Keyko Kitaqava 22 avqust 1986-cı ildə Yaponiyanın Hyoqo prefekturasında doğulmuşdur.Kobe şəhərində böyümüş, bir çox dostunu 1995-ci ildəki Böyük Hanşin zəlzələsində itirmişdir. Uşaqlıqda həkim olmaq istəmiş, lakin liseydə ikən hansı peşəni seçmək istədiyi barədə tərəddüd etmişdir. Bu dövrdə bir agentlik tərəfindən kəşf edilmiş və Kitaqava əyləncə sektoruna daxil olmaq qərarına gəlmişdir. Valideynləri əvvəlcə buna qarşı çıxmış, lakin iki şərtlə buna icazə vermişdirlər: bir il ərzində irəliləyişi olmasa, bundan əl çəkəcək; universitetdən məzun olacaq. 2009-cu ilin martında məzun olmuşdur.

Agentliyə qoşulduqdan bir həftə sonra model və aktrisa kimi seçilmişdir. 2003-cü ildə Miss Seventeen seçilmiş və 2006-cı ilin sentyabrına kimi "" jurnalı üçün model kimi işləmişdir.

Aktrisa kimi ilk rolu "Gözəl mühafizəçi Seylor Mun" serialındakı Rey Hino rolu olmuşdur. İlk əsas rolu isə "" filmində olmuşdur. Bu filmdə oynadıqdan sonra model karyerasını tərk edərək filmlərə köklənmək qərarı vermiş, "Albalı piroqu" və "Dəyərli dostlar" filmlərində baş rollarda oynamışdır. 2007-ci ildə "" serialında baş rolu canlandırmışdır. 2008-ci ildə isə "" serialında baş qəhrəmanı oynamışdır.

"Sürətli və Qəzəbli: Tokio drifti" filminin çəkilişləri üçün Kaliforniyaya getmiş, 2006-cı ildə ingiliscə təhsil almaq üçün yenə buraya qayıtmışdır. 2007-ci ilin may-dekabr aylarında Yaponiyanın həftəlik televiziya jurnalı olan "Weekly The Television" jurnalı üçün köşə yazarı olmuşdur.

2016-cı ildə "" filmindəki roluna görə Ən yaxşı aktrisa nominasiyasında qalibi olmuşdur.

Model və aktrisa kimi işləməyə başladıqdan sonra Tokioya köçmüşdür və o vaxtdan burada yaşayır. Kitaqava evdə oturmağı, DVD izləməyi, musiqiyə qulaq asmağı və kitab oxumağı sevir.

2016-cı ildə müğənni və söz yazarı Dayqo ilə evlənmişdir. 22 aprel 2020-ci ildə ilk hamiləliyini açıqlamışdır. 7 sentyabrda qızı olmuşdur.

• — IMDb səhifəsi