1833-cü ildə sənətkar və litoqraf ailəsində doğulmuşdur. Otto Hippiusun kiçik qardaşıdır. Rusiya Rəssamlıq Akademiyasını 1855-ci ildə bitirmişdir. Dünyanı səyahət etdikdən sonra Rusiyaya qayıtmış, 1857-ci ildə Bakı və Astrabadda ticarət məntəqələri olmuşdur. 1859-cu ildə Qafqaz canişinliyində vəzifə verilmiş, Şamaxı zəlzələsindən sonra quberniyanın paytaxtının Bakıya köçürülməsini məhz özünün apardığı tədqiqatlardan sonra təklif etmişdir. Bakı şəhərinin əsas planını salmış, küçələrinin çertyojunu çəkmiş, Şirvanşahlar sarayının həbsxanaya çevrilməsi fikrinə qətiyyətlə etiraz etmişdi.

1867-ci ildə İrəvan quberniyasının memarı təyin olundu. İrəvan şəhərində həbsxana tikintisində və Araz çayı üzərində körpü salınması layihəsində iştirak edib. İrəvanda yaşadığı müddətdə gözlərindən biri zəifləməyə başladı və tabes xəstəliyinə tutuldu. Yerli iqlimin kəskin olması səbəbindən 1871-ci ildə istefa verərək Sankt-Peterburqa köçdü. Daha sonra Rusiya Əsilzadələr Məclisi və Moskva Yanğından Sığorta Şirkətinin layihələrində iştirak edib.

1880-ci ildə ürək xəstəliyindən vəfat etmiş və Smolensk qəbirstanlığında basdırılmışdır.

• Гиппиус, Карл Густавович // Русский биографический словарь : в 25 томах. — СПб.—М., 1896—1918.