Kamran Nazim oğlu Abdullazadə (20 mart 1995, Lənkəran) – yarımmüdafiəçi mövqeyində çıxış edən Azərbaycan futbolçusu. "Xəzər Lənkəran", "Sumqayıt", "Kəpəz" klublarında çıxış etmişdir. Karyerasını Region Liqasında davam etdirir.
| Kamran Abdullazadə | |||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Ümumi məlumatlar | |||||||||||||||||||||||||||||||||||||
| Doğum tarixi | 20 mart 1995(29 yaş) | ||||||||||||||||||||||||||||||||||||
| Doğum yeri | |||||||||||||||||||||||||||||||||||||
| Vətəndaşlığı | |||||||||||||||||||||||||||||||||||||
| Mövqeyi | yarımmüdafiəçi | ||||||||||||||||||||||||||||||||||||
| Karyerası | |||||||||||||||||||||||||||||||||||||
|
|||||||||||||||||||||||||||||||||||||
|
|||||||||||||||||||||||||||||||||||||
Həyatı
Kamran Abdullazadə futbol oynamağa "Xəzər Lənkəran" klubunun aşağı yaş qruplarında Bəxtiyar Mirseyidovun məşqçiliyi altında başlamışdır. Burada 4 il boyunca çıxış etmişdir. 2009-cu ildə "Xəzər Lənkəran" klubunun gənclər komandasına cəlb olunmuşdur. Burada məşqçisi Namiq Qarayev olmuşdur.
Klub karyerası
Çempionat
Kamran Abdullazadə 2011-ci ildə Azərbaycan çempionatında çıxış edən "Xəzər Lənkəran" klubunun əsas heyətində oynamağa başlamışdır. 2013-cü ilin oktyabrında hərbi xidmətə çağırılmış və Azərbaycanın ordu klubu olan MOİK-ə cəlb olunmuşdur. Lakin 2013-cü ilin dekabrında iki klub arasında razılaşma əldə olunmuş və futbolçu "Xəzər Lənkəran" klubuna qayıtmışdır. Doğma klubuna qayıtdıqdan sonra klubun türkiyəli yeni baş məşqçisi Mustafa Dənizli tərəfindən komandanın əsas heyət üzvünə çevrilmişdir. 2012/13 mövsümündə "Xəzər Lənkəran" klubunun tərkibində UEFA Avropa Liqası yarışlarında iştirak etmişdir.
"Xəzər Lənkəran" klubundan ayrıldıqdan sonra 2016-cı ildə "Sumqayıt" klubuna, 2017-ci ildə "Kəpəz" klubuna transfer olmuşdur. Daha sonra karyerasına Region Liqasında çıxış edən klublarda davam etdirməyə başlamışdır. 2020-ci ildə "", 2022-ci ildə "Xan Lənkəran" klubuna keçmişdir.
Kubok
Abdullazadə 2013-cü ildə baş tutmuş Azərbaycan Superkuboku oyununda "Neftçi" klubuna qarşı oynamışdır.
| № | Tarix | Turnir | Klub | Rəqib | Hesab |
|---|---|---|---|---|---|
| 1 | 23 oktyabr 2013 | Azərbaycan Superkuboku (2013) | "Xəzər Lənkəran" | "Neftçi" | 2:1 |
Milli komanda
Kamran Abdullazadə Azərbaycan millisinin U-15, U-16, U-17 və U-19 futbol komandalarında çıxış etmişdir. U-17 milli komandasında 25 oktyabr 2011-ci ildə Avropa çempionatı çərçivəsində Xorvatiyaya qarşı oyunda debüt etmişdir. Oyun Azərbaycanın 2:1 hesablı qələbəsi ilə başa çatmışdır. U-19 komandasında isə 12 oktyabr 2013-cü ildə Avropa çempionatı çərçivəsində Bosniya və Herseqovinaya qarşı keçirilmiş oyunda debüt etmişdir. Oyun 0:0 hesabı ilə başa çatmışdır.
2017-ci ildə heyətinə dəvət almış və Bakıda keçirilmiş İslam Həmrəyliyi Oyunlarının futbol turnirində iştirak etmişdir.
Uğurları
- "Xəzər Lənkəran"
- Azərbaycan çempionatı: ikincilik (2011, 2012)
- Azərbaycan Kuboku: qalib (2011)
- Azərbaycan Superkuboku: qalib (2013).
İstinadlar
- ↑ Kamran Abdullazada // (çd.). 2000.
- . Publika.az (az.). 10 yanvar 2014 tarixində . İstifadə tarixi: 4 avqust 2023.
- . Xəzər Xəbər (az.). 10 yanvar 2014 tarixində . İstifadə tarixi: 4 avqust 2023.
- . İdman Xəbər (az.). 10 yanvar 2014 tarixində . İstifadə tarixi: 4 avqust 2023.
- . AzNews (az.). 22 iyun 2013. 10 yanvar 2014 tarixində . İstifadə tarixi: 4 avqust 2023.
- . Sportnet (az.). 15 iyun 2016. İstifadə tarixi: 4 avqust 2023. [ölü keçid]
- . Sportfm (az.). 3 fevral 2020. İstifadə tarixi: 4 avqust 2023.
- . Rekord.az (az.). 16 yanvar 2022. İstifadə tarixi: 4 avqust 2023.
- . Lənkəran FC (az.). 29 may 2014 tarixində . İstifadə tarixi: 4 avqust 2023.
- . Soccerway (az.). 19 iyul 2015 tarixində . İstifadə tarixi: 4 avqust 2023.
- . Soccerway (ingiliscə). 7 dekabr 2013 tarixində . İstifadə tarixi: 4 avqust 2023.
- (ingiliscə). 6 dekabr 2013 tarixində . İstifadə tarixi: 4 avqust 2023.
- . Etik Xəbər (az.). 4 mart 2017. İstifadə tarixi: 4 avqust 2023.