Kobe şəhəri Yaponiyada "Dəb şəhəri" kimi tanınır. 1973-cü ildə şəhərdə dəb deklarasiyası qəbul edilmişdir. Kobe Dəb Muzeyi Yaponiyada dəbə həsr olunmuş ilk muzeydir. Muzey 1997-ci ildə açılmışdır. İnteryeri tərəfindən dizayn olunmuşdur. Modelyer 1 aprel 2018-ci ildə muzeyin fəxri direktoru təyin olunmuşdur.

Muzey Kobe şəhərindəki , "Kobe Fashion Plaza"da yerləşir. Birinci mərtəbəsində yerləşən sərgi zalında xüsusi sərgilər və kolleksiya sərgiləri yerləşir. Dördüncü mərtəbədə seminarlar və vorkşoplar keçirilir. "Orbis" zalı muzeyin uçan boşqab formasında olan konsert zalıdır. 424 nəfərlik tutumu olan bu məkanda dəb şouları, konsertlər və nümayişlər keçirilir. Muzeyin kolleksiyasına XVIII–XX əsrlərə aid 9000 Avropa və Amerika kostyumu, 70-dən çox ölkəyə aid etnik geyimlər, 2000 aksesuar, 1500 dəb lövhəciyi daxildir.

Üçüncü mərtəbədə muzeyin kitabxanası yerləşir. Kitabxanada dəb haqqında 45.000 kitab və XX əsrə aid 1100 dəb jurnalı əlçatandır. Burada "Vogue", "Harper's Bazaar", "Life" kimi xarici dəb jurnallarını oxumaq mümkündür. Kitabxananaya dəb jurnalisti kolleksiyası daxildir. Muzeyin kolleksiyasında 1980-ci illərdən sonra Paris, London, Milan və Tokioda keçirilmiş dəb şoularını əks etdirən 3000 DVD və 1950-ci illərdən sonrakı musiqiləri ehtiva edən 3800 CD saxlanılır. Muzeydə Fransa və İtaliyadan olan 30.000 parça nümunəsi sərgilənir.

• — Rəsmi saytı