Kamil Məmmədov (azərb. Məmmədov Kamil İsmayıl oğlu; 4 fevral 1942, Quba) — general
Kamil Məmmədov | |
---|---|
azərb. Məmmədov Kamil İsmayıl oğlu | |
Şəxsi məlumatlar | |
Doğum tarixi | |
Doğum yeri | Quba |
Hərbi fəaliyyəti | |
Rütbəsi | general |
Həyatı
Kamil Məmmədov 4 fevral 1942-ci ildə Quba şəhərinin Müxtədir küçəsindəki 45 nömrəli evdə doğulmuşdur. 1 nömrəli şəhər orta məktəbini bitirmişdir. 1959-cu ildə Qubadakı kənd təsərrüfatı texnikumuna daxil olmuş, tərəvəzçi ixtisası üzrə texnikumu bitirmişdir.
12 noyabr 1963-cü ildə hərbi xidmətə çağırılmış, üç il Brest şəhərindəki artilleriya alayında xidmət etmişdir. Üçillik Tambov şəhərindəki hərbi artilleriya məktəbini 1967-ci ildə leytenant rütbəsi ilə bitirmişdir. Hərbi məktəbi əla qiymətlərə bitirdiyinə görə Almaniya Demokratik Respublikasına göndərilmişdir.
1973-cü ilə kimi orada xidmət etmişdir. 1973-cü ildə baş leytenant rütbəsində baş qərargahın arxa cəbhə və Nəqliyyat Akademiyasına imtahan verib qəbul olunmuşdur. 1976-cı ildə akademiyanı mayor rütbəsində bitirmiş, Ukraynaya diviziya komandirinin müavini vəzifəsinə göndərilmişdir.
Kamil Məmmədova 1979-cu ildə podpolkovnik rütbəsi verilmişdir.
1982–1983-cü ildə Orta Asiyada korpus komandirinin müavini işləmiş, 1983-cü il oktyabrın 19-da Əfqanıstana korpus komandirinin məsləhətçisi göndərilmişdir. İki il iki ay dörd gün Əfqanıstanda xidmət etmişdir. 1986-cı ilin yanvarında xidmət yeri Leninqrada dəyişdirilmişdir. Leninqrad hərbi dairəsində ordu komandanının müavini təyin edilmişdir. SSRİ Nazirlər Sovetinin 1989-cu il bir noyabr tarixli qərarı ilə general-mayor rütbəsi ilə təltif olunmuşdur.
Baş Qərargah Akademiyasında çalışmışdır.
Mükafatları
- Üçüncü dərəcəli "SSRİ-də Vətənə xidmətə görə" kavaler
- "Əfqanıstanda İgidliyə görə" ordeni
- 13 medal
Ailəsi
Atası İsmayıl Məmmədtağıoğlu "Kommunizm yolu" kolxozunda dəmirçi işləmişdir.
Elmar Məmmədov adlı bir oğlu var. Moskvadakı Suvorov adına hərbi məktəb 1982-ci ildə əla qiymətlərlə bitirib. Daha sonra RSFSR adına Ali hərbi məktəbə daxil olmuşdur. 1986-cı ildə leytenant rütbəsində ən uzaq N. qarnizonuna xidmətə göndərilmişdir.
İstinadlar
- ↑ Şəmistan Nəzirli. [ölü keçid], Bakı, "Gənclik", 1991. səh.103