Quliyev Kamran Dadaş oğlu, 11.05. 1992-ci il tarixində Salyan şəhərində anadan olmuşdur. Ailədə üç övlad olmuşlar.

Birinci sinifə ilk qədəmlərini Salyan rayonunun Əliağa Kürçaylı adına 7 saylı məktəbdə təhsilini davam etmişdir.

2009-cu ildə 7 saylı tam orta məktəbi bitirdikdən sonra hərbi xidmətə çağırılmışdı. Bakı şəhərində N saylı Daxili Qoşunlarında xidmətini yerinə yetirmiş və hərbi xidmətini müddətdən artıq MAXE kimi çalışmağa ərizə yazaraq üç illik müqaviləyə imza atmışdı. Cəlilabad rayonunda Daxili Qoşunlarında çalışmış və üç illiyi tamam olduğu müddətdən sonra yenə öz doğulub boya-başa çatdığı Salyan torpağına qayıdaraq, müxtəlif sahələrdə çalışmışdır.

Sentyabrın 27-də İkinci Qarabağ müharibəsi başlayanda o da mürahibəyə yola düşür. Düşmənin ağır itkilərə məruz qoyulmasında onun da pay var. Tovuzdan başlanan döyüş yolu Cəbrayılda, Füzulidə davam edib. Füzuli istiqamətində aparılan hərbi əməliyyatlarda şəhid olur. 6 oktyabr 2020-ci il tarixində onun ön cəbhədə son döyüşü olur. Kamran torpaqlarımızın işğalçılardan azad olunması yolunda şəhid oldu.

Quliyev Kamran Dadaş oğlu ailəli idi. İki övladı var. 14.11. 2014-cü il tarixində böyuk oğlu, Quliyev Ümid Kamran oğlu anadan olmuşdur. 22. 07.2020-ci il tarixində kiçik oğlu, Quliyev Tunar Kamran oğlu anadan olmuşdur

Şəhid Quliyev Kamran Dadaş oğlunun adına Salyanda inşa edilən bulağın açılışı olub. Açılış mərasimində rayon icra hakimiyyətinin rəsmiləri, şəhidin doğmaları, döyüşçü yoldaşları, hüquq-mühafizə orqanları və ictimaiyyət nümayəndələri iştirak ediblər

•   (15.12.2020) — "Vətən uğrunda" medalı (ölümündən sonra)
•   (25.12.2020) — "Füzulinin azad olunmasına görə" medalı (ölümündən sonra)