Kleopatra (fr. Cléopâtre) — qısametrajlı ilk qorxulu filmlərdən biridir. Səssiz filmdir. Rejissoru Jorj Melyesdir. Filmin baş rolunda fransız aktrisa Janna D'Alsi oynayır. Filmdə Jorj Melyes çəkilmişdir. İki dəqiqəlik müddəti olan "Kleopatra" filmində mumiyalanmış Kleopatranın canlanması təsvir olunur. 1899-cu ildə göstərilən "Kleopatra" filmi kino tarixinin ilk qorxulu filmləri sırasında göstərilməkdədir. 1930-cu ildən etibarən bu film itirilmiş hesab edilirdi. Uzun müddət itirilmiş filmlər siyahısına düşən bu filmin nüsxəsi 2005-ci ildə Fransada tapılmışdır.