodemi adları verilir. Niniqi Aşitsunun adını dəyişib Konohanasakuya qoyur. Konohanasakuya oğlanları böyüdür və qocalaraq ölür. Bir versiyaya görə isə Aşitsu təkbaşına meşəyə köçərək özünü öldürür.

Konohanasakuya Fuci dağının ilahəsi Senqen-sama ilə eyniləşdirilib. Bundan əlavə, şintoizmdə uşaqları qoruyan və yedizdirən ilahə Koyasu ilə eyniləşdirilmişdir. Bunun səbəbi, çox güman ki, orijinal miflə bağlıdır.

• Roberts, Jeremy, , Chelsea House, 2010, ISBN 978-1-4381-2802-3